Manadonese Malay - 2017 LAI (NT) no drama

Manadonese Malay - 2017 LAI (NT) drama

<div class="version vid2749 iso6393xmm" data-vid="2749" data-iso6393="xmm">
 <div class="book bkJHN">
 <div class="chapter ch10" data-usfm="JHN.10">
 <div class="label">10</div><div class="s">Prumpamaan tentang Gembala yang pangbae</div><div class="p"> 1Yesus babicara pake prumpamaan, &#8220;Kita bilang pa ngoni: sapa jo yang maso ka kandang domba, kalu dia nyanda lewat pintu mar cuma da balumpa lewat pagar, tu orang itu papancuri deng prampok. 2Mar sapa jo yang maso lewat pintu, tu orang itu no tu domba-domba pe gembala. 3Kong kalu tu gembala mo maso kandang, tu orang yang jaga pintu buka akang tu pintu for tu gembala. Tu domba-domba kanal pa tu gembala pe suara, kong tu gembala pangge masing-masing tu dia pe domba-domba pe nama, trus bawa pa dorang kaluar. 4Kalu samua tu dia pe domba so kaluar, dia bajalang di muka tu domba-domba itu kong dorang iko pa dia lantaran dorang kanal tu de pe suara. 5Mar kalu orang laeng, pasti dorang nyanda mo iko pa dia, malatare dorang mo lari lantaran dorang nyanda kanal tu orang laeng itu pe suara.&#8221;</div><div class="p"> 6Yesus da bilang tu prumpamaan ini pa tu orang-orang dari golongan Farisi itu, mar dorang nyanda mangarti apa tu Dia pe maksut da bilang itu pa dorang.</div><div class="p"> 7So itu, Yesus babilang lei, &#8220;Kita bilang pa ngoni, Kita ini pintu for tu domba-domba. 8Samua orang yang datang seblum Kita kong mangaku gembala, dorang itu papancuri deng prampok, mar tu domba-domba itu nyanda badengar pa dorang. 9#Mzm. 118:20Kita ini pintu. Jadi sapa jo yang datang lewat Kita, dia itu mo slamat. Dia itu bole mo se sama deng domba yang maso kaluar pintu kandang for dapa makanan. 10Papancuri datang cuma for bapancuri, babunung deng se ancor orang pe hidop. Mar Kita datang supaya orang bole butul-butul hidop, kong tu hidop itu punung deng berkat.</div><div class="p"> 11Kita ini gembala yang bae. Tu gembala yang bae kase tu dia pe nyawa supaya tu de pe domba-domba bole hidop. 12Mar tu orang yang bukang tu domba-domba pe tuang, tu cuma da dapa bayar for jaga tu domba-domba, tu orang itu mo lari kase tinggal tu domba-domba itu kalu dia lia srigala datang. Dia lari kase tinggal tu domba-domba itu sampe tu srigala bole srang kong beking tu domba-domba lari tafiaro. 13Tu orang itu lari lantaran dia karja cuma for dapa doi kong nimau mo tarukira tu domba-domba itu.</div><div class="p"> 14Kita ini gembala yang bae. Kita kanal tu Kita pe domba-domba kong tu Kita pe domba-domba lei kanal pa Kita, 15#Mat. 11:27; Luk. 10:22; Yoh. 3:35itu sama deng Bapa kanal pa Kita deng Kita lei kanal pa Bapa, kong Kita kase Kita pe nyawa supaya tu Kita pe domba-domba bole hidop. 16Mar Kita lei ada domba-domba laeng tu bukang dari ni kandang, tu domba-domba itu musti Kita tuntun lei kong dorang mo dengar tu Kita pe suara. Dorang itu mo jadi satu klompo deng tu domba-domba yang ada di kandang ini, kong dorang samua itu cuma ada satu gembala.</div><div class="p"> 17Bapa sayang pa Kita lantaran Kita kase tu Kita pe nyawa supaya Kita bole mo dapa ulang itu. 18Nyanda ada orang yang bole mo ambe tu Kita pe nyawa dari pa Kita, mar Kita mo kase itu iko Kita pe mau sandiri. Kita ada kuasa mo kase tu Kita pe nyawa, deng Kita lei ada kuasa for mo ambe ulang itu. Itu no tu prenta yang Kita da trima dari Kita pe Bapa.&#8221;</div><div class="p"> 19Pe dengar Yesus bilang bagitu, tu orang-orang Yahudi baku ambe pendapat. Banya di antara pa dorang yang bilang, 20&#8220;Kiapa ngoni badengar pa Dia? Dia itu da kemasukan setang, so itu Dia jadi gila.&#8221;</div><div class="p"> 21Mar tu laeng babilang, &#8220;Itu bukang kata-kata dari orang yang da kemasukan setang. Kalu orang da kemasukan setang, dia nimbole beking orang buta bole mo balia.&#8221;</div><div class="s">Pemimpin-pemimpin agama Yahudi nyanda trima pa Tuhan</div><div class="p"> 22Waktu itu, so nyanda lama lei tu orang-orang Yahudi mo rayakan tu dorang pe hari raya for mo pringati waktu tu Ruma Ibada Pusat da resmikan di Yerusalem. Kong waktu itu, oras dingin. 23Yesus babajalang di kompleks Ruma Ibada Pusat, di place Salomo. 24Kong tu orang-orang Yahudi bakrumun pa Dia trus babilang, &#8220;Brapa lama lei Guru mo se biar torang jadi ragu-ragu bagini? Kalu Guru ini memang Mesias, tu Raja yang mo se slamat pa manusia, bilang jo dang trus trang pa torang.&#8221;</div><div class="p"> 25Yesus manyao pa dorang, &#8220;Kita so bilang itu pa ngoni, mar ngoni nyanda percaya. Tu samua yang Kita da beking itu pake Tuhan Allah pe kuasa, itu no yang kase tunjung deng jelas tentang sapa Kita. 26Mar ngoni nyanda percaya lantaran ngoni bukang Kita pe orang-orang, itu sama deng domba-domba yang bukang tu gembala punya. 27Kita pe domba-domba kanal tu Kita pe suara, kong dorang iko pa Kita. Kita lei kanal pa dorang. 28Kong Kita kase hidop kekal pa dorang deng dorang pasti nyanda mo binasa, kong nyanda ada satu orang yang mo rampas dorang dari pa Kita. 29Kita pe Bapa yang da kase dorang pa Kita, Dia pe kuasa lebe basar dari samua. Nyanda ada satu orang yang bole mo rampas dorang dari pa Kita pe Bapa pe tangan. 30Kita deng Bapa itu satu.&#8221;</div><div class="p"> 31Pe dengar tu Yesus da bilang, tu orang-orang Yahudi ambe batu for mo lempar pa Dia. 32Yesus bilang pa dorang, &#8220;Ngoni so banya lia tu Kita da beking yang pe bagus itu, itu samua Kita pe Bapa da suru pa Kita beking for ngoni lia. Kong dari samua tu Kita da beking itu, tu mana yang beking sampe ngoni mo lempar batu pa Kita?&#8221;</div><div class="p"> 33 # 
 Im. 24:16
 Tu orang-orang Yahudi manyao, &#8220;Torang mo lempar batu pa Ngana bukang lantaran satu dari tu Ngana da beking yang pe bagus itu, mar lantaran Ngana da bahojat pa Tuhan Allah deng cara Ngana beking Ngana pe diri sama deng Tuhan Allah, padahal Ngana ini cuma manusia.&#8221;</div><div class="p"> 34Yesus manyao pa dorang, &#8220;Di atoran-atoran di kitab Taurat, ada tulis tu Tuhan da bilang dulu, &#8216;Kita bilang, ngoni sama deng allah&#8217;.#10:34 Di Mzm. 82, Tuhan Allah pangge tu pemimpin-pemimpin dari Dia pe orang-orang itu &#8216;allah&#8217;, lantaran Dia pili pa dorang jadi Dia pe wakil di dunia for adili pa Dia pe orang-orang. 35Torang tau kalu apa yang da tulis di atoran-atoran di kitab Taurat itu nimbole mo se batal, jadi kalu Tuhan Allah sandiri da bilang &#8216;allah&#8217; pa tu orang-orang yang da trima tu Dia pe firman itu, 36no kiapa dang ngoni bilang Kita ini so bahojat pa Tuhan Allah waktu Kita bilang Kita ini Anak Allah? Padahal Tuhan Allah tu Bapa, Dia yang da pili deng yang da utus pa Kita datang ka dunia ini. 37Kalu Kita nyanda beking tu Kita pe Bapa da suru, ngoni jang percaya pa Kita. 38Mar Kita ini da beking tu Dia da suru itu, kong ngoni nimau percaya pa Kita. Cuma biar dang ngoni nyanda percaya pa Kita, mar ngoni musti percaya deng tu Kita da beking, itu supaya ngoni bole tau deng mangarti kalu Bapa satu deng Kita kong Kita satu deng Dia.&#8221;</div><div class="p"> 39Abis itu, dorang coba tangka ulang pa Yesus mar Dia lolos dari pa dorang.</div><div class="p"> 40 # 
 Yoh. 1:28
 Kong Yesus pigi lei ka sabla kuala Yordan, ka tampa tu dulu Yohanes ja babaptis akang orang, kong Dia tinggal di situ. 41Banya orang yang datang pa Yesus kong dorang baku bilang, &#8220;Yohanes memang nyanda perna beking mujisat biar lei cuma satu, mar samua yang dia da bilang tentang Yesus ini butul.&#8221; 42Kong banya orang di sana yang jadi percaya pa Yesus.</div>
 </div>
 </div>
</div>

Perjanjian Baru Bahasa Manado @ Lembaga Alkitab Indonesia 2017

Yesus babicara pake prumpamaan, “Kita bilang pa ngoni: sapa jo yang maso ka kandang domba, kalu dia nyanda lewat pintu mar cuma da balumpa lewat pagar, tu orang itu papancuri deng prampok. Mar sapa jo yang maso lewat pintu, tu orang itu no tu domba-domba pe gembala. Kong kalu tu gembala mo maso kandang, tu orang yang jaga pintu buka akang tu pintu for tu gembala. Tu domba-domba kanal pa tu gembala pe suara, kong tu gembala pangge masing-masing tu dia pe domba-domba pe nama, trus bawa pa dorang kaluar. Kalu samua tu dia pe domba so kaluar, dia bajalang di muka tu domba-domba itu kong dorang iko pa dia lantaran dorang kanal tu de pe suara. Mar kalu orang laeng, pasti dorang nyanda mo iko pa dia, malatare dorang mo lari lantaran dorang nyanda kanal tu orang laeng itu pe suara.”
Yesus da bilang tu prumpamaan ini pa tu orang-orang dari golongan Farisi itu, mar dorang nyanda mangarti apa tu Dia pe maksut da bilang itu pa dorang.
So itu, Yesus babilang lei, “Kita bilang pa ngoni, Kita ini pintu for tu domba-domba. Samua orang yang datang seblum Kita kong mangaku gembala, dorang itu papancuri deng prampok, mar tu domba-domba itu nyanda badengar pa dorang. Kita ini pintu. Jadi sapa jo yang datang lewat Kita, dia itu mo slamat. Dia itu bole mo se sama deng domba yang maso kaluar pintu kandang for dapa makanan. Papancuri datang cuma for bapancuri, babunung deng se ancor orang pe hidop. Mar Kita datang supaya orang bole butul-butul hidop, kong tu hidop itu punung deng berkat.
Kita ini gembala yang bae. Tu gembala yang bae kase tu dia pe nyawa supaya tu de pe domba-domba bole hidop. Mar tu orang yang bukang tu domba-domba pe tuang, tu cuma da dapa bayar for jaga tu domba-domba, tu orang itu mo lari kase tinggal tu domba-domba itu kalu dia lia srigala datang. Dia lari kase tinggal tu domba-domba itu sampe tu srigala bole srang kong beking tu domba-domba lari tafiaro. Tu orang itu lari lantaran dia karja cuma for dapa doi kong nimau mo tarukira tu domba-domba itu.
Kita ini gembala yang bae. Kita kanal tu Kita pe domba-domba kong tu Kita pe domba-domba lei kanal pa Kita, itu sama deng Bapa kanal pa Kita deng Kita lei kanal pa Bapa, kong Kita kase Kita pe nyawa supaya tu Kita pe domba-domba bole hidop. Mar Kita lei ada domba-domba laeng tu bukang dari ni kandang, tu domba-domba itu musti Kita tuntun lei kong dorang mo dengar tu Kita pe suara. Dorang itu mo jadi satu klompo deng tu domba-domba yang ada di kandang ini, kong dorang samua itu cuma ada satu gembala.
Bapa sayang pa Kita lantaran Kita kase tu Kita pe nyawa supaya Kita bole mo dapa ulang itu. Nyanda ada orang yang bole mo ambe tu Kita pe nyawa dari pa Kita, mar Kita mo kase itu iko Kita pe mau sandiri. Kita ada kuasa mo kase tu Kita pe nyawa, deng Kita lei ada kuasa for mo ambe ulang itu. Itu no tu prenta yang Kita da trima dari Kita pe Bapa.”
Pe dengar Yesus bilang bagitu, tu orang-orang Yahudi baku ambe pendapat. Banya di antara pa dorang yang bilang, “Kiapa ngoni badengar pa Dia? Dia itu da kemasukan setang, so itu Dia jadi gila.”
Mar tu laeng babilang, “Itu bukang kata-kata dari orang yang da kemasukan setang. Kalu orang da kemasukan setang, dia nimbole beking orang buta bole mo balia.”

Waktu itu, so nyanda lama lei tu orang-orang Yahudi mo rayakan tu dorang pe hari raya for mo pringati waktu tu Ruma Ibada Pusat da resmikan di Yerusalem. Kong waktu itu, oras dingin. Yesus babajalang di kompleks Ruma Ibada Pusat, di place Salomo. Kong tu orang-orang Yahudi bakrumun pa Dia trus babilang, “Brapa lama lei Guru mo se biar torang jadi ragu-ragu bagini? Kalu Guru ini memang Mesias, tu Raja yang mo se slamat pa manusia, bilang jo dang trus trang pa torang.”
Yesus manyao pa dorang, “Kita so bilang itu pa ngoni, mar ngoni nyanda percaya. Tu samua yang Kita da beking itu pake Tuhan Allah pe kuasa, itu no yang kase tunjung deng jelas tentang sapa Kita. Mar ngoni nyanda percaya lantaran ngoni bukang Kita pe orang-orang, itu sama deng domba-domba yang bukang tu gembala punya. Kita pe domba-domba kanal tu Kita pe suara, kong dorang iko pa Kita. Kita lei kanal pa dorang. Kong Kita kase hidop kekal pa dorang deng dorang pasti nyanda mo binasa, kong nyanda ada satu orang yang mo rampas dorang dari pa Kita. Kita pe Bapa yang da kase dorang pa Kita, Dia pe kuasa lebe basar dari samua. Nyanda ada satu orang yang bole mo rampas dorang dari pa Kita pe Bapa pe tangan. Kita deng Bapa itu satu.”
Pe dengar tu Yesus da bilang, tu orang-orang Yahudi ambe batu for mo lempar pa Dia. Yesus bilang pa dorang, “Ngoni so banya lia tu Kita da beking yang pe bagus itu, itu samua Kita pe Bapa da suru pa Kita beking for ngoni lia. Kong dari samua tu Kita da beking itu, tu mana yang beking sampe ngoni mo lempar batu pa Kita?”
Tu orang-orang Yahudi manyao, “Torang mo lempar batu pa Ngana bukang lantaran satu dari tu Ngana da beking yang pe bagus itu, mar lantaran Ngana da bahojat pa Tuhan Allah deng cara Ngana beking Ngana pe diri sama deng Tuhan Allah, padahal Ngana ini cuma manusia.”
Yesus manyao pa dorang, “Di atoran-atoran di kitab Taurat, ada tulis tu Tuhan da bilang dulu, ‘Kita bilang, ngoni sama deng allah’. Torang tau kalu apa yang da tulis di atoran-atoran di kitab Taurat itu nimbole mo se batal, jadi kalu Tuhan Allah sandiri da bilang ‘allah’ pa tu orang-orang yang da trima tu Dia pe firman itu, no kiapa dang ngoni bilang Kita ini so bahojat pa Tuhan Allah waktu Kita bilang Kita ini Anak Allah? Padahal Tuhan Allah tu Bapa, Dia yang da pili deng yang da utus pa Kita datang ka dunia ini. Kalu Kita nyanda beking tu Kita pe Bapa da suru, ngoni jang percaya pa Kita. Mar Kita ini da beking tu Dia da suru itu, kong ngoni nimau percaya pa Kita. Cuma biar dang ngoni nyanda percaya pa Kita, mar ngoni musti percaya deng tu Kita da beking, itu supaya ngoni bole tau deng mangarti kalu Bapa satu deng Kita kong Kita satu deng Dia.”
Abis itu, dorang coba tangka ulang pa Yesus mar Dia lolos dari pa dorang.
Kong Yesus pigi lei ka sabla kuala Yordan, ka tampa tu dulu Yohanes ja babaptis akang orang, kong Dia tinggal di situ. Banya orang yang datang pa Yesus kong dorang baku bilang, “Yohanes memang nyanda perna beking mujisat biar lei cuma satu, mar samua yang dia da bilang tentang Yesus ini butul.” Kong banya orang di sana yang jadi percaya pa Yesus.

Lalela Yohanes 10