Juan Juanpa qhelqasqan Evangelio
Juanpa qhelqasqan Evangelio
Juanqa Jesuspa ujnin yachachisqan karqa, may munasqataj. Juan kay evangeliota chay ujkunamanta aswan qhepata qhelqarqa. Paypa qhelqasqan evangeliota tumpata qhawarisqalla yachakun chay ujkuna evangeliokunamanta nisqaqa waj jina kasqanta. Kay evangelioqa pipunichus Jesús kasqanta sut'inchan (Jn 20.31). Yachachin Jesusqa Diospa wiñay Simi Nisqan kasqanta, runaman tukuspataj, kay pachapi kawsasqanta. Kay evangeliopi willallantaj Jesusqa Tata Diosman pusaj ñan kasqanta, cheqa kajtaj, wiñay kawsaytaj ima.
Juanpa rikusqanman jina Jesusmanta willaj evangelioqa kay jina:
Jesús pipunichus kasqan (1.1-18)
Runakuna rikushajtinku Jesuspa ruwasqan (1.19—11.57)
Kay pachapi Jesuspa kawsayninmanta tukukuy semana (12—19)
Jesuspa kawsarimpusqan (20—21)
Revisión Biblia Quechua Boliviano © Sociedad Bíblica Boliviana, 2017.