Matej 20
20
O Isus vaćarol paramič tare Devleso darežljivost
1“Golese o Carstvo e neboso si sar vlasniko savo ki sabalin rano uštol te rodol bućarnen te ćeren bući ane leso vinograd. 2Pazarisajlo e bućarnencar po jekh dinari, so sasa dnevnica jekhe đivesesi thaj bičhalda len ane po vinograd.
3Kana sasa paše enja o sato, pale iklilo thaj dikhlja averen sar ačhen ko trgo bibućako. 4Vaćarda lenđe: ‘Džan i tumen ane mo vinograd thaj ćeren bući, a kobor si pravedno me ka poćinav tumen.’ 5Thaj von đele.
Palem iklilo paše ke dešuduj (12) o sato. Poslepodne ke trin o sato ćerda isto gova. 6Kana iklilo paše o pandžto sato poslepodne, arakhlja averen sar ačhen bibućako thaj pučlja len: ‘Sose ačhen celo đive gothe bizi bući?’
7Von vaćarde lese: ‘Golese kaj khoni ni dija amen bući.’
Gija phenda lenđe: ‘Džan i tumen ane mo vinograd thaj ćeren bući.’
8Kana pelo o mrako, vaćarda o gospodari e vinogradeso pe anglune slugase: ‘De vika sa e bućarnen thaj poćin angleder kolen save avile empalune dži kola so avile te ćeren bući angleder.’ 9Gija avile angleder kola so avile te ćeren bući ko pandžto sato thaj lije po jekh dinari. 10Thaj kana avile kola save angleder lije te ćeren bući, dije gođi kaj ka len po but, al i von lije po jekh dinari. 11Kana lije e pare, lije te bunin pe po vlasniko e vinogradeso. 12Phende: ‘Amen ćerdam bući celo đive thaj mučisaljam thaj phabiljam, al kola so avile emposlednja save ćerde bući samo jekh sato thaj i len poćindan sar amen!’
13A vov vaćarda jekhese lendar: ‘Manušeja! Me tuće ni ćerav nisavi nepravda. Na li pazarisaljem tusa jekh dinari? 14Le so si ćiro thaj dža. Me mangav te dav kole empalune sar so poćinav i tut. 15Naj li man pravo te ćerav so me mangav me parencar? Il si ći jakh bilačhi so sem me šukar premal lende?’
16Gija, kola so si akana empalal odori ka aven anglal, a kola save si anglal odori ka aven empalal.”
O Isus palem vaćarol tare piro meripe
(Mk 10,32–34; Lk 18,31–34)
17Kana đelo o Isus ano Jerusalim, lija pe dešuduje (12) sikaden korkoren thaj odrumal vaćarda lenđe: 18“Akh dža ano Jerusalim thaj man, e Čhave e manušese, ka den e šorutne sveštenikurenđe thaj e učiteljenđe tare Mojsijaso zakon a von ka osudin man ko meripe. 19Ka den man e abandžijenđe, te maren muj mancar, te bičujin man thaj te čhuven man ko krsto thaj o trito đive ka uštav tare mule.”
Trubul te služi averen
(Mk 10,35–45)
20Tegani avili dži ko Isus i dej e Zevedejevase čhavenđi, katane pe čhavencar thaj peli mujesa premali phuv angle leste te šaj khanči manđol. 21O Isus pučlja la: “So manđe?”
Voj phenda lese: “Obeći manđe kaj me duj čhave ka bešen ke ćire duj riga, ane ćiro Carstvo, jekh tari ći desno rig, a dujto tari ći levo rig.”
22A o Isus vaćarda: “Ni džanen so manđen. Šaj li pijen o tahtaj so me ka pijav?” [“Thaj šaj li aven krstime krstimasa savesa sem me krstimo?”]
Vaćarde lese: “Šaj.”
23O Isus vaćarda lenđe: “Čače, o tahtaj e patimaso savo me pijav ka pijen [thaj e krstimasa savesa me sema krstimo, ka aven krstime i tumen], al te bešen manđe ki desno thaj ki levo rig našti dav me. Gola thana preperen kolenđe kase pripremisada mo Dad.”
24Kana šunde avera deš sikade, holajle pe kala duj phrala. 25O Isus akharda len paše peste thaj phenda: “Džanen kaj e abandžijenđe vladara isi len zuralipe pe manuša thaj e gospodara manđen te vladin pe lende. 26Al maškar tumende te ma avol gijate! Ko manđol te avol embaro maškar tumende, nek služil tumen. 27Thaj ko manđol te avol emangluno, nek avol tumaro robo. 28Golese ni me, o Čhavo e manušeso, ni aviljem te služin man, nego aviljem te kandav tumen thaj mo džuvdipe te dav te bi poćinava butenđe.”
O Isus sastarol e koren ano Jerihon
(Mk 10,46–52; Lk 18,35–43)
29Kana iklilo o Isus thaj lese sikade andaro foro o Jerihon, đele pale leste but manuša. 30Thaj dikh, duj kore bešle pašo drom. Kana šunde kaj načhol o Isus, vaćarde: “Smilui tut amenđe, Gospode, Čhaveja e Davideso!” 31A e manuša dije vika pe lende te ma bi vaćarena khanči, al von po zurale dije vika pale leste: “Smilui tut amenđe Gospode, Čhaveja e Davideso!”
32O Isus ačhilo, dija len vika thaj pučlja len: “So manđen te ćerav tumenđe?”
33Phende lese: “Gospode, manga te dikha.”
34E Isusese pelo žal thaj dolda lenđe jakha. Tari jekh drom dikhlje thaj đele pale leste.
