Maruku 6:41-43

De ona mata-mata yogogeroka de ahao ma roti motoa de ma nawoko hinooto gea waleino o Yesusu de womamatagaiye o Horogaiye de wohitarimakase Ma Jouika. Wohitarimakase ibooto de ahao ma roti watobiki de wahidoaka iwinii-niikika, de ahao onangoli yahikodoku o nyawa mata-mataika. De ma nawokoo wahikodoku o nyawa mata-mataika. De ona mata-mata yolomo hiadono yakokipunuhoka. Yolomo ibooto de ahao o roti ma hou de o nawoko ma hou yagorakiye iwinii-niiki gea, de naga o tupa ngimoi de hinooto aomangiye de manga inomo ma hou.