Mateo 9
9
Jesús tmää'kxtüky jäts tyëktso'oky tu'uk jaa'y mati' tëj xyujxnë
(Mr 2.1-12; Lc 5.17-26)
1Ku najj nyajjxy, nits Jesús kanëw këjxm pyejjty nits nyënajjxy jäts jya'ajty kë'm kyajjpjotm. 2Jämts yëkkëyja'ajty këypyäjjt këjxm tu'uk jaa'y mati' y'ijjty tëj xyujxnë; ku Jesús t'ijxy jäts jä' jaa'ytyë tu'k'aaw tu'kjoojt t'a'ijxëtë jäts yyëktso'okp jä', jakëjxts pa'amjaa'y tnëëjmjaay:
—Namyëjkmo'jë muku'uk; mää'kxtüky tukkë'yë mtakkoo'ny tyäny.
3Jäts nitu'ukë'n pawaa'n yëk'ixpëjkpëttëjjk wyinmaytyë: «Yës Teety yë' myutakkoypy ku yë' najj yä'äny.» 4Jäts Jesús tkumaay ntsoj jä' y'ijjty wyinmaytyë jakëjxts tyëktëëy:
—¿Tikëjx miits ka'oy mwinmaytyë? 5¿Mati' miits jätyë mtëyjyawëtë'p ku ëjts nwa'ant, “mää'kxtüky mpöky tyäny” ok ku ëjts nwa'ant: “puttë'ëk jäts yyo'oy”? 6Ixyamts ëjts miits ntok'ijxt jäts jäj naxwiinë'tjaa'y y'Uu'nk kuttujjk tjakyepy yaj it naxwiiny jäts pöky tmää'kxtukt.
Nits pa'amjaa'y tnëëjmjaay:
—Puttë'ëk, këëjyë'knë mmaapäjjt jäts nëjkxnë mtëjkëntüjpy.
7Nits jä' yaa'ytyëjjk tyenkyuk'ajjty jäts nyëjkxnë. 8Ku najj jaa'y t'ijxtë t'aa'xtujktë jäts tsyë'ëjk'eetyë nits Yës Teety tmëjj'ijxtë tmëjjkäjxtë jakëjx ku y'ijjty tëj naxwiinë'tjaa'y mataajkë'n kuttujjkë'n tmo'oy.
Jesús tpaway Mateo
(Mr 2.13-17; Lc 5.27-32)
9Ku Jesús tsyoo'në jäm nits t'ijxpaajty tu'uk yaa'ytyëjjk mati' txëëw Mateo, jäm tsyëënë Roma yëkkuttujkpë myeeny tyëkmujjkë jä'ku jä'jä' y'ijjty tyunk'eepy, nits Jesús tnëëjmjaay:
—Patsoo'nk ëjts tjaa'myë'n.
Nits Mateo jätyë tyenkyuk'ajjty jäts tpanijkxy Jesús.
10Jä' xëëw Mateo tpawaay Jesús kaywyë tyëjkëntüjpy, mëët jya'atë nimay yëkmeenymyujkpëttëjjk, pökytyumpëjaa'y, jäts tu'ukyë tmëëtkaytyë tmëët'uuktë Jesús mëët y'ixpëjkpëttëjjk. 11Kuts fariseostëjjk najj t'ijxtë, nits tyëktëëtë Jesús y'ixpëjkpëttëjjk:
—¿Tikëjx miits mwintsën tmëëtkay tmëët'uuky yëkmeenymyujkpëttëjjk mëët pökytyumpëjaa'y?
12Jäts Jesús tmatooy ku najj wya'antë fariseostëjjk nits tnëëjmjaay:
—Pënjäty mëjk majaawtë kä' jä' tsoy'eepyë kya'ijjtxyëtë, pa'amjaa'y jä' ka'ijjtxëtë'p. 13Nnëjkxtë, jäts winjawëtë ntsoj ayuujk wyimpitsemy mati' wamp: “Pa'ayoo'n ëjts ntsöjkypy, kä' ëjts ntsöky wintsë'ëjk'ëë'ny.” Kä' ëjts tëj nniminy pën tëy wa'ats jaa'y'eetyë'p jüky'eetyë'p, pökytyumpë jaa'y ëjts tëj nniminy.
Jesús tkajpxtëy ayuuj'eeky
(Mr 2.18-22; Lc 5.33-39)
14Nits Juan Bautista tyumpëttëjjk Jesús twinkunëjkx'eetyë nits tnëëjmjäätyë:
—Ëëts mëët fariseostëjjk ijtp ëëts n'ayuujjë, ¿tikëjxts mijts m'ixpëjkpëttëjjk kya'ayuujjëtë?
15Jäts Jesús y'atsoojjëtë:
—¿Yëk'ayyopë'mts jaa'y wyittit'të pënjäty waatsoytyë amäjtsk'eekyuwam? Pyaatp jä' xëëw ku wyä'në to'oxypyëjkpë kya'okpën'ijtnë nitnë'mts wyä'në y'ayuujjëtë.
16«Nippën pakwit tkatta'akkëyë wääne namwit, jä'ku ku namwit pyijkxt nits wyijtswa'kxkexy pakwit, najjts jä' wyintakkoy. 17Ninyajj nippën tkappuutsë pa'aknëëj pak tsyiwë'akjötypy, jä'ku ku pa'aknëëj nyi'ëë'tspëkt kyëëtsp jä' jätyë pak po', kuts jä' najj jyatt kutakkoykyëxpts jä', jakëjxts pa'ak yëkpuutsë nam tsyiwë'akjötypy najjts jä' wä'nmäjtsk yëk'ajoojtë.»
Pëjjkëpë to'oxytyëjjk mëët Jairo nyëëx
(Mr 5.21-43; Lc 8.40-56)
18Ku y'ijjty Jesús tka'amay jaa'y jäjpts tu'uk judíos nyiwintsën jya'ajty, jäts nyakyujxtänëtyaajkë Jesús wyinkujjky nits tnëëjmjaay:
—Tëj ëjts nnëëx y'ooky; ku jyeexyë mtsoony jäts xkë'nixajjt, jükypyëkp ëjts jä' n'ajawë.
19Nits Jesús tyenkyuk'ajjty mëët y'ixpëjkpëttëjjk jäts tpanëjkxtë jä' yaa'ytyëjjk. 20Nits tu'uk to'oxytyëjjk mati' y'ijjty tëj majkmäjtsk jumëjjt në'ëjpypya'am pyëjjknyë, jä'äts tninëjkx Jesús jyëxke'py jäts kyujkwopkë'xt tjaa'xjaay. 21Jä'ku nëm jä' y'ijjty wyinmay: «Jakjä'yë ëjts yë' jyeexyë kyujkwopkë'xt njaa'jxë, tso'okp ëjts.» 22Nits Jesús jätyë wya'kwimpijjty jäts to'oxytyëjjk twinku'ijx'ëëy nits tnëëjmjaay:
—Namyëjkmo'jë uu'nk, tëj mtëyjyaa'w'ajjtë'n xtamata'aky tëj mtso'oky.
Nits jätyë në'ëjpy y'attujjky.
23Ku Jesús jya'ajty judíos niwintsën tyëjkëntüjpy, jäjpnë y'ijjty xuxpë wojppë nits jä' kiixy'uu'nk t'ajtsyëknaxtëjjk'eenyëtë't, jäts mëët jaa'y mëjknäxy jyë'ëytyë ya'axtë, 24nits Jesús tnëëjmjaay:
—Pitsëmkëxtë, kä' yë' una'ajnk y'ooky, maap yë' jä'yë.
Yëkxi'ikyë'm jaa'y tjaa'w'eetyë ku najj Jesús wyaany, 25kuwanë'ts Jesús tkäjxpitsëmkëjjxy jaa'y; jäts tnittëjjk'ëëy jä' kiixy'uu'nk nits kyë'këjjxy tmajjtsy jäts twijjtsjë'ëjky. 26Nits tukkë'yë jä' it wya'kxtaay jä' matya'aky mati' y'ijjty tëj tyünyë.
Jesús tyëkwin'ijxwä'kxy nimäjtsk jaa'y
27Ku Jesús tsyoo'në, jäjpts nimäjtsk jaa'y mati' y'ijjty ka'ok'ijxnëtë'p tpatsoo'ntë Jesús jäts mëjjnäxy kyajpxkäk'ooktë:
—¡David tsyaan kyoo, pa'ayook ëëts!
28Ku Jesús jya'ajty tëjkëntüjpy, nits jä' jaa'y nyimiijnëtë jäts Jesús tnëëjmjaay:
—¿M'ajaa'w'eetyë'p jäts xma'ypy ëjts jäts ëjts miits nyëktso'okt?
—Nits jä' jaa'y y'atsootë: —Wintsën, mayë'p mijts yë'
29Nits Jesús wyinnikkëjjxy jya'ajxëtë jäts nyëë'mxëtë.
—Wä'n jä' najj tünyë pën ntsoj miits xtsoktë.
30Nits jä' jaa'y jätyë wyin'ijxwa'akxtë, jäts Jesús mëjk nyëë'mxëtë:
—¡Katii'm pën xmatyaajkëtë mati' tëj mtuu'nxyëtë!
31Jä'yë'ts jä' jaa'y tsyoo'nëtë jäjp nits tukkë'yë jä' it jaa'y twankëjjxjäätyë ntsoj y'ijjty tëj Jesús yëktso'okyë'të.
Jesús tyëkkajpxpeky tu'uk jaa'y
32Yam y'ijjty jaa'y tsyoo'nëtë mati' win'ijwa'kxtë, nits wiijnk jaa'y tta'anëjkx'eetyë Jesús tu'uk jaa'y mati' kakkajpxp jäts mati' y'ijjty mëët mëjjku'ujy tyumpë tajtsënaajyë'p. 33Kuts Jesús t'ojjpitsëëmy mëjjku'ujy tyumpë nits jä' jaa'y kyajpxpëjjky. Jäts jaa'y pënjäty t'ijxtë attëy'ajat ttattantë, nits nyawyaajnëtë:
—¡Nijunë tij najj kyayëk'ijxy Israel!
34Jäts fariseostëjjk y'ijjty wya'antë:
—Mëjjku'ujy yë' mmoojyë'p mëjk'ajjt jäts mëjjku'ujy tyumpë tyëkpitsë'mt.
Kä' tumpë myayë
35Tukkë'yë y'ijjty Jesús t'ayo'oy mëjjkajjp mutskkajjp jäts jaa'y ttamumatya'aky oy'ayuujk oymatya'aky pënmaj jaa'y ka'amaa'yë'n ttayo'ymyuktë tu'kwiin jatu'kwiin. Najjts y'ijjty jaa'y tta'amayë ttawinjawë Yës Teety kyuttujjkë'n jäts mëët jaa'y tyëktso'oky pënjäty y'ijjty antë'p pëjktë'p. 36Kuts Jesús t'ijxy nimay jaa'y pyawittityë jäts yëk'ayyowë tjaa'w'ëëy, jä'ku najj jä' y'ijjty wyittit'të naa'xkë'n worrekë mati' y'ijxpë kappën'ijtp, kä' pënpën ijxy'ittëtë'p kuwa'anëtë'p. 37Nits tnëëjmjaay y'ixpëjkpëttëjjk:
—Tëyë'm jä', kä' tumpë nyimayë jäts maynyäxy mati' yëktukwamp yëkwänwamp. 38Jakëjxts ëjts nwa'any, mmunuu'kxta'aktë kukkam nits tumpë tjakpakkäxt jäts yëkwänmukt yëktujkmukt tukkë'yë teeny kyexy.
Porciones en Mixe de Yalalag, Oaxaca, México © Sociedad Bíblica de México, A.C.
Mateo 9
9
Jesús tmää'kxtüky jäts tyëktso'oky tu'uk jaa'y mati' tëj xyujxnë
(Mr 2.1-12; Lc 5.17-26)
1Ku najj nyajjxy, nits Jesús kanëw këjxm pyejjty nits nyënajjxy jäts jya'ajty kë'm kyajjpjotm. 2Jämts yëkkëyja'ajty këypyäjjt këjxm tu'uk jaa'y mati' y'ijjty tëj xyujxnë; ku Jesús t'ijxy jäts jä' jaa'ytyë tu'k'aaw tu'kjoojt t'a'ijxëtë jäts yyëktso'okp jä', jakëjxts pa'amjaa'y tnëëjmjaay:
—Namyëjkmo'jë muku'uk; mää'kxtüky tukkë'yë mtakkoo'ny tyäny.
3Jäts nitu'ukë'n pawaa'n yëk'ixpëjkpëttëjjk wyinmaytyë: «Yës Teety yë' myutakkoypy ku yë' najj yä'äny.» 4Jäts Jesús tkumaay ntsoj jä' y'ijjty wyinmaytyë jakëjxts tyëktëëy:
—¿Tikëjx miits ka'oy mwinmaytyë? 5¿Mati' miits jätyë mtëyjyawëtë'p ku ëjts nwa'ant, “mää'kxtüky mpöky tyäny” ok ku ëjts nwa'ant: “puttë'ëk jäts yyo'oy”? 6Ixyamts ëjts miits ntok'ijxt jäts jäj naxwiinë'tjaa'y y'Uu'nk kuttujjk tjakyepy yaj it naxwiiny jäts pöky tmää'kxtukt.
Nits pa'amjaa'y tnëëjmjaay:
—Puttë'ëk, këëjyë'knë mmaapäjjt jäts nëjkxnë mtëjkëntüjpy.
7Nits jä' yaa'ytyëjjk tyenkyuk'ajjty jäts nyëjkxnë. 8Ku najj jaa'y t'ijxtë t'aa'xtujktë jäts tsyë'ëjk'eetyë nits Yës Teety tmëjj'ijxtë tmëjjkäjxtë jakëjx ku y'ijjty tëj naxwiinë'tjaa'y mataajkë'n kuttujjkë'n tmo'oy.
Jesús tpaway Mateo
(Mr 2.13-17; Lc 5.27-32)
9Ku Jesús tsyoo'në jäm nits t'ijxpaajty tu'uk yaa'ytyëjjk mati' txëëw Mateo, jäm tsyëënë Roma yëkkuttujkpë myeeny tyëkmujjkë jä'ku jä'jä' y'ijjty tyunk'eepy, nits Jesús tnëëjmjaay:
—Patsoo'nk ëjts tjaa'myë'n.
Nits Mateo jätyë tyenkyuk'ajjty jäts tpanijkxy Jesús.
10Jä' xëëw Mateo tpawaay Jesús kaywyë tyëjkëntüjpy, mëët jya'atë nimay yëkmeenymyujkpëttëjjk, pökytyumpëjaa'y, jäts tu'ukyë tmëëtkaytyë tmëët'uuktë Jesús mëët y'ixpëjkpëttëjjk. 11Kuts fariseostëjjk najj t'ijxtë, nits tyëktëëtë Jesús y'ixpëjkpëttëjjk:
—¿Tikëjx miits mwintsën tmëëtkay tmëët'uuky yëkmeenymyujkpëttëjjk mëët pökytyumpëjaa'y?
12Jäts Jesús tmatooy ku najj wya'antë fariseostëjjk nits tnëëjmjaay:
—Pënjäty mëjk majaawtë kä' jä' tsoy'eepyë kya'ijjtxyëtë, pa'amjaa'y jä' ka'ijjtxëtë'p. 13Nnëjkxtë, jäts winjawëtë ntsoj ayuujk wyimpitsemy mati' wamp: “Pa'ayoo'n ëjts ntsöjkypy, kä' ëjts ntsöky wintsë'ëjk'ëë'ny.” Kä' ëjts tëj nniminy pën tëy wa'ats jaa'y'eetyë'p jüky'eetyë'p, pökytyumpë jaa'y ëjts tëj nniminy.
Jesús tkajpxtëy ayuuj'eeky
(Mr 2.18-22; Lc 5.33-39)
14Nits Juan Bautista tyumpëttëjjk Jesús twinkunëjkx'eetyë nits tnëëjmjäätyë:
—Ëëts mëët fariseostëjjk ijtp ëëts n'ayuujjë, ¿tikëjxts mijts m'ixpëjkpëttëjjk kya'ayuujjëtë?
15Jäts Jesús y'atsoojjëtë:
—¿Yëk'ayyopë'mts jaa'y wyittit'të pënjäty waatsoytyë amäjtsk'eekyuwam? Pyaatp jä' xëëw ku wyä'në to'oxypyëjkpë kya'okpën'ijtnë nitnë'mts wyä'në y'ayuujjëtë.
16«Nippën pakwit tkatta'akkëyë wääne namwit, jä'ku ku namwit pyijkxt nits wyijtswa'kxkexy pakwit, najjts jä' wyintakkoy. 17Ninyajj nippën tkappuutsë pa'aknëëj pak tsyiwë'akjötypy, jä'ku ku pa'aknëëj nyi'ëë'tspëkt kyëëtsp jä' jätyë pak po', kuts jä' najj jyatt kutakkoykyëxpts jä', jakëjxts pa'ak yëkpuutsë nam tsyiwë'akjötypy najjts jä' wä'nmäjtsk yëk'ajoojtë.»
Pëjjkëpë to'oxytyëjjk mëët Jairo nyëëx
(Mr 5.21-43; Lc 8.40-56)
18Ku y'ijjty Jesús tka'amay jaa'y jäjpts tu'uk judíos nyiwintsën jya'ajty, jäts nyakyujxtänëtyaajkë Jesús wyinkujjky nits tnëëjmjaay:
—Tëj ëjts nnëëx y'ooky; ku jyeexyë mtsoony jäts xkë'nixajjt, jükypyëkp ëjts jä' n'ajawë.
19Nits Jesús tyenkyuk'ajjty mëët y'ixpëjkpëttëjjk jäts tpanëjkxtë jä' yaa'ytyëjjk. 20Nits tu'uk to'oxytyëjjk mati' y'ijjty tëj majkmäjtsk jumëjjt në'ëjpypya'am pyëjjknyë, jä'äts tninëjkx Jesús jyëxke'py jäts kyujkwopkë'xt tjaa'xjaay. 21Jä'ku nëm jä' y'ijjty wyinmay: «Jakjä'yë ëjts yë' jyeexyë kyujkwopkë'xt njaa'jxë, tso'okp ëjts.» 22Nits Jesús jätyë wya'kwimpijjty jäts to'oxytyëjjk twinku'ijx'ëëy nits tnëëjmjaay:
—Namyëjkmo'jë uu'nk, tëj mtëyjyaa'w'ajjtë'n xtamata'aky tëj mtso'oky.
Nits jätyë në'ëjpy y'attujjky.
23Ku Jesús jya'ajty judíos niwintsën tyëjkëntüjpy, jäjpnë y'ijjty xuxpë wojppë nits jä' kiixy'uu'nk t'ajtsyëknaxtëjjk'eenyëtë't, jäts mëët jaa'y mëjknäxy jyë'ëytyë ya'axtë, 24nits Jesús tnëëjmjaay:
—Pitsëmkëxtë, kä' yë' una'ajnk y'ooky, maap yë' jä'yë.
Yëkxi'ikyë'm jaa'y tjaa'w'eetyë ku najj Jesús wyaany, 25kuwanë'ts Jesús tkäjxpitsëmkëjjxy jaa'y; jäts tnittëjjk'ëëy jä' kiixy'uu'nk nits kyë'këjjxy tmajjtsy jäts twijjtsjë'ëjky. 26Nits tukkë'yë jä' it wya'kxtaay jä' matya'aky mati' y'ijjty tëj tyünyë.
Jesús tyëkwin'ijxwä'kxy nimäjtsk jaa'y
27Ku Jesús tsyoo'në, jäjpts nimäjtsk jaa'y mati' y'ijjty ka'ok'ijxnëtë'p tpatsoo'ntë Jesús jäts mëjjnäxy kyajpxkäk'ooktë:
—¡David tsyaan kyoo, pa'ayook ëëts!
28Ku Jesús jya'ajty tëjkëntüjpy, nits jä' jaa'y nyimiijnëtë jäts Jesús tnëëjmjaay:
—¿M'ajaa'w'eetyë'p jäts xma'ypy ëjts jäts ëjts miits nyëktso'okt?
—Nits jä' jaa'y y'atsootë: —Wintsën, mayë'p mijts yë'
29Nits Jesús wyinnikkëjjxy jya'ajxëtë jäts nyëë'mxëtë.
—Wä'n jä' najj tünyë pën ntsoj miits xtsoktë.
30Nits jä' jaa'y jätyë wyin'ijxwa'akxtë, jäts Jesús mëjk nyëë'mxëtë:
—¡Katii'm pën xmatyaajkëtë mati' tëj mtuu'nxyëtë!
31Jä'yë'ts jä' jaa'y tsyoo'nëtë jäjp nits tukkë'yë jä' it jaa'y twankëjjxjäätyë ntsoj y'ijjty tëj Jesús yëktso'okyë'të.
Jesús tyëkkajpxpeky tu'uk jaa'y
32Yam y'ijjty jaa'y tsyoo'nëtë mati' win'ijwa'kxtë, nits wiijnk jaa'y tta'anëjkx'eetyë Jesús tu'uk jaa'y mati' kakkajpxp jäts mati' y'ijjty mëët mëjjku'ujy tyumpë tajtsënaajyë'p. 33Kuts Jesús t'ojjpitsëëmy mëjjku'ujy tyumpë nits jä' jaa'y kyajpxpëjjky. Jäts jaa'y pënjäty t'ijxtë attëy'ajat ttattantë, nits nyawyaajnëtë:
—¡Nijunë tij najj kyayëk'ijxy Israel!
34Jäts fariseostëjjk y'ijjty wya'antë:
—Mëjjku'ujy yë' mmoojyë'p mëjk'ajjt jäts mëjjku'ujy tyumpë tyëkpitsë'mt.
Kä' tumpë myayë
35Tukkë'yë y'ijjty Jesús t'ayo'oy mëjjkajjp mutskkajjp jäts jaa'y ttamumatya'aky oy'ayuujk oymatya'aky pënmaj jaa'y ka'amaa'yë'n ttayo'ymyuktë tu'kwiin jatu'kwiin. Najjts y'ijjty jaa'y tta'amayë ttawinjawë Yës Teety kyuttujjkë'n jäts mëët jaa'y tyëktso'oky pënjäty y'ijjty antë'p pëjktë'p. 36Kuts Jesús t'ijxy nimay jaa'y pyawittityë jäts yëk'ayyowë tjaa'w'ëëy, jä'ku najj jä' y'ijjty wyittit'të naa'xkë'n worrekë mati' y'ijxpë kappën'ijtp, kä' pënpën ijxy'ittëtë'p kuwa'anëtë'p. 37Nits tnëëjmjaay y'ixpëjkpëttëjjk:
—Tëyë'm jä', kä' tumpë nyimayë jäts maynyäxy mati' yëktukwamp yëkwänwamp. 38Jakëjxts ëjts nwa'any, mmunuu'kxta'aktë kukkam nits tumpë tjakpakkäxt jäts yëkwänmukt yëktujkmukt tukkë'yë teeny kyexy.
Porciones en Mixe de Yalalag, Oaxaca, México © Sociedad Bíblica de México, A.C.