Roiatatokenti San 18
18
Satekon aton iaȣenre teioteriȣasonterakȣen Oriȣatokenti tsini hoiaton Roiatatokenti San.
1Nonen saharihokten ne Iesos, ethone Cedron tsi tkanaȣahere niiahare ronhne ne raotiokȣa, ethononȣe niȣatehenraientakȣe iontiataȣaststa, oh kati iahata-ȣeiate oni ne raotiokȣa.
2Sitas ne rotenninonrene raienterine oni neneh nehnonȣe: aseken iotkate ki ne Iesos eh iohontero-rokskȣe ne raotiokȣa.
3Ȣahonhionkȣeton kati no Sitas, ne ratitsiheneta-kȣeniios oni no Pharisian, Sotar tanon ratiriton, nok etho ȣarete ratihaserenhaȣinontie, oni ne iontatientta.
4Nok no Iesos roterientaratsion tsini hoiataȣon-sere, iahatenti nok ȣahenron: Onka hetsiseȣaiatisaks?
5Tontahonniron, Iesos Nazaretronon. Tontahenron ne Iesos: Ii ȣahi. Etho oni neneh raiataratie ne Sitas nene rotenninonrene.
6Ne kati nonen ensakorori ne Iesos tsi ȣahenron: Ii; ohnaken ȣahonatontiate, nok ehtake iahatiia-takeron tane.
7Sekon tontasakoriȣanontense: onka hetsiseȣaia-tisaks? nok tontahonniron: Iesos Nazaretronon.
8Tontahenron ne Iesos, kȣarori ȣahi tsi Ii; neh kati nenskȣaiatisakseke, tosa ki othenon ietsiiastste-rist ne kenh kaien.
9Neh ȣaonni eh nahaȣenno nakaierine tsini haȣen; iah enskatha teȣakatonkȣetatonni tsinikon takonkȣetaȣi.
10Konh kaien ne Simon Tier, rotasaraniionte asa-rekoȣa, tahassarotsiate, nok saiatat ȣahoiente ne ra-tsihenstoȣanen rahonnhatsera, nok iahohontiakte tsi nonkati raȣeientetakon: Malchus ronȣaiastskȣe ne kenh kannhatsera.
11Nok tanon ne Iesos ȣahaȣcnhase ne Tier: sasa-teȣeienton ne sasarokoȣa. Iah kenh taknekirane tsini haknekarani ne Rakeniha?
12Ethone onen ne ronȣakoȣanen ne shotitiokȣa tanon ne Sitaeronon raotiriton ȣahonȣaiena ne Iesos nok ȣahonȣanerenke.
13Nok oksaok Annke niiahonȣasarine: aseken raȣennhonsa kenhne ne Caïph, neh ratsihenstoȣanen kenhne neh sikahaȣis.
14Ok neh sakaiatat ne Caïph, sakohnikonraten-henno ne Sitaeronon tsi teiotonȣentsiohon ne saiatat arenheie tsiniiot ne kanenrakȣekon.
15Simon Tier tanon sekon Saiatat ronȣanonte-ratiene ne Iesos; nok nesaiatat roienterine ne ratsi-henstoȣanen, ok ihne ne Iesos tsi iahataȣeiate rahotehenrakon ne ratsihenstoȣanen.
16Astste nenneh nakannhohati ratakȣe ne Tier, nok ne saiatat, ne toiatatienterine ne ratsihenstoȣa-nen, ionsakaiakenne, nok iatnitharen ne teȣitennho-hanonne, aonha kati iahohiatinionte ne Tier.
17Nok ne kenh kannhatsera teȣatennhohanonne, ȣahaȣenhase ne Tier: iah kenh nise tesiatare raotio-kȣakon ne kenh ronkȣe? tahenron: iah Ii tehken.
18Kenh kaien ne ratinnhatsera oni ne ratiriton ȣahontsienhonni, eh ronhnes aseken iothorekȣe, nok shontenhienskȣe; etho kati oni neneh raiatarakȣe ne Tier, rotonhiontakȣe oni neneh.
19Nok ne ratsihonstoȣanon ȣahoriȣanon tonse ne Iesos, ne raotiokȣa raiatatake tsi oni nihorihoten.
20Tontahenron ne Iesos tsi tontahoȣennaȣeron: ȣakeriȣakȣarision tsini kherori nonkȣeokon; tiotkon tsi ionterennaientakȣa kherionnienni, ononsatoken-tike oni tsinonȣo nihontkonnisahata ne sitaeronon, nok iah tcȣakatroriaton naiotoriȣaseton.
21Okkati niiotieren tsi takeriȣanontonnis? neh sheriȣanontons nʼiakoronkanion tsinahoten ȣaken, aseken iakoterientare tsini teȣakatati.
22Nonen neh ȣahenron ne Iesos, saiatat karihton eh rahtakȣe, ok neh ne rahonnia ȣahoiente ne Iesos nok ȣahenron: Etho konh niso niseȣeiente no taonta-tseȣennaȣeron no ratsihonstoȣanon?
23Iontahenron no Iesos: toka onkeȣennannhiko, satrori; nok toka nonȣa takoriȣaierite oh kati niiotieren tsi ȣaskiente?
24Itanerenhatiene ne Iesos ne Ann sihiahotori Caïphke ratsihenstakȣeniioke.
25Nok ne Simon Tier etho oni neneh ihreskȣe, nok rotenhientakȣe; ȣahonȣenhase kati: iah oni kenh nise tesiatare tsinihati ne raotiokȣa? Sahatonnhiie, nok ȣahenron: iah Ii tehken.
26Nok saiatat ne ratsihenstoȣanen raonnhatsera iatatenonkȣe ne Tier rohontiakonne, ȣahenron: iah kenh nah oni nise eh tetkonken atehenrakon?
27Sekon are sahatonnhiie ne Tier, nok ok eh ka-ȣennaratie ne kitkit tontati.
28Satontahonȣaiatinekenȣe ne Iesos ne Caïphke, tsi leieiatorotakȣa niionsahonȣasarine (onen siiorhonkene nonkatikȣen), iah tanon tiielmnataȣeiaton tsi teieiatoretakȣa, ne neh tosa ahotinnhistakȣe, senha ok oni anatiȣarake ne Teiotinakarontonha Oȣira Shotonnhestston.
29Neso ȣaonni tahaiakenne no Pilat nok ȣalmn-ron: oh nahoten slmteriȣateȣatonhatic no kenh ronkȣe?
30Tontahonȣaȣennaȣeron nok ȣahonniron: iah se kentho tahontasakȣaiatenha ne iah onkȣetaksens-kȣa takenhake.
31Tontasakaȣenhase ne Pilat: ise ki hetsiseȣaiena nok tetsiseȣaiatoret tsini seȣaianerenseroten. Tontahonniron kati ne Sitaeronon: iah teionkȣateriȣa-ienni nonka kiok aiakhiionnhiake.
32Nok nehneh ȣaonni eh nahaȣenne, ne iakaierite tsini kaȣennoten thotati ne Iesos, sahatrori tsini ȣenheiontoten renheiatane.
33Sekon kati ionsahataȣeiate tsi tehaiatoretakȣa ne Pilat, nok iahononke ne Iesos, nok ȣahenron: iseken iesanontiio ne Sitaeronon?
34Tontahenron no Iesos: ise ken satennikonra tsinahoten saton, kah niiehonenon notiako ne iesarori nii kiatatake?
35Pilat tontahenron: Sitaeronon kenh nakiato-ten? ne ȣahi ne sonkȣeta oni ratitsihenstakȣeniios ȣaonkatsiakȣarisien tsi sonnhe; oh nisatieren?
36Tontahenron ne Iesos: Iah onȣentsiako tokeh-nakeraseraien. Tokanonȣa onȣentsiako akaientake Rahonakerasera, ahonteriiose nakonkȣota ne tosa aionkiena no Sitaeronon; ok ki tiiaȣeriȣakon iah se konh tekenakeraseraien.
37Ethono saenron ne Pilat: sanontiio kenh? ton-tahenron ne Iesos: neh ki nʼakȣa neh ȣakennakeras-tstakȣen, neh oni teȣakenienton tsi teȣakonon non-ȣentsiako nakoriȣanirate ne tkariȣaieri. Onka rori-ȣatoken, roronken nakeȣenna.
38Pilat tontahenron: nahoten nehneh nʼOriȣiio? Nok neh ȣahenron, Sonsahaiakenne tsi thatiteron ne Sitaeronon niionsare, nok ȣasakaȣeiihase: iah othenon teketsenries nahonnhikon.
39Ne kati kehiken tsi niseȣarennhaon, nene enskat enskȣatsiakȣarision tsinihati ratinnhoton tsini ȣenta-noronsere ne Shotonnhestston; aeseȣathontato katiken neneh ahonsahiiatsiakȣarisi ne Sitaeronon Ron-ȣanontiio?
40Nok akȣekon ok are tontahotihenrete ȣahonni-ron: tosa rahonha kenhak, Barabas niha, onkȣelak-senskȣa kenhne ne Barabas.
Published by the British and Foreign Bible Society in 1880.