लूका किताबअ जो परिचय
किताबअ जो परिचय
लूका जे मुताबिक ख़ुशख़बरी येशु मसीहअ खे इज़राएल जो वायदो कयल उद्धारकरता ऐं सबनिन मांणुन जो उद्धारकरता, बि॒निन हीं रूपअ में पेश तो करे। लूका येशुअ जे बारे में लिखे तो, के प्रभुअ जी आत्मा हुन खे ग़रीबन खे ख़ुशख़बरी बु॒धाएण जे लाए घुरायो आहे। इन करे लूका जे मुताबिक ख़ुशख़बरी, अलग-अलग किस्मन जूं तकलीफुन में फाथल मांणुन जी चिंता सां भरयल आहे। लूका जे मुताबिक ख़ुशख़बरीअ में, आनंद डी॒ंदड़ समाचारअ खे ध्यानअ में रख्यो वयो आहे, खास करे शुरूआती अध्यायन में जिते येशुअ जे अचण जो एलान कयो वयो आहे ऐं आख़री अध्यायन में जिते येशुअ जो स्वर्ग॒अ में खणाएजी वञण जो जिक्र कयल आहे। येशुअ जे स्वर्ग॒अ में खणाएजी वञण खां पो मसीही विश्वासअ जो विकास ऐं उन जे फैलण जो वर्णन, इन हीं लेखकअ जे द्वारा प्रेरितन जा कमअ नाले जी किताबअ में लिख्या वया आइन।
लूका पांजी ख़ुशख़बरीअ जी किताबअ में प्रभु येशुअ जे जीवनअ सां जुड़यल कुछ ऐड़न किस्सन जो जिक्र तो करे, जेको बि॒यन टिन ख़ुशख़बरिन जी किताबुन में नथो मिले। जीअं त, येशुअ जे ज॒मण जे वक़्त स्वर्ग॒दूतन जो स्तुतिअ जा गीतअ गा॒एण, रिढारन जो बा॒रअ येशुअ खे बेतलेहमअ में डि॒सण वञण, थोड़ो वडे॒ थ्यण खां पो येशुअ जो यरूशलेमअ जे मंदरअ में पायो वञण, दयालू सामरी ऐं भिटक्यल पुटअ जो मिसाल ऐं बि॒या बी घणहीं किस्सा। इन सजे॒ ख़ुशख़बरीअ जी किताबअ में प्रार्थना, पवित्र-आत्मा, येशुअ जी सेवकाईअ में स्त्रियुन जी भूमिका ऐं परमेश्वरअ जे तरफां पापन जी माफ़ीअ ते डा॒ढो वधीकअ ज़ोर डि॒नो वयो आहे।
रूप-रेखा
परिचय 1:1-4
यूहन्ना बपतिस्मा डि॒यण वारो ऐं येशुअ जो ज॒मण ऐं बचपन 1:5—2:52
यूहन्ना बपतिस्मा डि॒यण वारे जी सेवकाई 3:1-20
येशुअ जो बपतिस्मो ऐं आज़माइश 3:21—4:13
गलील में येशुअ जी सेवकाई 4:14—9:50
गलील खां यरूशलेम ताईं सफर 9:51—19:27
यरूशलेमअ में आख़री हफ्तो 19:28—23:56
प्रभुअ जो मौतअ मां जी उथण, डि॒सण अचण ऐं स्वर्ग॒अ में खणाएजी वञण 24:1-53
