Izere - 2006 WBT (NT) Drama

<div class="version vid2070 iso6393izr" data-vid="2070" data-iso6393="izr">
 <div class="book bkLUK">
 <div class="chapter ch17" data-usfm="LUK.17">
 <div class="label">17</div><div class="s">Ike&#817;ng i ta sak rine&#817;n</div><div class="r">(aMat 18.6-7, 21-22; aMar 9.42)</div><div class="p"> 1aYeso fe&#817; be &#225;limazhiri wu ye, &#8220;Ike&#817;re&#817; i tana sak &#225;nerawe tana nye rine&#817;n t&#224; be&#817; dim. Awo&#817; be aner aya a tana sak akak tana nye rine&#817;n. 2I ta nar ke a tu rosom kuta ako&#817; nuto&#817; nong a tu ku barak kaye&#817;e&#817;r agbang kudung be a tana sak azining kaye&#817;e&#817;r &#225;zhizhe&#817;k'e na tana nye rine&#817;n. 3Kamok anong sak yin riye&#817;.</div><div class="p">&#8220;Ke aronyining wan ta nye rine&#817;n ne i ku tak, ke a shishing kuse wu, ne i ku re&#817;ng'e. 4Ke a t&#225; nye rine&#817;n kutak kanataar kunom kuzining, a ra bun a be&#817; kutak kanataar ne a fe&#817; be wan ye, &#8216;Mi n nye rine&#817;n, ni re&#817;ng'e,&#8217; ne i ku re&#817;ng'e.&#8221;</div><div class="s">Ni barang mo yir kuno&#817;o&#817;k katsak</div><div class="p"> 5&#193;manzo fe&#817; be Agwo&#817;m &#193;gwo&#817;m'me ye, &#8220;Ni barang mo yir kuno&#817;o&#817;k katsak.&#8221;</div><div class="p"> 6Iyong Agwo&#817;m &#193;gwo&#817;m'me fe&#817; be ba ye, &#8220;Yin fa be yin kuno&#817;o&#817;k katsak hiir kyo&#817;ndi ica naya a ta yis ye amusta, ke yin fe&#817; yin be agbang kakon na ye, &#8216;Wuruk be atsip wan nong ta se nyeseng kaye&#817;e&#817;r agbang kudung,&#8217; ka ta kuus ike&#817;ng iya yin t&#225; fe&#817; yin.&#8221;</div><div class="s">Sor kusor asam atek</div><div class="p"> 7&#8220;A fa fe&#817; ye akak kaye&#817;e&#817;r yin be asam, a tu ku kap ka a tu fek &#237;tsamang ayi. Izen iya ne asam'me ne katse a be&#817;, atekasa'me t&#224; fe&#817; be wu ye, &#8216;Te gbashak ta be&#817;, ya naya a&#42892;a?&#8217; 8Ko cie&#817;k, sang a ta fe&#817; ingya ye, &#8216;Nye kanye&#817;k nong tin nye naya katuk, nong mi ta ya ne i so&#817; nizham. Nama mi ya, i so&#817; ne wan ma ya&#8217; a&#42892;a? 9A t&#224; tonong asam'me riye&#817; rikan kamok a t&#225; nye ike&#817;ng ife a t&#225; fe&#817; be wu ye a ra nye a&#42892;a? 10Anong ne yin gip, ke yin nye yin koakye a t&#225; fe&#817; be yin ye i ra nye yin, yin t&#224; fe&#817; yin ye, &#8216;Yir nye yir &#225;duk &#225;sam tsek. Yir nye yir itomong a t&#225; fe&#817; ye, i ra nye yir tsek.&#8217; &#8221;</div><div class="s">aYeso sak &#225;kparo&#817;ng kuso&#817;k te atser</div><div class="p"> 11Nizen aYeso t&#225; se niren, a be na aUshalima. A tseng nagbak iben aSamariya be aGalili. 12A t&#225; fa tseng a t&#225; no&#817; nuwo&#817;p kukak ne &#225;kparo&#817;ng &#225;kak kuso&#817;k nyim be wu. &#193; nyeseng gugo&#817;k 13nong a t&#250; ku yis be agap ye, &#8220;Atekasa aYeso, ro&#817; riye&#817; yir!&#8221;</div><div class="p"> 14Nizen aYeso t&#250; ku di ba, a fe&#817; be ba ye, &#8220;Tseng yin ta se tonong yin rice yin nufe &#225;tsi ye yin n te yin atser.&#8221; &#193; t&#225; se be kutseng ne &#225; te atser niren.</div><div class="p"> 15Nizen akak kaye&#817;e&#817;r ba t&#225; fa di wu n te atser yong a t&#250; bun, a t&#225; ta kuto&#817; ne a kerek Adakunom. 16A se kpa kaben nasho&#817;o&#817;n aYeso nong a t&#225; tonong riye&#817; rikan wu. Aner'e nye aner aSamariya.</div><div class="p"> 17Ayong aYeso t&#250; rip ye, &#8220;&#193;ner kuso&#817;k ne a t&#250; ku sak ba &#225; t&#225; te atser a&#42892;a? Ribir katonbo&#817;k'e se ake&#817; e&#817;? 18&#193;kak kyem &#225; t&#250; bun &#225; t&#225; be&#817; &#225; kerek Adakunom ba&#42892;, ma aner atsen na tsek a?&#8221; 19Ayong aYeso fe&#817; be wu ye, &#8220;Dorok ta tseng, kuno&#817;o&#817;k katsak wan sak wan te atser.&#8221;</div><div class="s">Izen kube&#817; rigwo&#817;m Adakunom</div><div class="r">(aMat 24.23-28, 37-41)</div><div class="p"> 20Katuk kakak &#225;ner aFarisi &#225;kak rip aYeso izen ife rigwo&#817;m Adakunom tana be&#817;, ne aYeso fe&#817; ye, &#8220;Kube&#817; rigwo&#817;m Adakunom nye ike&#817;ng ife a tana kyem a di be anyisi ba&#42892;. 21Ka &#225;nerawe t&#224; fe&#817; ye, &#8216;Riyuna&#8217; ka &#8216;Rikya&#8217; ba&#42892;, kamok rigwo&#817;m Adakunom'me se kaye&#817;e&#817;r yin.&#8221;</div><div class="p"> 22aYeso fe&#817; be &#225;limazhiri wu ye, &#8220;Izen saase a tana ka te yin ke i di yin kunom kuzining kaye&#817;e&#817;r inom Igon anerawe, ko yin ra di yin ba&#42892;. 23&#193;nerawe t&#224; fe&#817; be yin ye, &#8216;Riyuna&#8217; ka &#8216;Riya, aza!&#8217; ayi. Sang tu kuus yin rife&#817; ba ba&#42892;. 24Kamok katuk kube&#817; Igon &#225;nerawe t&#224; se kanang kyo&#817;ndi akanang a ta samang koakye naza. 25Ni ime&#817;se&#817;ng'e, a t&#224; so&#817; risam dide&#817;ng nizham ne &#225;nerawe izam na ku rawu.</div><div class="p"> 26&#8220;Kyo&#817;ndi i t&#225; se nizen aNuhu, anong ne i t&#224; se nizen Igon Anerawe tana bun a be&#817; gip. 27&#193;nerawe t&#225; sen ya ne &#225; so&#817;, ne &#225; nye iwe&#817;ne&#817;ng ne &#225; nyesek &#225;ngas ba niwe&#817;ne&#817;ng ma izen iya aNuhu t&#225; no&#817; kaye&#817;e&#817;r agbang kukpara ashi. Ashi'me be&#817; a t&#225; fe&#817;s ribir &#225;nerawe'me cei.</div><div class="p"> 28&#8220;Anong ne i se nizen aLot gip. &#193;nerawe t&#225; sen ya ne &#225; so&#817;, ne &#225; shashang ike&#817;re&#817; ne &#225; re&#817;e&#817;s, ne &#225; tuus ne &#225; no&#817;k rino&#817;k. 29Amma katuk aLot t&#225; dorok na aSodom, Adakunom ti barak kuro&#817;ng ne iruur'e natoon ba nong a t&#225; kus cei.</div><div class="p"> 30&#8220;Anong ne i t&#224; se gip, nizen iya Igon &#193;nerawe tana tonong rice wu. 31Katuk kayong, aner aya ne a ta se natoon kutu be ike&#817;re&#817; wu kaye&#817;e&#817;r'e, a t&#224; ku tiik nong a t&#224; ko&#817;k ike&#817;re&#817; wu ba&#42892;. Anong ne aya a t&#225; se riko&#817; gip a tu ku bun kari nikum a t&#224; se sok ike&#817;ng ikak ba&#42892;. 32Yiring yin be abining aLot. 33Aner aya a ta shim a t&#224; shesh kutser wu, a tin wei, aya ne a ti wei nutser wu a t&#224; se&#817; kashesh. 34Mi ta ka tak yin, katuk'ong aner afa t&#224; se nameneng na agadu, a ta sok azining ne a ku won azining. 35&#193;nyining afa t&#224; se be ako&#817;, a t&#224; sok azining ne a ku won azining. 36&#193;ner afa ta se riko&#817;, &#225; t&#224; sok azining ne &#225; ku won azining.&#8221;</div><div class="p"> 37Iyong &#225;limazhiri aYeso t&#250; rip ye, &#8220;Ake&#817; ne a t&#224; nye anong e&#817;?&#8221;</div><div class="p">Ne aYeso fe&#817; be ba ye, &#8220;Karo&#817; kaya wan tu ku di &#193;zhanga naka tusung, to&#817;, kukom tu kuse azong.&#8221;</div>
 </div>
 </div>
</div>

aYeso fe̱ be álimazhiri wu ye, “Ike̱re̱ i tana sak ánerawe tana nye rine̱n tà be̱ dim. Awo̱ be aner aya a tana sak akak tana nye rine̱n. I ta nar ke a tu rosom kuta ako̱ nuto̱ nong a tu ku barak kaye̱e̱r agbang kudung be a tana sak azining kaye̱e̱r ázhizhe̱k'e na tana nye rine̱n. Kamok anong sak yin riye̱.
“Ke aronyining wan ta nye rine̱n ne i ku tak, ke a shishing kuse wu, ne i ku re̱ng'e. Ke a tá nye rine̱n kutak kanataar kunom kuzining, a ra bun a be̱ kutak kanataar ne a fe̱ be wan ye, ‘Mi n nye rine̱n, ni re̱ng'e,’ ne i ku re̱ng'e.”

Ámanzo fe̱ be Agwo̱m Ágwo̱m'me ye, “Ni barang mo yir kuno̱o̱k katsak.”
Iyong Agwo̱m Ágwo̱m'me fe̱ be ba ye, “Yin fa be yin kuno̱o̱k katsak hiir kyo̱ndi ica naya a ta yis ye amusta, ke yin fe̱ yin be agbang kakon na ye, ‘Wuruk be atsip wan nong ta se nyeseng kaye̱e̱r agbang kudung,’ ka ta kuus ike̱ng iya yin tá fe̱ yin.”

“A fa fe̱ ye akak kaye̱e̱r yin be asam, a tu ku kap ka a tu fek ítsamang ayi. Izen iya ne asam'me ne katse a be̱, atekasa'me tà fe̱ be wu ye, ‘Te gbashak ta be̱, ya naya aꞌa?’ Ko cie̱k, sang a ta fe̱ ingya ye, ‘Nye kanye̱k nong tin nye naya katuk, nong mi ta ya ne i so̱ nizham. Nama mi ya, i so̱ ne wan ma ya’ aꞌa? A tà tonong asam'me riye̱ rikan kamok a tá nye ike̱ng ife a tá fe̱ be wu ye a ra nye aꞌa? Anong ne yin gip, ke yin nye yin koakye a tá fe̱ be yin ye i ra nye yin, yin tà fe̱ yin ye, ‘Yir nye yir áduk ásam tsek. Yir nye yir itomong a tá fe̱ ye, i ra nye yir tsek.’ ”

Nizen aYeso tá se niren, a be na aUshalima. A tseng nagbak iben aSamariya be aGalili. A tá fa tseng a tá no̱ nuwo̱p kukak ne ákparo̱ng ákak kuso̱k nyim be wu. Á nyeseng gugo̱k nong a tú ku yis be agap ye, “Atekasa aYeso, ro̱ riye̱ yir!”
Nizen aYeso tú ku di ba, a fe̱ be ba ye, “Tseng yin ta se tonong yin rice yin nufe átsi ye yin n te yin atser.” Á tá se be kutseng ne á te atser niren.
Nizen akak kaye̱e̱r ba tá fa di wu n te atser yong a tú bun, a tá ta kuto̱ ne a kerek Adakunom. A se kpa kaben nasho̱o̱n aYeso nong a tá tonong riye̱ rikan wu. Aner'e nye aner aSamariya.
Ayong aYeso tú rip ye, “Áner kuso̱k ne a tú ku sak ba á tá te atser aꞌa? Ribir katonbo̱k'e se ake̱ e̱? Ákak kyem á tú bun á tá be̱ á kerek Adakunom baꞌ, ma aner atsen na tsek a?” Ayong aYeso fe̱ be wu ye, “Dorok ta tseng, kuno̱o̱k katsak wan sak wan te atser.”


Katuk kakak áner aFarisi ákak rip aYeso izen ife rigwo̱m Adakunom tana be̱, ne aYeso fe̱ ye, “Kube̱ rigwo̱m Adakunom nye ike̱ng ife a tana kyem a di be anyisi baꞌ. Ka ánerawe tà fe̱ ye, ‘Riyuna’ ka ‘Rikya’ baꞌ, kamok rigwo̱m Adakunom'me se kaye̱e̱r yin.”
aYeso fe̱ be álimazhiri wu ye, “Izen saase a tana ka te yin ke i di yin kunom kuzining kaye̱e̱r inom Igon anerawe, ko yin ra di yin baꞌ. Ánerawe tà fe̱ be yin ye, ‘Riyuna’ ka ‘Riya, aza!’ ayi. Sang tu kuus yin rife̱ ba baꞌ. Kamok katuk kube̱ Igon ánerawe tà se kanang kyo̱ndi akanang a ta samang koakye naza. Ni ime̱se̱ng'e, a tà so̱ risam dide̱ng nizham ne ánerawe izam na ku rawu.
“Kyo̱ndi i tá se nizen aNuhu, anong ne i tà se nizen Igon Anerawe tana bun a be̱ gip. Ánerawe tá sen ya ne á so̱, ne á nye iwe̱ne̱ng ne á nyesek ángas ba niwe̱ne̱ng ma izen iya aNuhu tá no̱ kaye̱e̱r agbang kukpara ashi. Ashi'me be̱ a tá fe̱s ribir ánerawe'me cei.
“Anong ne i se nizen aLot gip. Ánerawe tá sen ya ne á so̱, ne á shashang ike̱re̱ ne á re̱e̱s, ne á tuus ne á no̱k rino̱k. Amma katuk aLot tá dorok na aSodom, Adakunom ti barak kuro̱ng ne iruur'e natoon ba nong a tá kus cei.
“Anong ne i tà se gip, nizen iya Igon Ánerawe tana tonong rice wu. Katuk kayong, aner aya ne a ta se natoon kutu be ike̱re̱ wu kaye̱e̱r'e, a tà ku tiik nong a tà ko̱k ike̱re̱ wu baꞌ. Anong ne aya a tá se riko̱ gip a tu ku bun kari nikum a tà se sok ike̱ng ikak baꞌ. Yiring yin be abining aLot. Aner aya a ta shim a tà shesh kutser wu, a tin wei, aya ne a ti wei nutser wu a tà se̱ kashesh. Mi ta ka tak yin, katuk'ong aner afa tà se nameneng na agadu, a ta sok azining ne a ku won azining. Ányining afa tà se be ako̱, a tà sok azining ne a ku won azining. Áner afa ta se riko̱, á tà sok azining ne á ku won azining.”
Iyong álimazhiri aYeso tú rip ye, “Ake̱ ne a tà nye anong e̱?”
Ne aYeso fe̱ be ba ye, “Karo̱ kaya wan tu ku di Ázhanga naka tusung, to̱, kukom tu kuse azong.”

Lalela aLuka 17