Gyenesis 3
3
Nyimpa N’asehwe
1 #
Nyi 12.9; 20.2 Nna abowatsena no yɛ onyitsewfo kyɛn hamu abowa biara a EWURADZE Nyankopɔn ayɛ. Na obisaa ɔbaa no dɛ, Aso ampaara dɛ Nyankopɔn ase hom dɛ, Mma hom nndzi ture yi mu ndua nyinara bi? 2Na ɔbaa no see abowatsena no dɛ, Ture yi mu ndua n’eduaba no yɛwɔ ho kwan dɛ yedzi bi; 3mbom dua a osi ture yi ne finimfin no n’eduaba no na Nyankopɔn ase dɛ, Mma yenndzi, nkyii so mma yɛmmfa hɛn nsa nnka, amma yeennwuwu. 4Na abowatsena no buaa ɔbaa no dɛ, Hom nnkowu bi: 5osiandɛ Nyankopɔn nyim dɛ da a hom bedzi bi no, hom enyi bobue, na hom ayɛ dɛ Nyankopɔn#3.5 NYANKOPƆN: Hibriw no n’asekyerɛ tum so gyina hɔ ma “enyame”. na hom ehu papa nye bɔn. 6Na ɔbaa no hun dɛ dua no ye dɛ wodzi, na ɔyɛ enyiwa do fɛw, yɛ akɔndɔ, na otum so dɛ obue enyi no, ɔtseew n’aba no bi dzii; na ɔmaa no kun a ɔka no ho no so bi, na odzii. 7Na hɔn beenu no nyinara hɔn enyiwa buebuei, na wohun dɛ wodzi adagyaw; na wɔpempaam adɔmbadua n’ahataw, na wɔyɛɛ nsamenyim maa hɔnho. 8Na ewimbir no, wɔtsee EWURADZE Nyankopɔn ne nka dɛ ɔnam ture no mu, na Adam nye ne yer no sumae fii EWURADZE Nyankopɔn n’enyim wɔ ture no mu ndua no mu. 9Na EWURADZE Nyankopɔn frɛɛ banyin no na obisaa no dɛ, Ewɔ hen? 10Na banyin no buaa dɛ, Metsee wo ndze wɔ ture no mu, na musuroi, osiandɛ midzi adagyaw; na musumaa moho. 11Na obisaa no dɛ, Woana kaa kyerɛɛ wo dɛ idzi adagyaw? Ana edzi dua a mehyɛɛ wo ho mbra dɛ mma nndzi bi no bi? 12Na banyin no see dɛ, ɔbaa no a edze no bɛkaa mo ho no, ɔno na ɔmaa me dua no bi, na midzii. 13#2 Kor 11.3; 1 Tim 2.1 Na EWURADZE Nyankopɔn bisaa ɔbaa no dɛ, Ebɛnadze na ayɛ yi? Na ɔbaa no see dɛ, Abowatsena no na ɔdaadaa me ma midzii.
14Na EWURADZE Nyankopɔn see abowatsena no dɛ,
Osiandɛ ayɛ iyi ntsi,
wɔadom wo wɔ fiembowa nyinara mu,
na hamu mbowadoma nyinara mu;
wo yafun do na ebɛnantsew,
na huntuma na ibedzi
wo nkwa nda nyinara.
15 #
Nyi 12.17
Medze ɔtan mobɔto ɔwo nye ɔbaa no ntamu,
na w’asefo nye n’asefo ntamu:
ɔbɔbɔ wo tsir,
na wo so asɔw n’anantsir.
16Ɔsee ɔbaa no dɛ,
Mebɛma w’awoko mu amandzehu adɔɔ so kɛse;
ɔfona mu na ebɔwo mba;
na ebɛdan wo kun,
na ɔbɔhwɛ wo do.
17 #
Heb 6.8
Na ɔsee Adam dɛ,
Osiandɛ etsie wo yer ne ndze,
na edzi dua a mehyɛɛ wo ho mbra
dɛ, Mma nndzi bi no bi ntsi,
wɔadom asaase wɔ ɔwo ntsi;
ɔfona mu na ibedzidzi do wo nkwa nda nyinara;
18nhwirom nye nsoɛ so na obefifir ama wo;
na ibedzi hamu ahaban;
19w’enyim mfifir mu na ibedzidzi
kɛpem dɛ ebɛsan akɔ daadze;
osiandɛ ɔno mu na woyii wo fii:
na huntuma nye wo,
na huntuma mu na ebɛsan akɔ.
20Na banyin no too ne yer no dzin Eve; osiandɛ ɔno na ɔyɛ atseasefo nyinara hɔn na. 21Na EWURADZE Nyankopɔn yɛɛ nwoma ntar maa Adam nye ne yer, na ɔdze hyɛɛ hɔn.
Wɔpam Adam na Eve fi Ture no mu
22 #
Nyi 22.14
Na EWURADZE Nyankopɔn see dɛ, Hwɛ, nyimpa no abɛyɛ dɛ hɛn mu kor, ohu papa nye bɔn; na afei bɛyɛ na ɔatsen ne nsa, na ɔatsew nkwadua no so bi edzi, na ɔatsena ase daa; 23dɛm ntsi EWURADZE Nyankopɔn tuu nyimpa fii Eden ture no mu dɛ ɔnkɔdɔw daadze a woyii no fii mu no. 24Na oyii nyimpa no edzi; na ɔdze Kerubim#3.24 KERUBIM: Atseasefo bi a wɔwɔ sor na wɔbɔ ndzɛmba krɔnkrɔn ho ban., nye gya nkrantsee a onyinanyinam, sii Eden ture no enyim boka, dɛ wɔnweɔn nkwadua no ho kwan no.
Mfantse Bible © Bible Society of Ghana, 2011.