Udi projects books as published in DBL from Udi1

Udi Bible

<div class="version vid2499 iso6393udi" data-vid="2499" data-iso6393="udi">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Buxa&#269;u&#287;oy &#399;yit Amdare baksa</div><div class="p"> 1Burqesunast'a &#399;yit buney. &#399;yit Buxa&#269;u&#287;oxun sagalaney, &#399;yit Buxa&#269;uxey. 2&#350;o burqesunast'a Buxa&#269;u&#287;oxun sagalaney. 3H&#601;r &#351;eya &#350;ot'ine yaratmi&#351;i, yaranmi&#351;aki &#351;eyurxoxun sal so&#287;o &#350;osuz tene yaranmi&#351;aki. 4&#350;o y&#601;&#351;&#601;yin&#351;i orayiney, me y&#601;&#351;&#601;yin&#351;al amdarxoy i&#351;i&#287;ey. 5&#304;&#351;i&#287;en bayinq'lu&#287;a s'alest'a, bayinq'lu&#287;en &#351;ot'o b&#601;c'&#252;rpes tene baki.</div><div class="p"> 6Buxa&#269;u&#287;oy t&#601;r&#601;f&#601;xun yaq'abaki sa amdare hari, &#351;ot'ay s'i &#304;oaney. #1:6 Mat'. 3:1-2; Mrk'. 1:4; Luk'. 3:1-2 7&#350;o &#351;ahidlu&#287;bseynak'e harey ki, i&#351;i&#287;i barada &#351;ahidlu&#287;bane, b&#252;t&#252;m amdarxonal me &#351;ahidlu&#287;a ibaki v&#283; bakat'un. 8&#350;o i&#231; i&#351;i&#287; teney, ama i&#351;i&#287;i barada &#351;ahidlu&#287;bseynak'e harey.</div><div class="p"> 9T'e i&#351;i&#287; seri i&#351;i&#287;ey, &#351;o d&#252;ny&#601;ne harit'o&#287;oy h&#601;r sunt'u i&#351;i&#287;lune bsay. 10&#350;o d&#252;ny&#601;neney, d&#252;ny&#601;n&#601; &#350;ot'ine yaratmi&#351;i, ama d&#252;ny&#601;nen &#350;ot'o tene &#231;alxi. 11&#350;o &#304;zt'o&#287;oy t'&#466;&#287;&#466;le hari, ama &#304;zt'o&#287;on &#304;&#231;u tet'un q'abulbi. 12Ama &#350;ot'in &#304;&#231;u q'abulbi &#304;z s'iya v&#283;bakit'o&#287;o bitova Buxa&#269;u&#287;oy &#601;ylux baksuni ext'iy&#601;re tadi. 13&#350;orox n&#601; sa amdari &#601;sil&#601;xun, n&#601; b&#601;d&#601;ni n&#601;&#601;l insani &#231;uresunen tet'un baki, ama Buxa&#269;u&#287;oxunt'un baki.</div><div class="p"> 14&#399;yit Amdar baki be&#351; aranene y&#601;&#351;&#601;yin&#351;i. Yan &#350;ot'ay kalalu&#287;a q'a zora ayank'i. &#350;ot'in mot'o&#287;o &#304;z Bavaxun &#350;ot'ay t&#601;k sa &#286;ar baksunene haq'i. &#304;zi eysunen &#350;ot'in yax &#252;k' bok'osbsuni q'a het'ay seri baksunane ak'est'i.</div><div class="p"> 15&#304;oanen &#350;ot'ay barada &#351;ahidlu&#287;bi ost'aar pine: &#171;"Zaxun o&#351;a E&#287;alo zaxun &#252;st&#252;ne, &#351;ot'aynak' ki, zaxun b&#283;&#353; buney" pi, &#304;z barada bez exl&#601;t'p'i Amdar mone&#187;. 16Yan bitot'in &#350;ot'ay bakalt'uxun hayanq'i, &#350;ot'in &#304;z &#252;k' bok'osbsunen yax bol xeyir-b&#601;r&#601;k&#601;te tadi. 17Buxa&#269;u&#287;on &#304;z k'anuna Moiseyaxune avabakest'i, &#252;k' bok'osbsuna q'a seri bakala yaq'a ak'est'una is&#601; &#304;sus Xrist'osane tap&#351;urbi. 18Buxa&#269;u&#287;o &#351;uk'k'alen sal sa v&#601;d&#601; tene ak'e, ama Bavay t'&#466;&#287;&#466;l bakala t&#601;k sa &#286;aren Buxa&#269;u&#287;o yax &#231;alxesedi.</div><div class="s">&#304;oan Xrist'os tene</div><div class="r">(Mat'. 3:1-12; Mrk'. 1:1-8; Luk'. 3:1-18)</div><div class="p"> 19&#304;udeyxoy kalat'o&#287;on &#304;oanaxun "hun &#351;unu?" pi xavar haq'seynak' Yerusalimaxun b&#283;yin&#353;xo q'a levi&#287;o &#351;ot'ay t'&#466;&#287;&#466;lt'un yaq'abi. T'e v&#601;d&#601; &#304;oanen &#351;ahidlu&#287;bi 20d&#252;z&#601; pi c'ap'tenebi, &#351;ot'in qay pine: &#171;Zu Xrist'os tezu&#187;. 21&#350;ot'o&#287;on &#304;oanaxun xavart'un haq'i: &#171;P'oy hun &#351;unu? &#304;lyanu?&#187; &#304;oanen "t&#601;&#601;, &#351;o tezu" pine. T'e v&#601;d&#601; &#351;ot'o&#287;on xavart'un haq'i: &#171;B&#601;rk&#601; yan yaq'b&#283;&#287;ala xavare&#231;alnu?&#187; &#304;oanen "t&#601;&#601;" co&#287;abe tadi. #1:21 K'an. 18:15,18; Mal. 4:5 22&#350;ot'oxun saal xavart'un haq'i: &#171;P'oy hun &#351;unu? Yax yaq'abit'o&#287;o k'&#601; co&#287;ab taden? Vi barada k'&#601;n pes bakon?&#187; 23&#304;oanen &#304;saya xavare&#231;ali pi &#601;yitmo&#287;one co&#287;ab tadi:</div><div class="q">&#171;"Q'on&#269;u&#287;oy yaq'a d&#252;zbanan" pi</div><div class="q">ams'i o&#231;&#780;ala bayanbalt'ay s&#601;szu&#187;. #1:23 &#304;sa. 40:3</div><div class="p"> 24T'e v&#601;d&#601; b&#601;zi yaq'abaki fariseyxon 25&#304;oanaxun xavart'un haq'i: &#171;P'oy hun Xrist'os, &#304;lya n&#601;&#601;l yan yaq'b&#283;&#287;ala xavare&#231;al tenusa, het'aynak'en xena badi k'unuk'bsa?&#187; 26&#304;oanen &#351;ot'o&#287;o co&#287;abe tadi: &#171;Zu xenenez k'unuk'bsa, ama ef arane v&#601;&#780;n nu &#231;alxala sa Tano. 27&#350;o zaxun o&#351;a e&#287;ale. Zu &#350;ot'ay sal torok'ali ba&#287;a &#351;adbsunal tez lafst'a&#187;.</div><div class="p"> 28Me &#601;&#351;urxo &#304;ordan oqe t'e so&#287;o t&#601;r&#601;f - Bet'anyina, &#304;oanen xena badi k'unuk'bala galane bakey.</div><div class="s">K'unuk'bal &#304;oani &#351;ahidlu&#287;bsun</div><div class="p"> 29&#399;yc'ind&#601;ri &#304;oanen &#304;susi &#351;ot'ay t'&#466;&#287;&#466;l eysuna ak'i pine: &#171;D&#252;ny&#601;ni g&#252;naxa &#304;z loxol ext'ala Buxa&#269;u&#287;oy Q'uzi mone! 30"Zaxun o&#351;a E&#287;alo zaxun &#252;st&#252;ne, &#351;ot'aynak' ki, zaxun b&#283;&#353; buney" pi &#304;z barada bez exl&#601;t'p'i Amdar mone. 31Zu &#350;ot'o tez &#231;alxsay, ama &#350;ot'o &#304;sraila &#231;alxest'eynak'ez xenen k'unuk'bsa hari&#187;. 32&#304;oanen &#351;ahidlu&#287;bi pine: &#171;Azk'i ki, Uruf g&#246;ynuxun g&#246;y&#601;r&#231;in k'in&#601;k' &#347;iri &#350;ot'ay loxole &#231;urpi. 33Zu &#350;ot'o tez &#231;alxsay, ama xenen k'unuk'bseynak' za Yaq'abit'in &#304;&#231;in za peney: "Uruf &#351;i loxol &#347;iri manst'una ak'ayin, &#463;vel Urufen k'unuk'balo #1:33 &#463;vel Urufen k'unuk'balo - y&#601;ni &#463;vel Urufen amdarxoy &#252;k'&#601; t&#601;mizbalo &#350;one". 34Zuval mot'o ak'i &#351;ahidlu&#287;ezbsa ki, "Buxa&#269;u&#287;oy &#286;ar mone"&#187;.</div><div class="s">&#304;susi samci &#351;agirdxo</div><div class="p"> 35&#399;yc'ind&#601;ri &#304;oan iz &#351;agirdxoxun p'&#466;&#287;&#466; iz t'&#466;&#287;&#466;l p'urum t'et'iya &#231;urpeney. 36&#350;ot'in i&#231;o&#287;oy t'&#466;&#287;&#466;lxun c'ovakala &#304;susa ak'i pine: &#171;B&#283;&#287;anan, Buxa&#269;u&#287;oy Q'uzi mone!&#187;</div><div class="p"> 37Me p'&#601;&#780; &#351;agirdal &#351;ot'ay &#601;yit&#601; ibaki &#304;susi ba&#269;'anexunt'un ta&#347;i. 38&#304;susen f&#305;r&#305;pi &#304;z ba&#269;'anexun e&#287;alt'o&#287;o ak'i &#351;ot'o&#287;o pine: &#171;V&#601;&#780;x k'&#601; laz&#305;m?&#187; &#350;ot'o&#287;on &#304;susa pit'un: &#171;Ravvi, Hun mayan manst'a?&#187; ("Ravvi" "M&#601;&#601;lim" upsune.) 39&#304;susen &#351;ot'o&#287;o pine: &#171;Zaxun ekinan, ak'alnan&#187;. &#350;oroxal ta&#347;i &#304;susi maya manst'una at'unk'i, t'e &#287;i vis'imci saadal &#347;irik'al #1:39 Vis'imci saadey - h&#601;ys&#601;t'in v&#601;dine berez&#601;re saadin bip'. &#350;ot'oxunt'un baki.</div><div class="p"> 40&#304;oanaxun ibaki &#304;susi ba&#269;'anexun ta&#347;i p'&#601;&#780; tanaxun so&#287;o Simon P'et'eri vi&#231;i Andreyey. 41&#350;ot'in s&#252;ft'&#601; ta&#347;i iz vi&#231;i Simona b&#601;&#780;&#287;&#601;&#780;bi &#351;ot'o pine: &#171;Yan Xrist'osa b&#601;&#780;&#287;&#601;&#780;yanbi!&#187; ("Xrist'os" "l&#601;&#780;&#601;&#780;me&#347;i, y&#601;ni c'&#601;k'e&#347;i amdar" upsune.) 42Andreyen &#351;ot'o &#304;susi t'&#466;&#287;&#466;le ta&#351;eri. &#304;susen Simoni loxol b&#283;&#287;i pine: &#171;Hun &#304;oani &#287;ar Simonnu, ama K'efa k'ale&#287;alnu&#187;. (K'efa is&#601; grek'i muzin P'et'er, y&#601;ni &#496;e upsune.)</div><div class="p"> 43&#399;yc'ind&#601;ri &#304;sus Galileyina taysune &#231;ure&#347;i. &#350;ot'in Filip'a b&#601;&#780;&#287;&#601;&#780;bi &#351;ot'o pine: &#171;Bezi ba&#269;'anexun eki&#187;. 44Filip'al, Andrey q'a P'et'er k'in&#601;k' Bet'sayda &#351;&#601;h&#601;rexuney.</div><div class="p"> 45Filip'en Nat'anaila b&#601;&#780;&#287;&#601;&#780;bi &#351;ot'o pine: &#171;Moiseyi k'anuna &#347;ame&#347;i, xavare&#231;alxonal pi Amdara b&#601;&#780;&#287;&#601;&#780;yanbi. Mo nazaret'lu &#304;osifi &#287;ar &#304;suse&#187;. 46Nat'anailen &#351;ot'o pine: &#171;Nazaret'axun &#351;aat' sa &#351;ey c'ene&#287;on ki?&#187; Filip'en is&#601; "eki, hunc&#601; ak'alnu" pine.</div><div class="p"> 47&#304;susen Nat'anaili &#304;&#231;u&#231; eysuna ak'i &#351;ot'ay barada met&#601;re pi: &#171;Mo iz &#252;k'e bic'lu&#287; nu bakala &#601;sil sa israillune&#187;. 48Nat'anailen "Hun za k'&#601;n &#231;alxsa?" pi &#350;ot'oxun xavare haq'i. &#304;susen &#351;ot'o co&#287;abe tadi: &#171;Filip'en va k'alk'alt'uxun b&#283;&#353; va inciln&#601; xodin oq'a ak'ezuy&#187;. 49Nat'anailen &#350;ot'o pine: &#171;Ravvi, Buxa&#269;u&#287;oy &#286;ar Hunnu, &#304;sraili pad&#231;a&#287; Hunnu!&#187; 50&#304;susen pine: &#171;Bezi va inciln&#601; xodin oq'a azki upsuna g&#246;r&#601;n Za v&#283; baki? Hun kot'oxunal kala &#351;eyurxo ak'alnu&#187;. 51O&#351;a p'urum &#351;ot'o pine: &#171;Serina, serinaz v&#601;&#780;x nex: g&#246;ye qayesuna saal Buxa&#269;u&#287;oy angelxo Amdari &#286;are t'&#466;&#287;&#466;l la&#347;i-&#347;iysuna ak'alnan&#187;. #1:51 Burq. 28:12</div>
 </div>
 </div>
</div>

Burqesunast'a Əyit buney. Əyit Buxačuğoxun sagalaney, Əyit Buxačuxey. Şo burqesunast'a Buxačuğoxun sagalaney. Hər şeya Şot'ine yaratmişi, yaranmişaki şeyurxoxun sal soğo Şosuz tene yaranmişaki. Şo yəşəyinşi orayiney, me yəşəyinşal amdarxoy işiğey. İşiğen bayinq'luğa s'alest'a, bayinq'luğen şot'o bəc'ürpes tene baki.
Buxačuğoy tərəfəxun yaq'abaki sa amdare hari, şot'ay s'i İoaney. Şo şahidluğbseynak'e harey ki, işiği barada şahidluğbane, bütüm amdarxonal me şahidluğa ibaki vě bakat'un. Şo iç işiğ teney, ama işiği barada şahidluğbseynak'e harey.
T'e işiğ seri işiğey, şo dünyəne harit'oğoy hər sunt'u işiğlune bsay. Şo dünyəneney, dünyənə Şot'ine yaratmişi, ama dünyənen Şot'o tene çalxi. Şo İzt'oğoy t'ǒğǒle hari, ama İzt'oğon İçu tet'un q'abulbi. Ama Şot'in İçu q'abulbi İz s'iya věbakit'oğo bitova Buxačuğoy əylux baksuni ext'iyəre tadi. Şorox nə sa amdari əsiləxun, nə bədəni nəəl insani çuresunen tet'un baki, ama Buxačuğoxunt'un baki.
Əyit Amdar baki beş aranene yəşəyinşi. Yan Şot'ay kalaluğa q'a zora ayank'i. Şot'in mot'oğo İz Bavaxun Şot'ay tək sa Ğar baksunene haq'i. İzi eysunen Şot'in yax ük' bok'osbsuni q'a het'ay seri baksunane ak'est'i.
İoanen Şot'ay barada şahidluğbi ost'aar pine: «"Zaxun oşa Eğalo zaxun üstüne, şot'aynak' ki, zaxun běš buney" pi, İz barada bez exlət'p'i Amdar mone». Yan bitot'in Şot'ay bakalt'uxun hayanq'i, Şot'in İz ük' bok'osbsunen yax bol xeyir-bərəkəte tadi. Buxačuğon İz k'anuna Moiseyaxune avabakest'i, ük' bok'osbsuna q'a seri bakala yaq'a ak'est'una isə İsus Xrist'osane tapşurbi. Buxačuğo şuk'k'alen sal sa vədə tene ak'e, ama Bavay t'ǒğǒl bakala tək sa Ğaren Buxačuğo yax çalxesedi.


İudeyxoy kalat'oğon İoanaxun "hun şunu?" pi xavar haq'seynak' Yerusalimaxun běyinšxo q'a leviğo şot'ay t'ǒğǒlt'un yaq'abi. T'e vədə İoanen şahidluğbi düzə pi c'ap'tenebi, şot'in qay pine: «Zu Xrist'os tezu». Şot'oğon İoanaxun xavart'un haq'i: «P'oy hun şunu? İlyanu?» İoanen "təə, şo tezu" pine. T'e vədə şot'oğon xavart'un haq'i: «Bərkə yan yaq'běğala xavareçalnu?» İoanen "təə" coğabe tadi. Şot'oxun saal xavart'un haq'i: «P'oy hun şunu? Yax yaq'abit'oğo k'ə coğab taden? Vi barada k'ən pes bakon?» İoanen İsaya xavareçali pi əyitmoğone coğab tadi:
«"Q'ončuğoy yaq'a düzbanan" pi
ams'i oç̌ala bayanbalt'ay səszu».
T'e vədə bəzi yaq'abaki fariseyxon İoanaxun xavart'un haq'i: «P'oy hun Xrist'os, İlya nəəl yan yaq'běğala xavareçal tenusa, het'aynak'en xena badi k'unuk'bsa?» İoanen şot'oğo coğabe tadi: «Zu xenenez k'unuk'bsa, ama ef arane və̌n nu çalxala sa Tano. Şo zaxun oşa eğale. Zu Şot'ay sal torok'ali bağa şadbsunal tez lafst'a».
Me əşurxo İordan oqe t'e soğo tərəf - Bet'anyina, İoanen xena badi k'unuk'bala galane bakey.

Əyc'indəri İoanen İsusi şot'ay t'ǒğǒl eysuna ak'i pine: «Dünyəni günaxa İz loxol ext'ala Buxačuğoy Q'uzi mone! "Zaxun oşa Eğalo zaxun üstüne, şot'aynak' ki, zaxun běš buney" pi İz barada bez exlət'p'i Amdar mone. Zu Şot'o tez çalxsay, ama Şot'o İsraila çalxest'eynak'ez xenen k'unuk'bsa hari». İoanen şahidluğbi pine: «Azk'i ki, Uruf göynuxun göyərçin k'inək' śiri Şot'ay loxole çurpi. Zu Şot'o tez çalxsay, ama xenen k'unuk'bseynak' za Yaq'abit'in İçin za peney: "Uruf şi loxol śiri manst'una ak'ayin, Ǐvel Urufen k'unuk'balo Şone". Zuval mot'o ak'i şahidluğezbsa ki, "Buxačuğoy Ğar mone"».

Əyc'indəri İoan iz şagirdxoxun p'ǒğǒ iz t'ǒğǒl p'urum t'et'iya çurpeney. Şot'in içoğoy t'ǒğǒlxun c'ovakala İsusa ak'i pine: «Běğanan, Buxačuğoy Q'uzi mone!»
Me p'ə̌ şagirdal şot'ay əyitə ibaki İsusi bač'anexunt'un taśi. İsusen fırıpi İz bač'anexun eğalt'oğo ak'i şot'oğo pine: «Və̌x k'ə lazım?» Şot'oğon İsusa pit'un: «Ravvi, Hun mayan manst'a?» ("Ravvi" "Məəlim" upsune.) İsusen şot'oğo pine: «Zaxun ekinan, ak'alnan». Şoroxal taśi İsusi maya manst'una at'unk'i, t'e ği vis'imci saadal śirik'al Şot'oxunt'un baki.
İoanaxun ibaki İsusi bač'anexun taśi p'ə̌ tanaxun soğo Simon P'et'eri viçi Andreyey. Şot'in süft'ə taśi iz viçi Simona bə̌ğə̌bi şot'o pine: «Yan Xrist'osa bə̌ğə̌yanbi!» ("Xrist'os" "lə̌ə̌meśi, yəni c'ək'eśi amdar" upsune.) Andreyen şot'o İsusi t'ǒğǒle taşeri. İsusen Simoni loxol běği pine: «Hun İoani ğar Simonnu, ama K'efa k'aleğalnu». (K'efa isə grek'i muzin P'et'er, yəni ǰe upsune.)
Əyc'indəri İsus Galileyina taysune çureśi. Şot'in Filip'a bə̌ğə̌bi şot'o pine: «Bezi bač'anexun eki». Filip'al, Andrey q'a P'et'er k'inək' Bet'sayda şəhərexuney.
Filip'en Nat'anaila bə̌ğə̌bi şot'o pine: «Moiseyi k'anuna śameśi, xavareçalxonal pi Amdara bə̌ğə̌yanbi. Mo nazaret'lu İosifi ğar İsuse». Nat'anailen şot'o pine: «Nazaret'axun şaat' sa şey c'eneğon ki?» Filip'en isə "eki, huncə ak'alnu" pine.
İsusen Nat'anaili İçuç eysuna ak'i şot'ay barada metəre pi: «Mo iz ük'e bic'luğ nu bakala əsil sa israillune». Nat'anailen "Hun za k'ən çalxsa?" pi Şot'oxun xavare haq'i. İsusen şot'o coğabe tadi: «Filip'en va k'alk'alt'uxun běš va incilnə xodin oq'a ak'ezuy». Nat'anailen Şot'o pine: «Ravvi, Buxačuğoy Ğar Hunnu, İsraili padçağ Hunnu!» İsusen pine: «Bezi va incilnə xodin oq'a azki upsuna görən Za vě baki? Hun kot'oxunal kala şeyurxo ak'alnu». Oşa p'urum şot'o pine: «Serina, serinaz və̌x nex: göye qayesuna saal Buxačuğoy angelxo Amdari Ğare t'ǒğǒl laśi-śiysuna ak'alnan».

Lalela İoan 1