Maruku 1
1
O Yohanese Wotobaohi-ohiki una woboa la wahingahu-ngahu Ma Jou ai Demo-demo
Matiusu 3:1-12; Lukasa 3:3-17; Yohanese 1:19-28
1Hokonaa imulaenge ma ade-ade abe hohiromanga o Abari ma Rorahai. De o abari naa ihititi o Yesusu Kristusu ai wowangoino, abe Una gea Ma Jou ai Ngofaka de to ngone nanga Koano abe ma dodihirainohi Ma Jou wonahibehehongoka ngoneino.
2-3De to Yesusu ai Abari ma Rorahai imulaenge de o nyawa womatengo abe ai romanga o Yohanese. De una gea Ma Jou wihidingoto la ma oraha o Yesusu ko woboauahi de o Yohanese ka idadi wohidiaiohi o Yesusu ai ngekomo. De gea idadi duru imaketero abe hoka ma dihiraino ihitulihukuoka Ma Jou ai uru ma dodofanga ai bukuoka. Abe ma dihiraino gea de Ma Jou wihiakunu ai nyawa womatengo o Yesaya la ka idadi wohitulihuku Ma Jou ai demo.
De naga moi Ma Jou ai demoka abe witemo to Una ai Ngofaka o Yesusika de wihitararono Unangika ma titi o Yohanese, de gea ai demo hamake o Yesaya ai bukuoka. De hokonaa Ma Jou o Baba ai demo abe wotemo ai Ngofakika wato,
“Abeika Ngohi ahao tihidingoto womatengo la wototaka ahi demo-demo o nyawaika. De una gea tihidingoto wohira la to Ngona ani ngekomo wonihidiai, de ahao Ngona nihidoduruika ai poretino. #1:2-3 Maleaki 3:1, abe naga ihitulihuku o buku ma luluoka abe imulaenge de o Yesaya ai buku. De gea ma titi hiadono ma buku ma lulu gea ihiromanga “O Yesaya ai buku.”
Ho ahao naga to una ai ilingi o tonaka ma kakaahaka, waamo-amokiye wabobanarata wahitararono o nyawaika wato, ‘O ngekomo nihidiaioka la nanga Baluhu ka idadi woboa genangino. Nihitiaioka to Una ai ngekomo gea!’” #1:2-3 Yesaya 40:3
Hokogea ma dihira ihitulihukuoka Ma Jou o Baba ai demo abe wotemo to Una ai Ngofakika.
4De gea ma demo duru igoungu abe ihidumutu o Yohanesika abe wotobaohi-ohiki o nyawa. Angamoi una gea abe woboa o tonaka ma kakaahaino de duru wahigaro o nyawaika la ona ahao iwidafongo o Yesusu ai hininga. Abe o Yohanese wahitiari de wahigaro o nyawaika wato kiani yoporete manga howo-howonika de yomangali Ma Jouino la Una ka idadi waofi manga howono gea. De nagali abe wahigaro o nyawa la iwihigunoa Una waohiki onangika la idadi o dodunguu abe ona yotoba manga howo-howonino gea de iwiniikoli Ma Jouika. Ho o Yohanese wagoungu wohidiaiohi o Yesusu ai ngekomo la ahao o nyawa iwidafongo Unangika.
5De gea naga o nyawa duru ko manga ngoe yoboa o Yohanesino abe utu o Yudea ma tonakoka naga manga ngi homoi-homoiino ona yokokiboa o Yohanesino. De abe yogogere o Yerusaleeme ma kotaka, ma onangoo gea mata-mata yokokiboaino o Yohanesino. De ona abe manga howono yomangaku gea o Yohanese waohiki o Yorodani ma akeruku. 6De o Yohanese ai pakeanga o unta ma gogoino de ai goronaino womahidabanino ka ma moi de ai baju, de ai ban o aewani ma kai. De una gea ai inomo o kabotara de o ofungu ma gula. 7De o Yohanese wahingahu-ngahu o nyawaika wato, “Ahao naga womatengo woboa wohihidoduruino de ka Unangohi woputurungu ho ngaro ngohi todadi o gilaongo abe totobahupu-huputu o nyawa manga sandaala, ma nako to Una gea ai sandaala, ngohi naa ko tadadiua tahuputu. 8De nagali abe ngohi naa tinihiohiki ka de o akere dika masara abe wohihidoduruino Unangoo ahao winihiohiki masara ko de o akerua. Gea Una woboaino de winihiohiki de Ma Jou o Womaha, ma titi Ma Jou o Womaha ahao winihidoaka nginika.” Hokogea wotemo onangika.
O Yohanese wiohiki o Yesusika
Matiusu 3:13-17; Lukasa 3:21-22
9De ma oraha gea o Yesusu naga o Galilea ma tonakoka abe o kapongo moi ma romanga o Nasarete ho genangoka de waino woboa o Yohanesino. De o Yohanese wiohiki o Yesusu genangoka o Yorodani ma akeruku. 10Ho ka de o Yesusu o akeroka de wofareniye de duru ka itodokanino wamake o Horoga ifelenga de Ma Jou o Womaha wouti o Yesusuku hoka o totaleo o namodaara. 11De nagali o ilingi o Horogauku itemo ato, “Ngona naa ahi Ngofaka duru tonidora de duru tosanangi Ngonaika.” Hokogea Ma Jou o Baba wotemo.
O Yesusu iwitaili o Ibilihi
Matiusu 4:1-11; Lukasa 4:1-13
12Ho ka de gea ibooto de Ma Jou o Womaha wiao o Yesusu o tonaka ma kakaahaika. 13De genangoka naga o aewani o fuhuku. De o Yesusu ai dekana o tonaka ma kakaahaka gea ai futu moruatino. De ai futu moruatino gea o Ibilihi ma haeke iwitaili o Yesusika. Masara o malaekatoo naga de de Una ho gea o wange-wangeiye iwiduhunu Unangika.
O Yesusu wahokino iwinii-niiki yaruata
Matiusu 4:12-22; Lukasa 4:14-15, 5:1-11
14De ipahaino de o Yohanese iwitaoko de iwibuioka. De gea iwibuioka de ahao o Yesusu woiki o Galilea ma tonakika la wahingahu-ngahu o nyawaika o Abari ma Rorahai Ma Jouino. 15Ho gea o Yesusu waika wahingahu-ngahu wato, “Ma oraha adonoka! Itigioka Ma Jou wahikoano mata-mataika! Ho ngini kiani nitoba nia howonino de niangaku o Abari ma Rorahai naa!”
16De o wange moiuku de o Yesusu naga wotowongi o Galilea ma akere ma ngooto ma ngigorino. De wotagi-tagi de wamake o Simono de ai dodoto o Andareasa. De ona yahinooto naga manga ngotiroka manga homa yodotumo o akeruku, angamoi ona gea yotobahoma-homa. 17De o Yesusu wahoko onangika wato, “Niaino nihiniiki Ngohi la tinihidadi nitobahoma-homa o nyawa.” 18Ho ka de wahoko de manga homa gea yanoaika de o Yesusu iwiniikoka. 19-20Ho gea o Yesusu wogila-gila de onangoo yomakiniiki de Una, ma ko yokurutikauahi de yamake o ria-dodoto o Yakobusu de o Yohanese, to Sebedeusu ai ngofa-ngofaka. De ona yahinooto gea naga yogogeruku manga ngotiri ma amokoka manga homa ihidodiai. De nagali genangoka manga baba de o nyawa yamuruono naga abe yahikarajaanga la yomakuduhunu manga karajaangoka. De o ria-dodoto gea onangoo o Yesusu wahoko la iwitobaniiki, ho gea manga baba o Sebedeusu de manga dodiawo yakokinoaika manga ngotiroka de onangoo o Yesusu iwiniikoka.
O Yesusu wodotoko o dodotoko ma tauoka o Kapenaumu ma kapongoka de genangoka naga womatengo iwikitokata
Lukasa 4:31-37
21Ho o Yesusu de yaruata gea yomakiniiki yotowongi hiadono yowohama o Kapenaumu ma kapongika. De ipaha abe o Hiaini ma wange adonoka de o Yesusu wowohama manga dodotoko ma tauika de wadotoko o nyawaika abe yomatoomuino genangoka. 22De ona genangoka duru yokokiheranga ma titi ai dodotoko ma demo naga de ma kuahaka. Ho ona yotemo ato, “Duru imakohowono abe ona yotobadoto-dotoko o Musa ai Paretaino inatobadotoko de abe hoka Una naa wonadotoko Ma Jou ai Demo-demoino. Abe Una naa ai demo duru de ma kuahaka wonadotoko!”
23De duru ma oraha gea naga womatengo manga dodotoko ma tauoka abe iwikitokata, de ka itodokanino una wopoaka o Yesusika. 24Abe una wopoaka waamo-amokiye wato, “Adoo! Ngona o Yesusu abe o Nasaretoka de naino noboa, Ngona ka o kia nodiai ngomino? Bote Ngona noboaino la nato nomihibinaaha ngomi naa? Ngohi tonihioriki abe Ngona naa o Debi-debini ma nyawa abe Ma Jou wonihidingoto naanguku!”
25Masara o Yesusu wataere o tokatika gea wato, “Ibootohi notemo ho nohupuoka unangoka gea!” 26De gea ma tokata duru iwihifafara o nauru gea de imapoaka de ahao imatitokoka unangoka.
27Ho ona yomatoo-toomuino genangoka duru yokokiheranga ho yomakokeleha ato, “Ka o kia naa? Naa o dodotoko ma hungi igoungu, abe naga de ma kuahaka! Abeika Una de ai kuaha hiadono o toka-tokata ma dorouika wohuloko de iwihingounu.” 28Ho ma abari abe ma titi to Una ai datoro gea duru imataiti imahora-hora hiadono ihikabarihi o Galilea ma tonaka ma amokika.
O Simono ngoi toroa o Yesusu womihitogumu
Matiusu 8:14-17; Lukasa 4:38-41
29Ho ka de o Yesusu de yamuruono naga abe iwiniiki gea yohupuoka o dodotoko ma tauoka de yoiki o Simono de o Andareasa manga tauika de yowohama genangika. De o Yakobusu de o Yohanese, onangoo naga yomakiniiki. 30De o tau ma goronaka gea naga o Simono ngoi toroa momaiduoka angamoi imigogama. Ho ka de wowohama de iwihingahu o Yesusika ma titi muna gea ami kangela. 31Ho o Yesusu woiki munangika de womiso ami giamika de womiliara la momaokoino. De duru ma oraha gea dika de ami badanga ma hauku ihupuoka ho motogumoka ami kangelaino, ho hiadono muna maleleani de o inomo ona gea.
32De ahao ka de ihohomuku de naga o nyawa manga ngoe yoboaino o Yesusino de yakokiaoino o nyawa mata-mata abe yakokitokata de abe yopopanyakeuku. 33Ho o Kapenaumu ma nyawa gea yomakokitoomuinoka o tau ma himangoka gea. 34De o nyawa ko manga ngoe o Yesusu wahikokitogumoka manga popanyake irupa-rupaino. De ona abe naga yakokitokata gea wakokititokoka manga toka-tokata ma dorou. Masara gea o Yesusu ko wohigunoaua ma tokata itemo o nyawa manga himangoka done yahingahu ma titi abe Una Ma Jou o Ngofaka, angamoi ena gea iwihioriki abe o kiaino Una woboa.
O Yesusu o kapo-kapongo utuikali woiki la onangoo wadotoko
Lukasa 4:42-44
35De ma dawangeino abe ngade-ngade itebini ma ka ifufutuohi de o Yesusu womomiki de wohupu o tauino de woiki o tonaka ma kakaahaika abe ko iwa o nyawa genangoka la womaniata Ma Jouiye. 36De ahao o Simono de ai dodiawo yamuruono naga, ona gea naga iwilingiri o Yesusu. 37Ka de iwimake de yotemo o Yesusika, ato, “Mia Baluhu, marai naga o Kapenaumu ma nyawa mata-mata inikokilingiri.”
38De o Yesusu wapaluhu onangika, wato, “Iya, gea tohioriki ma naa hogila-gila dika hoiki o kapo-kapongo utuikali abe ko ikurutikaua la onangoo tadotoko. Angamoi gea ma titi ho hiadono nenangino tohupu.” 39De o Yesusu wotagi-tagi o Galilea ma tonaka ma amokika de o nyawa wadotoko manga dodotoko ma tau-tauoka de manga toka-tokata ma dorou wakokititokoka.
Naga womatengo iwipado unangoo o Yesusu wihitogumu
Matiusu 8:1-4; Lukasa 5:12-16
40De nagali womatengo iwipado woboa o Yesusino de watilabukuku o Yesusu ai himangoka de womagahoko wato, “Ahi Baluhu, nako Ngona ka nomodeke, ngohi tohioriki abe Ngona ka idadi nohihitogumu.”
41De o Yesusu duru widora una gea ho wisoika de witemo unangika wato, “Ngohi tomodeke, ho naa notogumoka!” 42Ka de hokogea o Yesusu wotemoka de ka itodokanino ai pado iaikoka ho o nyawa gea wotogumoka.
43-44De wotogumoka de ahao o Yesusu wihidingoto ma nauru gea la woikohi de womahimatoko womatengoika abe wodadi manga hidemo Ma Jouiye. De ko wosobouahi de o Yesusu duru wihibehehongo wato, “Abe naa idadioka ngonaika ufa nahingahu-ngahu o nyawa utuika ma, noikohi unangika abe nia hidemo Ma Jouiye la nomahimatoko unangika la gea wohioriki abe ngona notogumoka. De kiani nomahihuba o huhuba duru imaketero hoka o Musa wohiparetaka la gea nomahitunguu abe duru notogumoka.” Hokogea o Yesusu wihibehehongo unangika. 45Masara o nyawa gea ka de wohupu de waade-adeoka o nyawaika. Ho ai ade-ade gea wohikabarihoka hiadono o Yesusu ko idadiokaua wowohama o kapo-kapongika done o nyawa ko manga ngoe iwihideefotino. Ho kiani womahidodogumu ma hoa-hoanoka abe ko iwa o nyawa genangoka. Ma ngaro o Yesusu womatingakika hokogea ma ka ihikaika nagahi o nyawa o kia-kiaino dika yoboaino Unangino.
Gereja Firman Allah, Yayasan Misi Masyarakat di Pedalaman
Maruku 1
1
O Yohanese Wotobaohi-ohiki una woboa la wahingahu-ngahu Ma Jou ai Demo-demo
Matiusu 3:1-12; Lukasa 3:3-17; Yohanese 1:19-28
1Hokonaa imulaenge ma ade-ade abe hohiromanga o Abari ma Rorahai. De o abari naa ihititi o Yesusu Kristusu ai wowangoino, abe Una gea Ma Jou ai Ngofaka de to ngone nanga Koano abe ma dodihirainohi Ma Jou wonahibehehongoka ngoneino.
2-3De to Yesusu ai Abari ma Rorahai imulaenge de o nyawa womatengo abe ai romanga o Yohanese. De una gea Ma Jou wihidingoto la ma oraha o Yesusu ko woboauahi de o Yohanese ka idadi wohidiaiohi o Yesusu ai ngekomo. De gea idadi duru imaketero abe hoka ma dihiraino ihitulihukuoka Ma Jou ai uru ma dodofanga ai bukuoka. Abe ma dihiraino gea de Ma Jou wihiakunu ai nyawa womatengo o Yesaya la ka idadi wohitulihuku Ma Jou ai demo.
De naga moi Ma Jou ai demoka abe witemo to Una ai Ngofaka o Yesusika de wihitararono Unangika ma titi o Yohanese, de gea ai demo hamake o Yesaya ai bukuoka. De hokonaa Ma Jou o Baba ai demo abe wotemo ai Ngofakika wato,
“Abeika Ngohi ahao tihidingoto womatengo la wototaka ahi demo-demo o nyawaika. De una gea tihidingoto wohira la to Ngona ani ngekomo wonihidiai, de ahao Ngona nihidoduruika ai poretino. #1:2-3 Maleaki 3:1, abe naga ihitulihuku o buku ma luluoka abe imulaenge de o Yesaya ai buku. De gea ma titi hiadono ma buku ma lulu gea ihiromanga “O Yesaya ai buku.”
Ho ahao naga to una ai ilingi o tonaka ma kakaahaka, waamo-amokiye wabobanarata wahitararono o nyawaika wato, ‘O ngekomo nihidiaioka la nanga Baluhu ka idadi woboa genangino. Nihitiaioka to Una ai ngekomo gea!’” #1:2-3 Yesaya 40:3
Hokogea ma dihira ihitulihukuoka Ma Jou o Baba ai demo abe wotemo to Una ai Ngofakika.
4De gea ma demo duru igoungu abe ihidumutu o Yohanesika abe wotobaohi-ohiki o nyawa. Angamoi una gea abe woboa o tonaka ma kakaahaino de duru wahigaro o nyawaika la ona ahao iwidafongo o Yesusu ai hininga. Abe o Yohanese wahitiari de wahigaro o nyawaika wato kiani yoporete manga howo-howonika de yomangali Ma Jouino la Una ka idadi waofi manga howono gea. De nagali abe wahigaro o nyawa la iwihigunoa Una waohiki onangika la idadi o dodunguu abe ona yotoba manga howo-howonino gea de iwiniikoli Ma Jouika. Ho o Yohanese wagoungu wohidiaiohi o Yesusu ai ngekomo la ahao o nyawa iwidafongo Unangika.
5De gea naga o nyawa duru ko manga ngoe yoboa o Yohanesino abe utu o Yudea ma tonakoka naga manga ngi homoi-homoiino ona yokokiboa o Yohanesino. De abe yogogere o Yerusaleeme ma kotaka, ma onangoo gea mata-mata yokokiboaino o Yohanesino. De ona abe manga howono yomangaku gea o Yohanese waohiki o Yorodani ma akeruku. 6De o Yohanese ai pakeanga o unta ma gogoino de ai goronaino womahidabanino ka ma moi de ai baju, de ai ban o aewani ma kai. De una gea ai inomo o kabotara de o ofungu ma gula. 7De o Yohanese wahingahu-ngahu o nyawaika wato, “Ahao naga womatengo woboa wohihidoduruino de ka Unangohi woputurungu ho ngaro ngohi todadi o gilaongo abe totobahupu-huputu o nyawa manga sandaala, ma nako to Una gea ai sandaala, ngohi naa ko tadadiua tahuputu. 8De nagali abe ngohi naa tinihiohiki ka de o akere dika masara abe wohihidoduruino Unangoo ahao winihiohiki masara ko de o akerua. Gea Una woboaino de winihiohiki de Ma Jou o Womaha, ma titi Ma Jou o Womaha ahao winihidoaka nginika.” Hokogea wotemo onangika.
O Yohanese wiohiki o Yesusika
Matiusu 3:13-17; Lukasa 3:21-22
9De ma oraha gea o Yesusu naga o Galilea ma tonakoka abe o kapongo moi ma romanga o Nasarete ho genangoka de waino woboa o Yohanesino. De o Yohanese wiohiki o Yesusu genangoka o Yorodani ma akeruku. 10Ho ka de o Yesusu o akeroka de wofareniye de duru ka itodokanino wamake o Horoga ifelenga de Ma Jou o Womaha wouti o Yesusuku hoka o totaleo o namodaara. 11De nagali o ilingi o Horogauku itemo ato, “Ngona naa ahi Ngofaka duru tonidora de duru tosanangi Ngonaika.” Hokogea Ma Jou o Baba wotemo.
O Yesusu iwitaili o Ibilihi
Matiusu 4:1-11; Lukasa 4:1-13
12Ho ka de gea ibooto de Ma Jou o Womaha wiao o Yesusu o tonaka ma kakaahaika. 13De genangoka naga o aewani o fuhuku. De o Yesusu ai dekana o tonaka ma kakaahaka gea ai futu moruatino. De ai futu moruatino gea o Ibilihi ma haeke iwitaili o Yesusika. Masara o malaekatoo naga de de Una ho gea o wange-wangeiye iwiduhunu Unangika.
O Yesusu wahokino iwinii-niiki yaruata
Matiusu 4:12-22; Lukasa 4:14-15, 5:1-11
14De ipahaino de o Yohanese iwitaoko de iwibuioka. De gea iwibuioka de ahao o Yesusu woiki o Galilea ma tonakika la wahingahu-ngahu o nyawaika o Abari ma Rorahai Ma Jouino. 15Ho gea o Yesusu waika wahingahu-ngahu wato, “Ma oraha adonoka! Itigioka Ma Jou wahikoano mata-mataika! Ho ngini kiani nitoba nia howonino de niangaku o Abari ma Rorahai naa!”
16De o wange moiuku de o Yesusu naga wotowongi o Galilea ma akere ma ngooto ma ngigorino. De wotagi-tagi de wamake o Simono de ai dodoto o Andareasa. De ona yahinooto naga manga ngotiroka manga homa yodotumo o akeruku, angamoi ona gea yotobahoma-homa. 17De o Yesusu wahoko onangika wato, “Niaino nihiniiki Ngohi la tinihidadi nitobahoma-homa o nyawa.” 18Ho ka de wahoko de manga homa gea yanoaika de o Yesusu iwiniikoka. 19-20Ho gea o Yesusu wogila-gila de onangoo yomakiniiki de Una, ma ko yokurutikauahi de yamake o ria-dodoto o Yakobusu de o Yohanese, to Sebedeusu ai ngofa-ngofaka. De ona yahinooto gea naga yogogeruku manga ngotiri ma amokoka manga homa ihidodiai. De nagali genangoka manga baba de o nyawa yamuruono naga abe yahikarajaanga la yomakuduhunu manga karajaangoka. De o ria-dodoto gea onangoo o Yesusu wahoko la iwitobaniiki, ho gea manga baba o Sebedeusu de manga dodiawo yakokinoaika manga ngotiroka de onangoo o Yesusu iwiniikoka.
O Yesusu wodotoko o dodotoko ma tauoka o Kapenaumu ma kapongoka de genangoka naga womatengo iwikitokata
Lukasa 4:31-37
21Ho o Yesusu de yaruata gea yomakiniiki yotowongi hiadono yowohama o Kapenaumu ma kapongika. De ipaha abe o Hiaini ma wange adonoka de o Yesusu wowohama manga dodotoko ma tauika de wadotoko o nyawaika abe yomatoomuino genangoka. 22De ona genangoka duru yokokiheranga ma titi ai dodotoko ma demo naga de ma kuahaka. Ho ona yotemo ato, “Duru imakohowono abe ona yotobadoto-dotoko o Musa ai Paretaino inatobadotoko de abe hoka Una naa wonadotoko Ma Jou ai Demo-demoino. Abe Una naa ai demo duru de ma kuahaka wonadotoko!”
23De duru ma oraha gea naga womatengo manga dodotoko ma tauoka abe iwikitokata, de ka itodokanino una wopoaka o Yesusika. 24Abe una wopoaka waamo-amokiye wato, “Adoo! Ngona o Yesusu abe o Nasaretoka de naino noboa, Ngona ka o kia nodiai ngomino? Bote Ngona noboaino la nato nomihibinaaha ngomi naa? Ngohi tonihioriki abe Ngona naa o Debi-debini ma nyawa abe Ma Jou wonihidingoto naanguku!”
25Masara o Yesusu wataere o tokatika gea wato, “Ibootohi notemo ho nohupuoka unangoka gea!” 26De gea ma tokata duru iwihifafara o nauru gea de imapoaka de ahao imatitokoka unangoka.
27Ho ona yomatoo-toomuino genangoka duru yokokiheranga ho yomakokeleha ato, “Ka o kia naa? Naa o dodotoko ma hungi igoungu, abe naga de ma kuahaka! Abeika Una de ai kuaha hiadono o toka-tokata ma dorouika wohuloko de iwihingounu.” 28Ho ma abari abe ma titi to Una ai datoro gea duru imataiti imahora-hora hiadono ihikabarihi o Galilea ma tonaka ma amokika.
O Simono ngoi toroa o Yesusu womihitogumu
Matiusu 8:14-17; Lukasa 4:38-41
29Ho ka de o Yesusu de yamuruono naga abe iwiniiki gea yohupuoka o dodotoko ma tauoka de yoiki o Simono de o Andareasa manga tauika de yowohama genangika. De o Yakobusu de o Yohanese, onangoo naga yomakiniiki. 30De o tau ma goronaka gea naga o Simono ngoi toroa momaiduoka angamoi imigogama. Ho ka de wowohama de iwihingahu o Yesusika ma titi muna gea ami kangela. 31Ho o Yesusu woiki munangika de womiso ami giamika de womiliara la momaokoino. De duru ma oraha gea dika de ami badanga ma hauku ihupuoka ho motogumoka ami kangelaino, ho hiadono muna maleleani de o inomo ona gea.
32De ahao ka de ihohomuku de naga o nyawa manga ngoe yoboaino o Yesusino de yakokiaoino o nyawa mata-mata abe yakokitokata de abe yopopanyakeuku. 33Ho o Kapenaumu ma nyawa gea yomakokitoomuinoka o tau ma himangoka gea. 34De o nyawa ko manga ngoe o Yesusu wahikokitogumoka manga popanyake irupa-rupaino. De ona abe naga yakokitokata gea wakokititokoka manga toka-tokata ma dorou. Masara gea o Yesusu ko wohigunoaua ma tokata itemo o nyawa manga himangoka done yahingahu ma titi abe Una Ma Jou o Ngofaka, angamoi ena gea iwihioriki abe o kiaino Una woboa.
O Yesusu o kapo-kapongo utuikali woiki la onangoo wadotoko
Lukasa 4:42-44
35De ma dawangeino abe ngade-ngade itebini ma ka ifufutuohi de o Yesusu womomiki de wohupu o tauino de woiki o tonaka ma kakaahaika abe ko iwa o nyawa genangoka la womaniata Ma Jouiye. 36De ahao o Simono de ai dodiawo yamuruono naga, ona gea naga iwilingiri o Yesusu. 37Ka de iwimake de yotemo o Yesusika, ato, “Mia Baluhu, marai naga o Kapenaumu ma nyawa mata-mata inikokilingiri.”
38De o Yesusu wapaluhu onangika, wato, “Iya, gea tohioriki ma naa hogila-gila dika hoiki o kapo-kapongo utuikali abe ko ikurutikaua la onangoo tadotoko. Angamoi gea ma titi ho hiadono nenangino tohupu.” 39De o Yesusu wotagi-tagi o Galilea ma tonaka ma amokika de o nyawa wadotoko manga dodotoko ma tau-tauoka de manga toka-tokata ma dorou wakokititokoka.
Naga womatengo iwipado unangoo o Yesusu wihitogumu
Matiusu 8:1-4; Lukasa 5:12-16
40De nagali womatengo iwipado woboa o Yesusino de watilabukuku o Yesusu ai himangoka de womagahoko wato, “Ahi Baluhu, nako Ngona ka nomodeke, ngohi tohioriki abe Ngona ka idadi nohihitogumu.”
41De o Yesusu duru widora una gea ho wisoika de witemo unangika wato, “Ngohi tomodeke, ho naa notogumoka!” 42Ka de hokogea o Yesusu wotemoka de ka itodokanino ai pado iaikoka ho o nyawa gea wotogumoka.
43-44De wotogumoka de ahao o Yesusu wihidingoto ma nauru gea la woikohi de womahimatoko womatengoika abe wodadi manga hidemo Ma Jouiye. De ko wosobouahi de o Yesusu duru wihibehehongo wato, “Abe naa idadioka ngonaika ufa nahingahu-ngahu o nyawa utuika ma, noikohi unangika abe nia hidemo Ma Jouiye la nomahimatoko unangika la gea wohioriki abe ngona notogumoka. De kiani nomahihuba o huhuba duru imaketero hoka o Musa wohiparetaka la gea nomahitunguu abe duru notogumoka.” Hokogea o Yesusu wihibehehongo unangika. 45Masara o nyawa gea ka de wohupu de waade-adeoka o nyawaika. Ho ai ade-ade gea wohikabarihoka hiadono o Yesusu ko idadiokaua wowohama o kapo-kapongika done o nyawa ko manga ngoe iwihideefotino. Ho kiani womahidodogumu ma hoa-hoanoka abe ko iwa o nyawa genangoka. Ma ngaro o Yesusu womatingakika hokogea ma ka ihikaika nagahi o nyawa o kia-kiaino dika yoboaino Unangino.
Gereja Firman Allah, Yayasan Misi Masyarakat di Pedalaman