Genèse 16
16
Agar a Ismael
1Sarai, ngwoz Abram, a nya na kra a Abram bai. Ɓèl nengaʼa a zhè, dem Egypte, nzlembaɗ na Agar. 2A Sarai a ngaɗa na Abram: Ndo nzi pèc pècèk a mvay kra ɓai. Do a sam ɓèl ga, fauba a da yaka nga kra. A Abram a nfu gèd a ma Sarai. 3Te deɓ man Abram a nza a kokwar Canaan mvi 10 ma, Sarai, ngwoz Abram, a nco Agar, dem Egypte, ɓèl na, a mva na Abram, baki na, a ngwoz na. 4A nengaʼa a ndo a sam Agar, a nco a ngwoz na, a nengaʼa a ngu a hwaɗ. Aman a suna, kra tʼhwaɗ, a nɗèl mamgi a rai. 5A Sarai a ngaɗa na Abram: Skwi man a gay a haha, di na ka bai, da ngwoda ka va a gèd! I va ka ɓèl ga a ndav a ri ga. Anai a suna, kra tʼhwaɗ na, a ɗèlyè a rai. Ndo nzi pèk pècèk da gu kita nga a ka! 6A Abram a ngaɗa na Sarai: ɓèl ngaya nte ri ngaya, gu ara man ka woyaʼa. Aman Sarai a nʼnga na matakwan a ɓèl nengaʼa, a mwuc na.
7A gol Ndo nzi pèc pècèk a nʼngotso a sam nlèlè iyam tʼhèshèkèɗ, a civèɗ man a dè Shur. 8A ngaɗa: Agar, ɓèl Sarai, ka shkè tema? Ka dè ma? A nengaʼa a mʼmbeɗa na a ma: I hi ga a Sarai, ngwoz gai. 9A gol Ndo nzi pèc pècèk a ngaɗa na: Do a deɓa a sam mam gi ngaya, a ka manda gèd ngaya a hai. 10A mpasla na ri a hai: I woy a i ga kinè a verzi ndohi kumba, ndo a slaha a nʼnger ta azɓai. 11A gol Ndo nzi pèc pècèk a ngaɗa na a vaʼa: Na haha, ka a hwaɗ, ka da yi kra nguraʼa, sèi ka baha na Ismael#ara man Zhiklè a ntsenaʼa.. Aman Ndo nzi pèc pècèk a ntsenaʼa, ara man ka sau matakwan. 12Nengaʼa a gi a ndo man a tsena gèd ɓai ara kɗèh, a da gi a mayam ndohi tèlèba, a ndohi tèlèba ta da gi a mayam na, a nza ta a ma kramamhi na pèc pècèk. 13A nengaʼa a mva na nzlembaɗ a Ndo nzi pèc pècèk, man ta goɗ a vna: Ka Atta-El-roi#Zhiklè a rkaʼa. . A vava, a haha, i rka nengaʼa man a rkayè, a di ga ɗe? 14A gèɗ nengaʼa ta baha na nlèlè iyam sa Lahai-Roi. Na zhè te ndev Kadès a Bared. 15A Agar a nya na kra nguraʼa a Abram, a Abram a mbaha na kra, man Agar a ya na, Ismael. 16Mvi Abram 86, aman Agar a ya na Ismael.
Alliance Biblique du Cameroun 1989