<div class="version vid1807 iso6393gla" data-vid="1807" data-iso6393="gla">
   <div class="book bk2ES">
      <div class="chapter ch1" data-usfm="2ES.1">
         <div class="label">1</div><div class="s"><span class="heading">CAIB. I.</span></div><div class="p"><span class="content">  </span><span class="verse v1" data-usfm="2ES.1.1"><span class="label">1</span><span class="content">Dara leabhair an fh&#224;idh Esdrais, mhic Sharaiais, mhic Asariais, mhic Helchiais, mhic Shadamiais, mhic Shadoic, mhic Achitoib,</span></span></div><div class="p"><span class="verse v1" data-usfm="2ES.1.1"><span class="content">  </span></span><span class="verse v2" data-usfm="2ES.1.2"><span class="label">2</span><span class="content">Mhic Achiais, mhic Phineeis, mhic Heli, mhic Amariais, mhic Asiei, mhic Mharimoit, mhic Arna, mhic Osiais, mhic Bhorit, mhic Abisei, mhic Phineeis, mhic Eleasair,</span></span></div><div class="p"><span class="verse v2" data-usfm="2ES.1.2"><span class="content">  </span></span><span class="verse v3" data-usfm="2ES.1.3"><span class="label">3</span><span class="content">Mhic Aaroin, do threubh Lebhi; a bha a &#700;m br&#224;ighdeanas ann an t&#236;r nam Medach, ann an r&#236;oghachadh Artacsercseis r&#236;gh nam Persach.</span></span></div><div class="p"><span class="verse v3" data-usfm="2ES.1.3"><span class="content">  </span></span><span class="verse v4" data-usfm="2ES.1.4"><span class="label">4</span><span class="content">Agus th&#224;inig focal an Tighearna a &#700;m ionnsuidh, ag r&#224;dh,</span></span></div><div class="p"><span class="verse v4" data-usfm="2ES.1.4"><span class="content">  </span></span><span class="verse v5" data-usfm="2ES.1.5"><span class="label">5</span><span class="content">Imich thusa, agus nochd d&#700; am shluagh&#8209;sa an gn&#236;omhara peacach, agus d&#700; an cloinn an aingidheachd aca a rinn iad a &#700;m aghaidh; chum gu &#700;n innis iad e do chloinn an cloinne&#8209;san:</span></span></div><div class="p"><span class="verse v5" data-usfm="2ES.1.5"><span class="content">  </span></span><span class="verse v6" data-usfm="2ES.1.6"><span class="label">6</span><span class="content">Do bhr&#236;gh gu &#700;m bheil peacanna an aithrichean air am meudachadh annta: oir dh&#236;&#8209;chuimhnich iad mi, agus dh&#700; &#236;obair iad do dhiathaibh coimheach.</span></span></div><div class="p"><span class="verse v6" data-usfm="2ES.1.6"><span class="content">  </span></span><span class="verse v7" data-usfm="2ES.1.7"><span class="label">7</span><span class="content">Nach mise eadhon esan a thug a mach &#225; t&#236;r na h&#8209;Eiphit iad, &#225; tigh na daorsa? ach bhrosnaich iad mi gu corruich, agus rinn iad t&#224;ir air mo chomhairlean.</span></span></div><div class="p"><span class="verse v7" data-usfm="2ES.1.7"><span class="content">  </span></span><span class="verse v8" data-usfm="2ES.1.8"><span class="label">8</span><span class="content">Sp&#236;on thusa as uime sin folt do chinn, agus tilg gach olc orrasan, oir cha robh iad &#249;mhal d&#700; am lagh, ach is sluagh ceannairceach iad.</span></span></div><div class="p"><span class="verse v8" data-usfm="2ES.1.8"><span class="content">  </span></span><span class="verse v9" data-usfm="2ES.1.9"><span class="label">9</span><span class="content">Cia fhada &#700;sa ghi&#249;laineas mi le&#242;, d&#700; an d&#700; rinn mi a mheud do mhaith?</span></span></div><div class="p"><span class="verse v9" data-usfm="2ES.1.9"><span class="content">  </span></span><span class="verse v10" data-usfm="2ES.1.10"><span class="label">10</span><span class="content">Is iomadh r&#236;gh a mhill mi air an sg&#224;th&#8209;san; Pharaoh le &#700;sheirbhisich, agus le &#700;uile chumhachd, sm&#224;l</span><span class="note f"><span class="label">#</span><span class=" body"><span class="fr">1.10 </span><span class="fq">sm&#224;l </span><span class="ft">&#8209; </span><span class="fqa">buail s&#236;os, leag gu l&#224;r &#8209; </span><span class="ft">knock down, smite to the ground</span></span></span><span class="content"> mi s&#236;os.</span></span></div><div class="p"><span class="verse v10" data-usfm="2ES.1.10"><span class="content">  </span></span><span class="verse v11" data-usfm="2ES.1.11"><span class="label">11</span><span class="content">Mhill mi na cinnich uile rompa, agus &#700;san &#224;ird an ear sgap mi muinntir d&#224; mh&#242;ir&#8209;roinn, eadhon Th&#236;ruis agus Shidoin, agus mharbh mi an n&#224;imhdean uile.</span></span></div><div class="p"><span class="verse v11" data-usfm="2ES.1.11"><span class="content">  </span></span><span class="verse v12" data-usfm="2ES.1.12"><span class="label">12</span><span class="content">Labhair thusa uime sin riutha, ag r&#224;dh, Mar so a deir an Tighearna,</span></span></div><div class="p"><span class="verse v12" data-usfm="2ES.1.12"><span class="content">  </span></span><span class="verse v13" data-usfm="2ES.1.13"><span class="label">13</span><span class="content">Thre&#242;raich mi sibh tr&#236;d na mara, agus anns an toiseach thug mi dhuibh slighe mh&#242;ir agus th&#232;aruinte; thug mi Maois dhuibh mar cheannard, agus Aaron mar shagart.</span></span></div><div class="p"><span class="verse v13" data-usfm="2ES.1.13"><span class="content">  </span></span><span class="verse v14" data-usfm="2ES.1.14"><span class="label">14</span><span class="content">Thug mi solus duibh ann am meall teine, agus rinn mi m&#236;orbhuile m&#242;ra n&#700; ur measg; gidheadh, dh&#236;&#8209;chuimhuich sibh mi, deir an Tighearna.</span></span></div><div class="p"><span class="verse v14" data-usfm="2ES.1.14"><span class="content">  </span></span><span class="verse v15" data-usfm="2ES.1.15"><span class="label">15</span><span class="content">Mar so a deir an Tighearn Uile&#8209;chumhachdach, Bha na gearra&#8209;goirt mar chomhar duibh; thug mi buthanna dhuibh mar dh&#236;dean, gidheadh rinn sibh monmhor</span><span class="note f"><span class="label">#</span><span class=" body"><span class="fr">1.15 </span><span class="fq">monmhor </span><span class="ft">&#8209; </span><span class="fqa">gearan &#8209; </span><span class="ft">murmur, grumble, complain</span></span></span><span class="content"> an sin,</span></span></div><div class="p"><span class="verse v15" data-usfm="2ES.1.15"><span class="content">  </span></span><span class="verse v16" data-usfm="2ES.1.16"><span class="label">16</span><span class="content">Agus cha d&#700; rinn sibh buaidh&#8209;chaithream &#700;nam ainm&#8209;sa air son sgrios bhur n&#224;imhde; ach an c&#242;mhnuidh gu ruig an l&#224; an diugh, tha sibh fathast ri monmhor.</span></span></div><div class="p"><span class="verse v16" data-usfm="2ES.1.16"><span class="content">  </span></span><span class="verse v17" data-usfm="2ES.1.17"><span class="label">17</span><span class="content">C&#700; &#224;it am bheil na nithe maithe a rinn mi d&#700; ur taobh? an uair a bha ocras agus tart oirbh &#700;san fh&#224;sach, nach do ghlaodh sibh rium&#8209;sa?</span></span></div><div class="p"><span class="verse v17" data-usfm="2ES.1.17"><span class="content">  </span></span><span class="verse v18" data-usfm="2ES.1.18"><span class="label">18</span><span class="content">Ag r&#224;dh, C&#700; arson a thug thu sinn do &#700;n fh&#224;sach so, &#700;g ar marbhadh? b&#700; fhearr dhuinne seirbhis a dheanamh do na h&#8209;Eiphitich, na b&#224;sachadh &#700;san fh&#224;sach so.</span></span></div><div class="p"><span class="verse v18" data-usfm="2ES.1.18"><span class="content">  </span></span><span class="verse v19" data-usfm="2ES.1.19"><span class="label">19</span><span class="content">An sin ghabh mi truas ri &#700;r caoidh, agus thug mi m&#224;na dhuibh r&#700; a itheadh; uime sin dh&#700; ith sibh aran nan aingeal.</span></span></div><div class="p"><span class="verse v19" data-usfm="2ES.1.19"><span class="content">  </span></span><span class="verse v20" data-usfm="2ES.1.20"><span class="label">20</span><span class="content">An uair a bha tart oirbh, nach do sgoilt mi a&#700; charraig, agus br&#249;chd uisgeachan &#700;g &#700;ur s&#224;th a mach? le duilleach nan craobh ch&#242;mhdaich mi sibh o &#700;n teas.</span></span></div><div class="p"><span class="verse v20" data-usfm="2ES.1.20"><span class="content">  </span></span><span class="verse v21" data-usfm="2ES.1.21"><span class="label">21</span><span class="content">Roinn mi eotarraibh fearann tarbhach, romhaibh thilg mi mach na Canaanich, na Peredsich, agus na Philistich? Ciod tuilleadh a n&#236; mi fathast air bhur son? deir an Tighearna.</span></span></div><div class="p"><span class="verse v21" data-usfm="2ES.1.21"><span class="content">  </span></span><span class="verse v22" data-usfm="2ES.1.22"><span class="label">22</span><span class="content">Mar so a deir an Tighearn Uile&#8209;chumhachdach, An uair a bha sibh &#700;san fh&#224;sach, ann an abhainn nan Amorach, air dhuibh tart a bhi oirbh, agus a&#700; toirt toibheim do m&#700; ainm,</span></span></div><div class="p"><span class="verse v22" data-usfm="2ES.1.22"><span class="content">  </span></span><span class="verse v23" data-usfm="2ES.1.23"><span class="label">23</span><span class="content">Cha tug mi teine dhuibh air son bhur toibheuma, ach thilg mi craobh &#700;san uisge, agus rinn mi an abhainn milis.</span></span></div><div class="p"><span class="verse v23" data-usfm="2ES.1.23"><span class="content">  </span></span><span class="verse v24" data-usfm="2ES.1.24"><span class="label">24</span><span class="content">Ciod a n&#236; mi riut, O Iacoib? thusa, Iudah, cha &#700;n nochdadh tu &#249;mhlachd dhomh; tionndaidhidh mi dh&#700; ionnsuidh chinneach eile, agus dhoibh&#8209;san bheir mi m&#700; ainm, chum gun gl&#233;idh iad mo reachda.</span></span></div><div class="p"><span class="verse v24" data-usfm="2ES.1.24"><span class="content">  </span></span><span class="verse v25" data-usfm="2ES.1.25"><span class="label">25</span><span class="content">A thaobh gun do thr&#233;ig sibh mi, tr&#233;igidh mise sibhse mar an ceudna; an uair dh&#700; iarras sibh ormsa a bhi gr&#224;smhor dhuibh, cha nochd mi tr&#242;cair idir dhuibh.</span></span></div><div class="p"><span class="verse v25" data-usfm="2ES.1.25"><span class="content">  </span></span><span class="verse v26" data-usfm="2ES.1.26"><span class="label">26</span><span class="content">Ge b&#700; e cuin a ghairmeas sibh ormsa, cha chluinn mi sibh; oir thruaill sibh bhur l&#224;mhan le fuil, agus tha bhur cosa luath a dheanamh mortaidh.</span></span></div><div class="p"><span class="verse v26" data-usfm="2ES.1.26"><span class="content">  </span></span><span class="verse v27" data-usfm="2ES.1.27"><span class="label">27</span><span class="content">Cha do thr&#233;ig sibh mar gu b&#700; ann mise, ach sibh fein, deir an Tighearna.</span></span></div><div class="p"><span class="verse v27" data-usfm="2ES.1.27"><span class="content">  </span></span><span class="verse v28" data-usfm="2ES.1.28"><span class="label">28</span><span class="content">Mar so a deir an Tighearn Uile&#8209;chumhachdach, Nach do ghuidh mi oirbh mar athair air a chuid mhac, mar mh&#224;thair air a cuid nighean, agus mar bhanaltrum air a leanabaibh &#242;ga,</span></span></div><div class="p"><span class="verse v28" data-usfm="2ES.1.28"><span class="content">  </span></span><span class="verse v29" data-usfm="2ES.1.29"><span class="label">29</span><span class="content">Gu&#700; m biodh sibh &#700;n &#700;ur sluagh dhomh&#8209;sa, agus mise a &#700;m Dhia dhuibh&#8209;sa; gu &#700;m biodh sibh &#700;n &#700;ur cloinn dhomh&#8209;sa, agus mise a &#700;m Athair dhuibh&#8209;se?</span></span></div><div class="p"><span class="verse v29" data-usfm="2ES.1.29"><span class="content">  </span></span><span class="verse v30" data-usfm="2ES.1.30"><span class="label">30</span><span class="content">Chruinnich mi r&#700; a ch&#233;ile sibh, mar a chruinnicheas cearc a h&#8209;e&#242;in fo a sgiathaibh: ach a nis ciod a n&#236; mi oirbh? tilgidh mi sibh a mach o m&#700; ghn&#249;is.</span></span></div><div class="p"><span class="verse v30" data-usfm="2ES.1.30"><span class="content">  </span></span><span class="verse v31" data-usfm="2ES.1.31"><span class="label">31</span><span class="content">An uair a dh&#700; &#236;obras sibh dh&#242;mhsa, tionndaidhidh mi mo ghn&#249;is uaibh; oir thr&#233;ig mi bhur l&#224;ithean s&#242;laimte f&#233;ill, bhur gealaichean &#249;ra, agus bhur timchioll&#8209;ghearranna.</span></span></div><div class="p"><span class="verse v31" data-usfm="2ES.1.31"><span class="content">  </span></span><span class="verse v32" data-usfm="2ES.1.32"><span class="label">32</span><span class="content">Chuir mi d&#700; ur n&#8209;ionnsuidh mo sheirbhisich na f&#224;idhean, a ghlac agus a mharbh sibh, agus reub sibh an cuirp &#700;na &#700;m bloighdibh, ach am fuil iarraidh mise air bhur l&#224;mhaibh&#8209;se, deir an Tighearna.</span></span></div><div class="p"><span class="verse v32" data-usfm="2ES.1.32"><span class="content">  </span></span><span class="verse v33" data-usfm="2ES.1.33"><span class="label">33</span><span class="content">Mar so a deir an Tighearn Uile&#8209;chumhachdach, Tha bhur tigh &#700;na fh&#224;sach, tilgidh mi a mach sibh mar a n&#236; a&#700; ghaoth an t&#8209;asbhuain.</span></span></div><div class="p"><span class="verse v33" data-usfm="2ES.1.33"><span class="content">  </span></span><span class="verse v34" data-usfm="2ES.1.34"><span class="label">34</span><span class="content">Agus cha bhi bhur clann s&#236;olmhor; oir rinn iad t&#224;ir air m&#700; &#224;ithne, agus rinn iad an n&#236; a ta olc am&#700; l&#224;thair.</span></span></div><div class="p"><span class="verse v34" data-usfm="2ES.1.34"><span class="content">  </span></span><span class="verse v35" data-usfm="2ES.1.35"><span class="label">35</span><span class="content">Bheir mi bhur tighean do shluagh a thig; sluagh ged nach cual iad umam, gidheadh n&#236; iad na dh&#700; &#224;ithn mi dhoibh.</span></span></div><div class="p"><span class="verse v35" data-usfm="2ES.1.35"><span class="content">  </span></span><span class="verse v36" data-usfm="2ES.1.36"><span class="label">36</span><span class="content">Cha &#700;n fhac iad f&#224;idhean sam bith, gidheadh gairmidh iad am peacanna gu cuimhne, agus aidichidh siad iad.</span></span></div><div class="p"><span class="verse v36" data-usfm="2ES.1.36"><span class="content">  </span></span><span class="verse v37" data-usfm="2ES.1.37"><span class="label">37</span><span class="content">Tha mi a&#700; gabhail mar fhianuis gr&#224;s an t&#8209;sluaigh a ta teachd, aig am bheil an clann bheag a&#700; deanamh g&#224;irdeachais le h&#8209;aoibhneas: agus ged nach fhac iad mi le s&#249;ilibh corporra, gidheadh ann an spiorad tha iad a&#700; creidsinn an n&#236; a deir mi.</span></span></div><div class="p"><span class="verse v37" data-usfm="2ES.1.37"><span class="content">  </span></span><span class="verse v38" data-usfm="2ES.1.38"><span class="label">38</span><span class="content">Agus a nis, a bhr&#224;thair, feuch ciod an gl&#242;ir; agus faic an sluagh a ta teachd on &#224;ird an ear:</span></span></div><div class="p"><span class="verse v38" data-usfm="2ES.1.38"><span class="content">  </span></span><span class="verse v39" data-usfm="2ES.1.39"><span class="label">39</span><span class="content">D&#700; an toir mi mar cheannardan, Abraham, Isaac, agus Iacob, Oseas, Amos, agus Micheas, Ioel, Abdias, agus Ionas,</span></span></div><div class="p"><span class="verse v39" data-usfm="2ES.1.39"><span class="content">  </span></span><span class="verse v40" data-usfm="2ES.1.40"><span class="label">40</span><span class="content">Nahum, agus Abacuc, Sophonias, Aggeus, Sachari, agus Malachi, ris an goirear mar an ceudna aingeal an Tighearna.</span></span></div>
      </div>
   </div>
</div>

Dara leabhair an fhàidh Esdrais, mhic Sharaiais, mhic Asariais, mhic Helchiais, mhic Shadamiais, mhic Shadoic, mhic Achitoib,
Mhic Achiais, mhic Phineeis, mhic Heli, mhic Amariais, mhic Asiei, mhic Mharimoit, mhic Arna, mhic Osiais, mhic Bhorit, mhic Abisei, mhic Phineeis, mhic Eleasair,
Mhic Aaroin, do threubh Lebhi; a bha a ʼm bràighdeanas ann an tìr nam Medach, ann an rìoghachadh Artacsercseis rìgh nam Persach.
Agus thàinig focal an Tighearna a ʼm ionnsuidh, ag ràdh,
Imich thusa, agus nochd dʼ am shluagh‑sa an gnìomhara peacach, agus dʼ an cloinn an aingidheachd aca a rinn iad a ʼm aghaidh; chum gu ʼn innis iad e do chloinn an cloinne‑san:
Do bhrìgh gu ʼm bheil peacanna an aithrichean air am meudachadh annta: oir dhì‑chuimhnich iad mi, agus dhʼ ìobair iad do dhiathaibh coimheach.
Nach mise eadhon esan a thug a mach á tìr na h‑Eiphit iad, á tigh na daorsa? ach bhrosnaich iad mi gu corruich, agus rinn iad tàir air mo chomhairlean.
Spìon thusa as uime sin folt do chinn, agus tilg gach olc orrasan, oir cha robh iad ùmhal dʼ am lagh, ach is sluagh ceannairceach iad.
Cia fhada ʼsa ghiùlaineas mi leò, dʼ an dʼ rinn mi a mheud do mhaith?
Is iomadh rìgh a mhill mi air an sgàth‑san; Pharaoh le ʼsheirbhisich, agus le ʼuile chumhachd, smàl mi sìos.
Mhill mi na cinnich uile rompa, agus ʼsan àird an ear sgap mi muinntir dà mhòir‑roinn, eadhon Thìruis agus Shidoin, agus mharbh mi an nàimhdean uile.
Labhair thusa uime sin riutha, ag ràdh, Mar so a deir an Tighearna,
Threòraich mi sibh trìd na mara, agus anns an toiseach thug mi dhuibh slighe mhòir agus thèaruinte; thug mi Maois dhuibh mar cheannard, agus Aaron mar shagart.
Thug mi solus duibh ann am meall teine, agus rinn mi mìorbhuile mòra nʼ ur measg; gidheadh, dhì‑chuimhuich sibh mi, deir an Tighearna.
Mar so a deir an Tighearn Uile‑chumhachdach, Bha na gearra‑goirt mar chomhar duibh; thug mi buthanna dhuibh mar dhìdean, gidheadh rinn sibh monmhor an sin,
Agus cha dʼ rinn sibh buaidh‑chaithream ʼnam ainm‑sa air son sgrios bhur nàimhde; ach an còmhnuidh gu ruig an là an diugh, tha sibh fathast ri monmhor.
Cʼ àit am bheil na nithe maithe a rinn mi dʼ ur taobh? an uair a bha ocras agus tart oirbh ʼsan fhàsach, nach do ghlaodh sibh rium‑sa?
Ag ràdh, Cʼ arson a thug thu sinn do ʼn fhàsach so, ʼg ar marbhadh? bʼ fhearr dhuinne seirbhis a dheanamh do na h‑Eiphitich, na bàsachadh ʼsan fhàsach so.
An sin ghabh mi truas ri ʼr caoidh, agus thug mi màna dhuibh rʼ a itheadh; uime sin dhʼ ith sibh aran nan aingeal.
An uair a bha tart oirbh, nach do sgoilt mi aʼ charraig, agus brùchd uisgeachan ʼg ʼur sàth a mach? le duilleach nan craobh chòmhdaich mi sibh o ʼn teas.
Roinn mi eotarraibh fearann tarbhach, romhaibh thilg mi mach na Canaanich, na Peredsich, agus na Philistich? Ciod tuilleadh a nì mi fathast air bhur son? deir an Tighearna.
Mar so a deir an Tighearn Uile‑chumhachdach, An uair a bha sibh ʼsan fhàsach, ann an abhainn nan Amorach, air dhuibh tart a bhi oirbh, agus aʼ toirt toibheim do mʼ ainm,
Cha tug mi teine dhuibh air son bhur toibheuma, ach thilg mi craobh ʼsan uisge, agus rinn mi an abhainn milis.
Ciod a nì mi riut, O Iacoib? thusa, Iudah, cha ʼn nochdadh tu ùmhlachd dhomh; tionndaidhidh mi dhʼ ionnsuidh chinneach eile, agus dhoibh‑san bheir mi mʼ ainm, chum gun gléidh iad mo reachda.
A thaobh gun do thréig sibh mi, tréigidh mise sibhse mar an ceudna; an uair dhʼ iarras sibh ormsa a bhi gràsmhor dhuibh, cha nochd mi tròcair idir dhuibh.
Ge bʼ e cuin a ghairmeas sibh ormsa, cha chluinn mi sibh; oir thruaill sibh bhur làmhan le fuil, agus tha bhur cosa luath a dheanamh mortaidh.
Cha do thréig sibh mar gu bʼ ann mise, ach sibh fein, deir an Tighearna.
Mar so a deir an Tighearn Uile‑chumhachdach, Nach do ghuidh mi oirbh mar athair air a chuid mhac, mar mhàthair air a cuid nighean, agus mar bhanaltrum air a leanabaibh òga,
Guʼ m biodh sibh ʼn ʼur sluagh dhomh‑sa, agus mise a ʼm Dhia dhuibh‑sa; gu ʼm biodh sibh ʼn ʼur cloinn dhomh‑sa, agus mise a ʼm Athair dhuibh‑se?
Chruinnich mi rʼ a chéile sibh, mar a chruinnicheas cearc a h‑eòin fo a sgiathaibh: ach a nis ciod a nì mi oirbh? tilgidh mi sibh a mach o mʼ ghnùis.
An uair a dhʼ ìobras sibh dhòmhsa, tionndaidhidh mi mo ghnùis uaibh; oir thréig mi bhur làithean sòlaimte féill, bhur gealaichean ùra, agus bhur timchioll‑ghearranna.
Chuir mi dʼ ur n‑ionnsuidh mo sheirbhisich na fàidhean, a ghlac agus a mharbh sibh, agus reub sibh an cuirp ʼna ʼm bloighdibh, ach am fuil iarraidh mise air bhur làmhaibh‑se, deir an Tighearna.
Mar so a deir an Tighearn Uile‑chumhachdach, Tha bhur tigh ʼna fhàsach, tilgidh mi a mach sibh mar a nì aʼ ghaoth an t‑asbhuain.
Agus cha bhi bhur clann sìolmhor; oir rinn iad tàir air mʼ àithne, agus rinn iad an nì a ta olc amʼ làthair.
Bheir mi bhur tighean do shluagh a thig; sluagh ged nach cual iad umam, gidheadh nì iad na dhʼ àithn mi dhoibh.
Cha ʼn fhac iad fàidhean sam bith, gidheadh gairmidh iad am peacanna gu cuimhne, agus aidichidh siad iad.
Tha mi aʼ gabhail mar fhianuis gràs an t‑sluaigh a ta teachd, aig am bheil an clann bheag aʼ deanamh gàirdeachais le h‑aoibhneas: agus ged nach fhac iad mi le sùilibh corporra, gidheadh ann an spiorad tha iad aʼ creidsinn an nì a deir mi.
Agus a nis, a bhràthair, feuch ciod an glòir; agus faic an sluagh a ta teachd on àird an ear:
Dʼ an toir mi mar cheannardan, Abraham, Isaac, agus Iacob, Oseas, Amos, agus Micheas, Ioel, Abdias, agus Ionas,
Nahum, agus Abacuc, Sophonias, Aggeus, Sachari, agus Malachi, ris an goirear mar an ceudna aingeal an Tighearna.

Lalela II. Esdras 1