<div class="version vid1918 iso6393syl" data-vid="1918" data-iso6393="syl">
   <div class="book bkGEN">
      <div class="chapter chINTRO1" data-usfm="GEN.INTRO1">
         <div class="imt1"><span class="content">Tourat Shorifor forisiti</span></div><div class="ip"><span class="content">Alla Pakor nazil &#7731;ora Asmani Kitab o&#7731;lor mazor ho&#7731;ol foyla kitab oilo, Hozrot Musa (a:)or ufre nazil oa Tourat Shorif ba Tourat Kitab. I kitab Hibru mani Ibrani bashae nazil oise, ou bashae &#8216;Torah&#8217; mani &#8216;nosiot&#8217;. Ou Tourat Kitab nazil oise onuman 3500 bosor age. Asmani Kitab o&#7731;lor maze ik&#7789;a oilo ho&#7731;ol taki furan kitab, ar bad-baki ho&#7731;ol Asmani Kitabe ou Tourat Kitab taki-u talim dey.</span></div><div class="ip"><span class="content">Tourat Shorifor fas&#7731;an sifara ase, ou sifara o&#7731;lor bishoy shongkep oilo:</span></div><div class="io"><span class="content">1. Foyda Nama: asman-zomin foyda taki duniar furan itihash. Bade Alla Pake Hozrot Ibrahim (a:) ar tan bongshodorre fosond &#7731;orsoin, erar maze tan nati Hozrot Iakub (a:) oilagi Boni Israil zatir mul baf.</span></div><div class="io"><span class="content">2. Hizrot: Boni Israil zati Feraunor gulam oisoin, bade Hozrot Musa (a:)or atane Alla Pake tarare Mishor desh taki azad &#7731;oria bar &#7731;orsoin Kenan desh zaoar niote. Morubumit aia tara ek Kaba gor banaisoin zar nam oilo fobitro Milon-tambu.</span></div><div class="io"><span class="content">3. Lebian: hou Kaba goror ebadotir niom-&#7731;anun ar foyla itihash.</span></div><div class="io"><span class="content">4. Shumari: Mishor desh taki baronir dui bosoror shomoy, beshir bag Boni Israil naforman bonigesoin. Erlagi ou naforman o&#7731;ol na mora forzonto 38 bosor morubumir maze guragurit asil, &#7731;ali tarar aolad o&#7731;ol zinda roila.</span></div><div class="io"><span class="content">5. Dusra-Boyani: 40 bosoror shomoy Boni Israil zati Kenan deshor shimanat aoar bade, Allae Hozrot Musa (a:)re &#7731;oisoin tan deoa hukum-ahkam ar nosiot hirbar Boni Israil zatire mon &#7731;oraibar lagi. Er bade tan &#7731;adim Hozrot Iusa (a:)re tan &#7731;olifa hishabe boaia Hozrot Musa (a:) dunia taki bidae oigela.</span></div><div class="imt1"><span class="content">Foyda Nama sifarar forisiti</span></div><div class="ip"><span class="content">Tourat Shorifor foyla sifara oilo &#8216;Foyda Nama&#8217;. Ou sifarar foyla ayato ase &#8220;Foyla-u Alla,&#8221; ar hesh ayato ase Hozrot Iusuf (a:)or mout. Ar hasau amra dunia foyda tone Hozrot Iusuf (a:) forzonto bout nobir boyani i sifarat fai. Foyda Namar mul bishoy oilo, Adom zatie Iblis-Shoytanor bul foramish hunia hari naforman bonigela. Bade Alla Pake ou naformani taki mukti faoar lagi e&#7731; fot de&#7731;aila, zate Adom zati hirbar tan didar-doroshon faita faroin.</span></div><div class="ip"><span class="content">Ou fotre dui nomunae de&#7731;ail oise. Foyla, Allae nanan nobir loge tan didar faoar oada-chukti korla, ar hou nobir ummote-o er niamot-fozilot faila. Ar dusra nomuna oilo, Alla Pake oada &#7731;orla, tan fa&#7789;ail hou nobi o&#7731;lor silsila taki ola e&#7731; fobitro zon i duniat aiba, aile en usillae duniar ho&#7731;ol zatie Allar doya ar rohom-borkot faiba, manshe dunia ar a&#7731;erato nazat faiba. Zemon, Adom-Haoar samne tain Shoytanre &#7731;oila, &#8220;Be&#7789;i manshor bongshe tumar &#7731;olla gu&#7771;a &#7731;orbo&#8221; (3 ruku 15 ayat). Mani, hou fobitro zone Shoytanor ho&#7731;ol &#7731;emota ar bol-shoktire binash &#7731;orba, ein zonom loiba e&#7731; be&#7789;i manshor goro, bade arok kitabo Allae zanaisoin en zonom oibo abiati e&#7731; shoti narir goro. Ar Hozrot Ibrahim (a:)re &#7731;oila, &#8220;Tumar bongshor usillae duniar ho&#7731;ol zatie borkot hasil &#7731;orba&#8221; (22:18 ayat). Bade tain Hozrot Ibrahimre zanaisoin, hou fobitro aolad aiba tan huru fua Hozrot Is&#700;hak (a:)or fua Iakub nobir &#7731;andano.</span></div><div class="ip"><span class="content">Allae Hozrot Iakub (a:)re noya nam disla Hozrot Israil, erlagi Iakubor bongshodorre &#7731;oa oy &#8216;Boni Israil&#8217;, mani Hozrot Israilor aolad o&#7731;ol. Foyda Nama sifarar hesh ongshot ase, Hozrot Iusuf (a:) kila Mishor desho gulam bonla ar bade Mishor deshor raza bonia nidanor at taki zan basanir lagi, tan nizor baba ar baiainre-o ou Mishoro anchoin. Ou nomunae Boni Israil Mishoro boshot &#7731;ora shuru oilo.</span></div><div class="iot"><span class="content">Ermaze ase,</span></div><div class="io"><span class="content">Hozrot Adom (a:)&#8212;Duniar foyda </span><span class="ior"><span class="content">1&#8212;5</span><span class="content"> ruku</span></span></div><div class="io"><span class="content">Hozrot Nuh (a:)&#8212;Fanir gozob </span><span class="ior"><span class="content">6&#8212;10</span><span class="content"> ruku</span></span></div><div class="io"><span class="content">Hozrot Ibrahim (a:)&#8212;Allar oada </span><span class="ior"><span class="content">11&#8212;23</span><span class="content"> ruku</span></span></div><div class="io"><span class="content">Hozrot Is&#700;hak (a:)&#8212;Hirbar Allar oada </span><span class="ior"><span class="content">24&#8212;26</span><span class="content"> ruku</span></span></div><div class="io"><span class="content">Hozrot Iakub (a:)&#8212;Boni Israilor shuru </span><span class="ior"><span class="content">27&#8212;36</span><span class="content"> ruku</span></span></div><div class="io"><span class="content">Hozrot Iusuf (a:)&#8212;Boni Israil Mishor desho aila </span><span class="ior"><span class="content">37&#8212;50</span><span class="content"> ruku</span></span></div><div class="ie"></div>
      </div>
   </div>
</div>

Tourat Shorifor forisiti
Alla Pakor nazil ḳora Asmani Kitab oḳlor mazor hoḳol foyla kitab oilo, Hozrot Musa (a:)or ufre nazil oa Tourat Shorif ba Tourat Kitab. I kitab Hibru mani Ibrani bashae nazil oise, ou bashae ‘Torah’ mani ‘nosiot’. Ou Tourat Kitab nazil oise onuman 3500 bosor age. Asmani Kitab oḳlor maze ikṭa oilo hoḳol taki furan kitab, ar bad-baki hoḳol Asmani Kitabe ou Tourat Kitab taki-u talim dey.
Tourat Shorifor fasḳan sifara ase, ou sifara oḳlor bishoy shongkep oilo:
1. Foyda Nama: asman-zomin foyda taki duniar furan itihash. Bade Alla Pake Hozrot Ibrahim (a:) ar tan bongshodorre fosond ḳorsoin, erar maze tan nati Hozrot Iakub (a:) oilagi Boni Israil zatir mul baf.
2. Hizrot: Boni Israil zati Feraunor gulam oisoin, bade Hozrot Musa (a:)or atane Alla Pake tarare Mishor desh taki azad ḳoria bar ḳorsoin Kenan desh zaoar niote. Morubumit aia tara ek Kaba gor banaisoin zar nam oilo fobitro Milon-tambu.
3. Lebian: hou Kaba goror ebadotir niom-ḳanun ar foyla itihash.
4. Shumari: Mishor desh taki baronir dui bosoror shomoy, beshir bag Boni Israil naforman bonigesoin. Erlagi ou naforman oḳol na mora forzonto 38 bosor morubumir maze guragurit asil, ḳali tarar aolad oḳol zinda roila.
5. Dusra-Boyani: 40 bosoror shomoy Boni Israil zati Kenan deshor shimanat aoar bade, Allae Hozrot Musa (a:)re ḳoisoin tan deoa hukum-ahkam ar nosiot hirbar Boni Israil zatire mon ḳoraibar lagi. Er bade tan ḳadim Hozrot Iusa (a:)re tan ḳolifa hishabe boaia Hozrot Musa (a:) dunia taki bidae oigela.
Foyda Nama sifarar forisiti
Tourat Shorifor foyla sifara oilo ‘Foyda Nama’. Ou sifarar foyla ayato ase “Foyla-u Alla,” ar hesh ayato ase Hozrot Iusuf (a:)or mout. Ar hasau amra dunia foyda tone Hozrot Iusuf (a:) forzonto bout nobir boyani i sifarat fai. Foyda Namar mul bishoy oilo, Adom zatie Iblis-Shoytanor bul foramish hunia hari naforman bonigela. Bade Alla Pake ou naformani taki mukti faoar lagi eḳ fot deḳaila, zate Adom zati hirbar tan didar-doroshon faita faroin.
Ou fotre dui nomunae deḳail oise. Foyla, Allae nanan nobir loge tan didar faoar oada-chukti korla, ar hou nobir ummote-o er niamot-fozilot faila. Ar dusra nomuna oilo, Alla Pake oada ḳorla, tan faṭail hou nobi oḳlor silsila taki ola eḳ fobitro zon i duniat aiba, aile en usillae duniar hoḳol zatie Allar doya ar rohom-borkot faiba, manshe dunia ar aḳerato nazat faiba. Zemon, Adom-Haoar samne tain Shoytanre ḳoila, “Beṭi manshor bongshe tumar ḳolla guṛa ḳorbo” (3 ruku 15 ayat). Mani, hou fobitro zone Shoytanor hoḳol ḳemota ar bol-shoktire binash ḳorba, ein zonom loiba eḳ beṭi manshor goro, bade arok kitabo Allae zanaisoin en zonom oibo abiati eḳ shoti narir goro. Ar Hozrot Ibrahim (a:)re ḳoila, “Tumar bongshor usillae duniar hoḳol zatie borkot hasil ḳorba” (22:18 ayat). Bade tain Hozrot Ibrahimre zanaisoin, hou fobitro aolad aiba tan huru fua Hozrot Isʼhak (a:)or fua Iakub nobir ḳandano.
Allae Hozrot Iakub (a:)re noya nam disla Hozrot Israil, erlagi Iakubor bongshodorre ḳoa oy ‘Boni Israil’, mani Hozrot Israilor aolad oḳol. Foyda Nama sifarar hesh ongshot ase, Hozrot Iusuf (a:) kila Mishor desho gulam bonla ar bade Mishor deshor raza bonia nidanor at taki zan basanir lagi, tan nizor baba ar baiainre-o ou Mishoro anchoin. Ou nomunae Boni Israil Mishoro boshot ḳora shuru oilo.
Ermaze ase,
Hozrot Adom (a:)—Duniar foyda 1—5 ruku
Hozrot Nuh (a:)—Fanir gozob 6—10 ruku
Hozrot Ibrahim (a:)—Allar oada 11—23 ruku
Hozrot Isʼhak (a:)—Hirbar Allar oada 24—26 ruku
Hozrot Iakub (a:)—Boni Israilor shuru 27—36 ruku
Hozrot Iusuf (a:)—Boni Israil Mishor desho aila 37—50 ruku

Lalela Tourat 1: Foeda Nama Tourat Shorifor forisiti