Izere - 2006 WBT (NT) Drama

<div class="version vid2070 iso6393izr" data-vid="2070" data-iso6393="izr">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">Kudorok aYeso nure&#817;k</div><div class="r">(aMat 28.1-10; aMar 16.1-8; aYoh 20.1-10)</div><div class="p"> 1Bop nadiding katuk ime&#817;se&#817;ng'e na asate, &#225;nyining ame sok ike&#817;re&#817; iko&#817;o&#817;n itek ame nong &#225; t&#225; tseng nure&#817;k'e. 2&#193; se se&#817; an biring kuta ku ta se nanu kure&#817;k'e. 3Izen iya ba t&#225; no&#817;, &#225; se&#817; kukom Agwo&#817;m &#193;gwo&#817;m yir aYeso ba&#42892;. 4Kum ne ba ru to&#817; natoon'e, ne &#225;ner &#225;kak ba afa be ares akan &#225; t&#225; gye&#817;se&#817;m ti wuruk nukim ba. 5&#193;nyining'e te cing be ace kaben kamok inyim, ne &#225;ner ame fe&#817; be ba ye, &#8220;Akye&#817; sak yin tse&#817;r yin aner atser kaye&#817;e&#817;r &#225;fe a tan kus e&#817;? 6A kuse ba&#42892;, an dorok. Yiring yin ike&#817;ng iya a t&#225; ka tak yin, nizen a t&#225; rusek be yin na aGalili. 7A t&#225; fe&#817; ye, &#8216;Ma a ta sok Igon Anerawe a ta no&#817;o&#817;k nubo&#817;k &#225;fe rine&#817;n, a tu ku tigak, ne a bun a dorok nure&#817;k katuk ife ataar.&#8217; &#8221; 8Iyong &#225;nyining ame yiring'e be rife&#817; aYeso t&#250; ku tak ba.</div><div class="p"> 9Nizen &#225; t&#225; ne nure&#817;k'e &#225; be&#817;, &#225; taas &#225;limazhiri kuso&#817;k be azining be ribir &#225;nerawe ike&#817;re&#817;'me cei. 10&#193;nyining &#225; t&#225; tak &#225;manzo ike&#817;re&#817;'me nye aMarya abafe aMagadaliya be aZhuwana ne aMarya anyining aYakub be &#225;kak &#225; t&#225; se mak be ba. 11Ka &#225; ti no&#817;o&#817;k katsak rife&#817; &#225;nyining'e ba&#42892;, kamok rife&#817;'me t&#250; sor ba kyo&#817;ndi iwhas. 12aBitrus dorok be itsi, a t&#225; be nure&#817;k'e. A t&#225; fa tiguum ne a di awan ares a t&#250; ku kunung mo, yong a t&#250; bun ne a tsang a to&#817; ka akye&#817; ne i nye e&#817;?</div><div class="s">Niren a ta be na Imawus</div><div class="r">(aMar 16.12-13)</div><div class="p"> 13Kunom kuyong'e &#225;ner afa kaye&#817;e&#817;r &#225;ya a t&#225; kuus aYeso tseng &#225; be nabuwo&#817;p kukak &#225; ta yis ye Imawus. Atsik'e be aUshalima ta se kyo&#817;ndi akilomita kuso&#817;k be azining. 14&#193; sen tsang &#225; fe&#817; natoon ike&#817;re&#817; i ta nye cei. 15Nizen ba t&#225; sen tsang &#225; fe&#817; itak'e ne aYeso be rice wu be&#817; a t&#250; se&#817; ba nong a t&#225; tseng mak be ba. 16Amma a sak ba t&#250; ren baba ba&#42892;.</div><div class="p"> 17Ayong aYeso t&#250; rip ba ye, &#8220;Akye&#817; ne yin sen tsang i fe&#817; yin ne i tseng yin e&#817;?&#8221;</div><div class="p">Iyong &#225; nyeseng kyo&#817;o&#817;n &#225; t&#225; tsibik &#225;nyisi ba. 18Azining kaye&#817;e&#817;r ba riyerek wu ta nye aKiliyopas t&#250; rip ye, &#8220;Wan ne i nye aner atsen na aUshalima tsek, i ta dun ike&#817;ng i t&#225; nye azong kaye&#817;e&#817;r inom na a?&#8221;</div><div class="p"> 19Ayong a tu rip ba ye, &#8220;Akye&#817; kuri ike&#817;re&#817; e&#817;?&#8221;</div><div class="p">Ne &#225; fe&#817; be wu ye, &#8220;Natoon aYeso aner aNazaret. A nye aner kuzarap Adakunom. A be kukyem ku ninye ike&#817;re&#817; ne kufe&#817; kanu nasho&#817;o&#817;n Adakunom ne &#225;nerawe cice&#817;r. 20&#193;gbang &#225;tsi be &#225;gwo&#817;m yir t&#250; sok &#225; t&#225; no&#817;o&#817;k nong ase&#817; &#225; t&#250; ku te&#817;n amok riku, ne &#225; ku tigak. 21Amma yir tsang i ni te yir riye&#817; yir ye, wu ne a nye afe a tana shesh &#225;ner Isarela. To&#817;, di kunom kufe ataar be kunye ike&#817;re&#817; na. 22Gip be anong &#225;nyining &#225;kak ba afa &#225; t&#225; se mak be yir bun &#225; ti no&#817;o&#817;k yir azhing. &#193; ne nure&#817;k'e bop nadiding na, 23&#225; se se&#817; kukom'e ba&#42892;. &#193; be&#817; &#225; ti tak yir ye ba di &#225;maleka afa &#225; t&#225; fe&#817; be ba ye a nye atser. 24&#193;fudang yir &#225;kak tseng nure&#817;k'e, &#225; se di'me kyo&#817;ndi &#225;nyining'e t&#225; fe&#817;, amma &#225; t&#250; ku di ba&#42892;.&#8221;</div><div class="p"> 25Ne aYeso fe&#817; be ba ye, &#8220;Yin &#225;funam &#225;kak, akye&#817; kuri aye&#817; ne yin be yin i ta won dar i ni no&#817;o&#817;k yin katsak nike&#817;re&#817; &#225;ner kuzarap Adakunom t&#225; fe&#817; e&#817;? 26Aser, sang ma aKiristi so&#817; risam ike&#817;re&#817; na cice&#817;r, a ta ra se&#817; kuyiik wu a&#42892;a?&#8221; 27A san i ku taas ba ike&#817;re&#817; i ta se kaye&#817;e&#817;r Afumung rife&#817; Adakunom cei natoon rice wu, kum nizen aMusa ma nizen &#225;fe kuzarap'e cei.</div><div class="p"> 28&#193; t&#225; fa be&#817; bubarak be kaban kuwo&#817;p kaya ba tu ku be, ne aYeso nye kyo&#817;ndi wu t&#224; wesek nasho&#817;o&#817;n. 29&#193; t&#250; nye akusuk, ne &#225; fe&#817; be wu ye, &#8220;Kusuk, ko&#817;so&#817; be yir kamok kunom n be&#817; bubarak ku ta kpa.&#8221; Ayong a tseng mak be ba.</div><div class="p"> 30Nizen aYeso t&#225; se be iya naya mak be ba, a sok abiredi, a t&#225; tonong Adakunom riye&#817; rikan, ne a te&#817;se&#817;ng ne a san ku nyesek ba. 31Iyong &#225;nyisi ba ma karak, &#225; tu ren, ne &#225; ni ti zhau niba. 32&#193; naka risim ye, &#8220;Nizen iya a t&#225; se be kufe&#817; kanu be yir niren, ne a karak &#193;fumung rife&#817; Adakunom, ma aye&#817; yir shirim caang a&#42892;a?&#8221;</div><div class="p"> 33&#193;ner afa'me wor &#225; dorok gbashak nong &#225; t&#225; be na aUshalima. Azong ne &#225; se se&#817; &#225;manzo kuso&#817;k be azining ame be &#225;fe a ta se be ba naka tusung. 34&#193; sen fe&#817; be ba ye, &#8220;I nye katsak! Agwo&#817;m &#193;gwo&#817;m n dorok ma an tonong rice wu nufe aSiman.&#8221; 35Ne &#225;ner afa ame ku tak ba ike&#817;ng i tu ku se&#817; ba niren, be kuri iren iya ba t&#225; kyem &#225; ren ye a nye aYeso nizen a t&#225; te&#817;se&#817;ng abiredi.</div><div class="s">aYeso tonong rice wu nufe &#225;limazhiri wu</div><div class="r">(aMat 28.16-20; aMar 16.14-18; aYoh 20.19-23)</div><div class="p"> 36Kum ne &#225; ru fe&#817; itak'e ne aYeso be rice wu wor a ti wuruk natite ba. A t&#225; fe&#817; be ba ye, &#8220;Kameneng riye&#817; se mak be yin!&#8221;</div><div class="p"> 37Iyong &#225; te febek be inyim, &#225; sor ye ike&#817;ng iya ba ta di nye itseng. 38Ayong aYeso fe&#817; be ba ye, &#8220;Akye&#817; sak yin daam yin e&#817;? Yin ti be yin agak riye&#817; e&#817;? 39Di yin ibo&#817;k'i be atak'i. Mi na be rice mi! Ni ra yin ta fok yin, itseng be kuro&#817;m be ikup kyo&#817;ndi yin ta di yin mi ta be ba&#42892;.&#8221;</div><div class="p"> 40A t&#225; fa fe&#817; anong, ne a ku tonong ba ibo&#817;k be atak wu. 41Gip be anong &#225; ti no&#817;o&#817;k katsak ba&#42892;, kamok riye&#817; rikan be azhing. Ayong a t&#250; rip ba ye, &#8220;Yin be yin ike&#817;ng kuya aze a&#42892;a?&#8221; 42Iyong &#225; t&#250; no&#817;o&#817;k izos a tan reer. 43Ayong aYeso shan a t&#225; ya, ne ba ye&#817;re&#817;k.</div><div class="p"> 44Ne a fe&#817; be ba ye, &#8220;Ike&#817;ng mi ta ka tak yin'ong, kum ne mi rusek be yin, ye ma a shining koakye i ta se ni izibir natoon'i kaye&#817;e&#817;r Itsi aMusa t&#225; zibir be afumung &#225;ner kuzarap Adakunom ne aZabura.&#8221;</div><div class="p"> 45Ayong a t&#250; sak ba &#225; ta ren ike&#817;ng afumung'e ta fe&#817;. 46Ne a bun a fe&#817; be ba ye, &#8220;Ike&#817;ng i ta se ni izibir na ye. aKiristi'me t&#224; so&#817; risam, a t&#224; ku, ne a dorok nure&#817;k katuk afe ataar. 47A ta taas &#225;nerawe ninaro&#817; ze&#817;r ze&#817;r itak natoon kushishing kuse be kure&#817;ng rine&#817;n kaye&#817;e&#817;r riyerek wu, A ta san'e na aUshalima. 48Yin ne i di yin ike&#817;re&#817; na, yin ne i ta tas yin &#225;kak. 49Mi t&#224; ka tom yin ike&#817;ng Ada mi t&#225; tsang a ni sak ye a t&#224; ka no&#817;o&#817;k yin, amma sor yin kaye&#817;e&#817;r kuwo&#817;p na, ma a t&#224; kis yin be kukyem kuya ku ta ne naza.&#8221;</div><div class="s">A sok aYeso a t&#225; tseng'e naza</div><div class="r">(aMar 16.19-20)</div><div class="p"> 50Ayong aYeso t&#250; ko&#817;k ba kasho&#817;o&#817;n nong &#225; t&#225; wuruk niren bubarak be aBetani, ne a sok ibo&#817;k naza a t&#250; ku te ba kuce&#817;. 51Kum ne an gang ku ka te ba kuce&#817;'me ba&#42892;, nong a ta kam be ba. A t&#250; sok a t&#225; tseng'e kaye&#817;e&#817;r kaza. 52Iyong &#225; tu ya iben, ne &#225; ku bun na aUshalima be riye&#817; rikan dide&#817;ng. 53&#193;limazhiri'me yiir sor kaye&#817;e&#817;r agbang kutu kuya Adakunom iben'e koakye izen, ne &#225; kerek Adakunom.</div>
 </div>
 </div>
</div>

Bop nadiding katuk ime̱se̱ng'e na asate, ányining ame sok ike̱re̱ iko̱o̱n itek ame nong á tá tseng nure̱k'e. Á se se̱ an biring kuta ku ta se nanu kure̱k'e. Izen iya ba tá no̱, á se̱ kukom Agwo̱m Ágwo̱m yir aYeso baꞌ. Kum ne ba ru to̱ natoon'e, ne áner ákak ba afa be ares akan á tá gye̱se̱m ti wuruk nukim ba. Ányining'e te cing be ace kaben kamok inyim, ne áner ame fe̱ be ba ye, “Akye̱ sak yin tse̱r yin aner atser kaye̱e̱r áfe a tan kus e̱? A kuse baꞌ, an dorok. Yiring yin ike̱ng iya a tá ka tak yin, nizen a tá rusek be yin na aGalili. A tá fe̱ ye, ‘Ma a ta sok Igon Anerawe a ta no̱o̱k nubo̱k áfe rine̱n, a tu ku tigak, ne a bun a dorok nure̱k katuk ife ataar.’ ” Iyong ányining ame yiring'e be rife̱ aYeso tú ku tak ba.
Nizen á tá ne nure̱k'e á be̱, á taas álimazhiri kuso̱k be azining be ribir ánerawe ike̱re̱'me cei. Ányining á tá tak ámanzo ike̱re̱'me nye aMarya abafe aMagadaliya be aZhuwana ne aMarya anyining aYakub be ákak á tá se mak be ba. Ka á ti no̱o̱k katsak rife̱ ányining'e baꞌ, kamok rife̱'me tú sor ba kyo̱ndi iwhas. aBitrus dorok be itsi, a tá be nure̱k'e. A tá fa tiguum ne a di awan ares a tú ku kunung mo, yong a tú bun ne a tsang a to̱ ka akye̱ ne i nye e̱?


Kunom kuyong'e áner afa kaye̱e̱r áya a tá kuus aYeso tseng á be nabuwo̱p kukak á ta yis ye Imawus. Atsik'e be aUshalima ta se kyo̱ndi akilomita kuso̱k be azining. Á sen tsang á fe̱ natoon ike̱re̱ i ta nye cei. Nizen ba tá sen tsang á fe̱ itak'e ne aYeso be rice wu be̱ a tú se̱ ba nong a tá tseng mak be ba. Amma a sak ba tú ren baba baꞌ.
Ayong aYeso tú rip ba ye, “Akye̱ ne yin sen tsang i fe̱ yin ne i tseng yin e̱?”
Iyong á nyeseng kyo̱o̱n á tá tsibik ányisi ba. Azining kaye̱e̱r ba riyerek wu ta nye aKiliyopas tú rip ye, “Wan ne i nye aner atsen na aUshalima tsek, i ta dun ike̱ng i tá nye azong kaye̱e̱r inom na a?”
Ayong a tu rip ba ye, “Akye̱ kuri ike̱re̱ e̱?”
Ne á fe̱ be wu ye, “Natoon aYeso aner aNazaret. A nye aner kuzarap Adakunom. A be kukyem ku ninye ike̱re̱ ne kufe̱ kanu nasho̱o̱n Adakunom ne ánerawe cice̱r. Ágbang átsi be ágwo̱m yir tú sok á tá no̱o̱k nong ase̱ á tú ku te̱n amok riku, ne á ku tigak. Amma yir tsang i ni te yir riye̱ yir ye, wu ne a nye afe a tana shesh áner Isarela. To̱, di kunom kufe ataar be kunye ike̱re̱ na. Gip be anong ányining ákak ba afa á tá se mak be yir bun á ti no̱o̱k yir azhing. Á ne nure̱k'e bop nadiding na, á se se̱ kukom'e baꞌ. Á be̱ á ti tak yir ye ba di ámaleka afa á tá fe̱ be ba ye a nye atser. Áfudang yir ákak tseng nure̱k'e, á se di'me kyo̱ndi ányining'e tá fe̱, amma á tú ku di baꞌ.”
Ne aYeso fe̱ be ba ye, “Yin áfunam ákak, akye̱ kuri aye̱ ne yin be yin i ta won dar i ni no̱o̱k yin katsak nike̱re̱ áner kuzarap Adakunom tá fe̱ e̱? Aser, sang ma aKiristi so̱ risam ike̱re̱ na cice̱r, a ta ra se̱ kuyiik wu aꞌa?” A san i ku taas ba ike̱re̱ i ta se kaye̱e̱r Afumung rife̱ Adakunom cei natoon rice wu, kum nizen aMusa ma nizen áfe kuzarap'e cei.
Á tá fa be̱ bubarak be kaban kuwo̱p kaya ba tu ku be, ne aYeso nye kyo̱ndi wu tà wesek nasho̱o̱n. Á tú nye akusuk, ne á fe̱ be wu ye, “Kusuk, ko̱so̱ be yir kamok kunom n be̱ bubarak ku ta kpa.” Ayong a tseng mak be ba.
Nizen aYeso tá se be iya naya mak be ba, a sok abiredi, a tá tonong Adakunom riye̱ rikan, ne a te̱se̱ng ne a san ku nyesek ba. Iyong ányisi ba ma karak, á tu ren, ne á ni ti zhau niba. Á naka risim ye, “Nizen iya a tá se be kufe̱ kanu be yir niren, ne a karak Áfumung rife̱ Adakunom, ma aye̱ yir shirim caang aꞌa?”
Áner afa'me wor á dorok gbashak nong á tá be na aUshalima. Azong ne á se se̱ ámanzo kuso̱k be azining ame be áfe a ta se be ba naka tusung. Á sen fe̱ be ba ye, “I nye katsak! Agwo̱m Ágwo̱m n dorok ma an tonong rice wu nufe aSiman.” Ne áner afa ame ku tak ba ike̱ng i tu ku se̱ ba niren, be kuri iren iya ba tá kyem á ren ye a nye aYeso nizen a tá te̱se̱ng abiredi.


Kum ne á ru fe̱ itak'e ne aYeso be rice wu wor a ti wuruk natite ba. A tá fe̱ be ba ye, “Kameneng riye̱ se mak be yin!”
Iyong á te febek be inyim, á sor ye ike̱ng iya ba ta di nye itseng. Ayong aYeso fe̱ be ba ye, “Akye̱ sak yin daam yin e̱? Yin ti be yin agak riye̱ e̱? Di yin ibo̱k'i be atak'i. Mi na be rice mi! Ni ra yin ta fok yin, itseng be kuro̱m be ikup kyo̱ndi yin ta di yin mi ta be baꞌ.”
A tá fa fe̱ anong, ne a ku tonong ba ibo̱k be atak wu. Gip be anong á ti no̱o̱k katsak baꞌ, kamok riye̱ rikan be azhing. Ayong a tú rip ba ye, “Yin be yin ike̱ng kuya aze aꞌa?” Iyong á tú no̱o̱k izos a tan reer. Ayong aYeso shan a tá ya, ne ba ye̱re̱k.
Ne a fe̱ be ba ye, “Ike̱ng mi ta ka tak yin'ong, kum ne mi rusek be yin, ye ma a shining koakye i ta se ni izibir natoon'i kaye̱e̱r Itsi aMusa tá zibir be afumung áner kuzarap Adakunom ne aZabura.”
Ayong a tú sak ba á ta ren ike̱ng afumung'e ta fe̱. Ne a bun a fe̱ be ba ye, “Ike̱ng i ta se ni izibir na ye. aKiristi'me tà so̱ risam, a tà ku, ne a dorok nure̱k katuk afe ataar. A ta taas ánerawe ninaro̱ ze̱r ze̱r itak natoon kushishing kuse be kure̱ng rine̱n kaye̱e̱r riyerek wu, A ta san'e na aUshalima. Yin ne i di yin ike̱re̱ na, yin ne i ta tas yin ákak. Mi tà ka tom yin ike̱ng Ada mi tá tsang a ni sak ye a tà ka no̱o̱k yin, amma sor yin kaye̱e̱r kuwo̱p na, ma a tà kis yin be kukyem kuya ku ta ne naza.”


Ayong aYeso tú ko̱k ba kasho̱o̱n nong á tá wuruk niren bubarak be aBetani, ne a sok ibo̱k naza a tú ku te ba kuce̱. Kum ne an gang ku ka te ba kuce̱'me baꞌ, nong a ta kam be ba. A tú sok a tá tseng'e kaye̱e̱r kaza. Iyong á tu ya iben, ne á ku bun na aUshalima be riye̱ rikan dide̱ng. Álimazhiri'me yiir sor kaye̱e̱r agbang kutu kuya Adakunom iben'e koakye izen, ne á kerek Adakunom.

Lalela aLuka 24