Bible Text in Txitxopi© SociedadeBíblica de Moçambique, 1999 Audio recording of the Bible Text ℗ Hosanna, 2018

Txitxopi - 1999 MOZ (NT) Drama

<div class="version vid2848 iso6393cce" data-vid="2848" data-iso6393="cce">
 <div class="book bkLUK">
 <div class="chapter ch14" data-usfm="LUK.14">
 <div class="label">14</div><div class="s">Jesu ngako a txi hanyisa m'thu ngu ditshiku da Sabbata</div><div class="p"> 1Ngu ditshiku da Sabbata, Jesu a to wulela nyumbani ka mmweyo wa vathangeli va Vafarisi, kuya dya sakudya. Se va ti mu wonisisa ta tinene. 2Se a ti ti ho masoni kwakwe m'thu wo lwala ngu txitsamba.#14:2 Txitsamba: Malwati a kusimbela mmidi. 3Se Jesu a to womba ka vagondisi va Mlayo ni ka Vafarisi a txi khene: &#8220;Ina ta tumeleka kuhanyisa ngu ditshiku da Sabbata mwendo kha ti tumeleki kani?&#8221; 4Aniko vona va to malala. Ene a to mteka e mu hanyisa, se e mu tsutisa. 5#Wona ni ka: Mat. 12:11. Se a txi khene kwawe: &#8220;I mani kwanu awu, ngako mwanana wakwe mwendo homu yakwe, si txi wa txisimani ngu ditshiku da Sabbata, asi kuluvetiko ku si humisa ngu ditshiku da Sabbata kani?&#8221; 6Ka toneto va tandekile ku mu xamula.</div><div class="s">Kutshata wukhalo wo gwitisa</div><div class="p"> 7Jesu a to maha txidinganiso txiya ka vale va nga ti rambilwe, ngu kuwona ati va nga txi langisa tona makhalo o thanga, a txi khene kwawe: 8&#8220;Ngako u txi dhanelwa m'buso wa ntekano, u nge ya langa wukhalo wa masoni; a nga thuka a di rambilwe mmwani wa kuxonipheka kupinda awe; 9Awu a nga kuramba awe ni nene, a txi ta a ta kugela ku khene: Khukha ka ewo wukhalo, a na zumba awuwa. Konaho, awe, ngu tingana, u na khukha u txi ya ka wukhalo wo gwitisa. 10Aniko, ngako va txi kudhana, tsula u txi ya khalahatsha ka wukhalo wo gwitisa; se nyamne wa m'ti, a txi ku tela, a nata khene kwako: Mndoni, ngono ngu kheno makhatoni. Kwako eto ti nava i di ta ku kupfalisa masoni ka votshe va va nga rambwa. 11#Wona ni ka: Mat. 23:12; Luk. 18:14. Nguko wuhi ni wuhi a ti kulisako, a na vekwa hahatshi, ani wu a ti vekako hahatshi, a na guletwa.&#8221;</div><div class="p"> 12Msana keto, a ti khene ka wule a nga m'dhana: &#8220;U txi lava kuha vathu m'buso wa kususula mwendo wa kulalela, u nga dhane vandoni vako, mwendo vananu, mwendo maxaka, mwendo vaakelani, vanyatithombe va nga thuka ni vona va txi kutshumetela ngu so fana ni soneso. 13Aniko, ngako u txi maha m'buso, dhana sisiwana, silima, sidiya ni mabhofu; 14Eho u na va u di katekile, nguko evo kha va na so kutshumetela ngu sona. Kambe kuwukani ka valulami u nata tshumetelwa.&#8221;</div><div class="s">Txidinganiso txa m'buso wa hombe</div><div class="r">(Matewu 22:1-10)</div><div class="p"> 15Mmweyo wa vale va nga ti ha sakudyani, ngako a txi pfa timhaketo, a to khene kwakwe: &#8220;A katekile awu a no ya dya sakudya Mfumoni ka Txizimu!&#8221; 16Kambe Jesu a ti khene kwakwe: &#8220;M'thu wokari a mahile m'buso wa hombe, e ramba vathu vavangi. 17Se a to ruma txithumi txakwe ngu txikhati txa m'buso, kuya gela va va nga rambwa, a txi khene: &#8216;Ngonani, silo sotshe si longisilwe.&#8217; 18Kambe va lambile votshe ngu diganda. Awu wo khata a ti khene kwakwe: &#8216;Ni xavile thembwe, se ni lava kuya yi wona; na ku kombela ti to u txi ya ni kombelela divalelo.&#8217; 19Mmwanyani a txi khene: &#8216;Ni xavile digumi da tikavi, se ni lava kuya ti duketa, na ku kombela u txi ya ni kombelela divalelo.&#8217; 20Mmwanyani a txi khene: &#8216;Ni tekile msikati, ngu toneto, kha ni na kuya.&#8217; 21Txithumi txi to tshumela txi ya zivisa mkoma wa txona timhaketo. Se nyamne wa m'ti a to henya, a txi gela txithumi txakwe, a txi khene: &#8216;Kuluveta u txi ya mitendelani ni maphangoni ka didhoropa, u txi tisa kheno sikulungu ni silima ni mabhofu ni va vo khwita.&#8217; 22Se txithumi txi txi kha txona: &#8216;Mkoma, ati u nga ruma ti mahilwe, kambe wukhalo wu ngadi ho.&#8217; 23Se nyamne wa m'ti a txi khene ka txithumi: &#8216;Tsula tinzilani ni tibhiyoni, u txi kurumeta vathu kuwulela, nyumba yangu yi za yi tala. 24Nguko na mi gela ku khani: Ni mmweyo wa va va nga rambwa kha na mbi danza txilalelo txangu.&#8217; &#8221;</div><div class="s">Kuleka sotshe ni kulondisa Jesu</div><div class="r">(Matewu 10:37-38; 5:13; Marku 9:50)</div><div class="p"> 25Mabutho a hombe ma ti londetela Jesu, se ene a to va rendekela a txi khene kwawe: 26&#8220;Ngako m'thu a txi ta kwangu, na asi vengeli tate wakwe, mame wakwe, msikati wakwe, vanana vakwe, vanawe va mazambi, tindiyakwe, hambi ni wutomi wakwe, kha sikoti kumaha mgondiswa wangu. 27#Wona ni ka: Mat. 10:38; 16:24; Mar. 8:34; Luk. 9:23. Awu asi rwaliko txihambano txakwe, a txi ni londisa, kha sikoti kumaha mgondiswa wangu. 28Ngu toneto, i mani kwanu, awu a lavako kuaka txitezi txa kudingilila ka txona, asi thangiko ngu kukhalahatsha a txi bala mtengo wa si si lavekako, a txi wonisisa ti to mwendo si nga eneta mthumo, kani? 29Kasiku, ngako a di khatile kuaka, a txi tandeka kuheta, va si thuki va txi khata ku mu seka votshe va va no ti wona, 30va txi kha vona: &#8216;Mamoyo a khatile kuaka, aniko a tandekile kuheta!&#8217; &#8221;</div><div class="p"> 31&#8220;Niku mwendo ngu wuhi mfumeli, awu a xomako ku yalwa ni mmwani mfumeli, asi thangiko ngu kukhalahatsha e wonisisa tito, a di ni 10.000 wa masotxhwa, a nga sikota ku yalwa ni wule a tako a di ni 20.000 kani? 32Ku ti ngako a txi ti wona ti to kha ti dingani, wa tutumela kurumela mtumi, mmwani mfumeli a di ngadi kule, kasi kuya kombela tinzila ta kudikha. 33Ina-ko, ngu toneto, wuhi ni wuhi kwanu, asi tumeliko kuleka sotshe si a ku naso, kha na kumaha m'gondiswa wangu.&#8221;</div><div class="s">Mnyu wo phwamwa</div><div class="r">(Matewu 5:13; Marku 9:50)</div><div class="p"> 34&#8220;Mnyu njilo txi txi tshambako, kambe ngako m'nyu wu txi phwamwa, wu nga lungwa ngu txani wona kani? 35Kha wu nga ngadi wu vhuna txilo, hambi i di kuphinduka wu maha mafu, hambi kumaha sa kunonisa; aniko wa theketwa hahanze. Awu a ku ni tinzeve ta kuengisa a na engise.&#8221;</div>
 </div>
 </div>
</div>

A Bíblia em Txitxopi © Bible Society in Mozambique, 2016.

Ngu ditshiku da Sabbata, Jesu a to wulela nyumbani ka mmweyo wa vathangeli va Vafarisi, kuya dya sakudya. Se va ti mu wonisisa ta tinene. Se a ti ti ho masoni kwakwe m'thu wo lwala ngu txitsamba. Se Jesu a to womba ka vagondisi va Mlayo ni ka Vafarisi a txi khene: “Ina ta tumeleka kuhanyisa ngu ditshiku da Sabbata mwendo kha ti tumeleki kani?” Aniko vona va to malala. Ene a to mteka e mu hanyisa, se e mu tsutisa. Se a txi khene kwawe: “I mani kwanu awu, ngako mwanana wakwe mwendo homu yakwe, si txi wa txisimani ngu ditshiku da Sabbata, asi kuluvetiko ku si humisa ngu ditshiku da Sabbata kani?” Ka toneto va tandekile ku mu xamula.

Jesu a to maha txidinganiso txiya ka vale va nga ti rambilwe, ngu kuwona ati va nga txi langisa tona makhalo o thanga, a txi khene kwawe: “Ngako u txi dhanelwa m'buso wa ntekano, u nge ya langa wukhalo wa masoni; a nga thuka a di rambilwe mmwani wa kuxonipheka kupinda awe; Awu a nga kuramba awe ni nene, a txi ta a ta kugela ku khene: Khukha ka ewo wukhalo, a na zumba awuwa. Konaho, awe, ngu tingana, u na khukha u txi ya ka wukhalo wo gwitisa. Aniko, ngako va txi kudhana, tsula u txi ya khalahatsha ka wukhalo wo gwitisa; se nyamne wa m'ti, a txi ku tela, a nata khene kwako: Mndoni, ngono ngu kheno makhatoni. Kwako eto ti nava i di ta ku kupfalisa masoni ka votshe va va nga rambwa. Nguko wuhi ni wuhi a ti kulisako, a na vekwa hahatshi, ani wu a ti vekako hahatshi, a na guletwa.”
Msana keto, a ti khene ka wule a nga m'dhana: “U txi lava kuha vathu m'buso wa kususula mwendo wa kulalela, u nga dhane vandoni vako, mwendo vananu, mwendo maxaka, mwendo vaakelani, vanyatithombe va nga thuka ni vona va txi kutshumetela ngu so fana ni soneso. Aniko, ngako u txi maha m'buso, dhana sisiwana, silima, sidiya ni mabhofu; Eho u na va u di katekile, nguko evo kha va na so kutshumetela ngu sona. Kambe kuwukani ka valulami u nata tshumetelwa.”


Mmweyo wa vale va nga ti ha sakudyani, ngako a txi pfa timhaketo, a to khene kwakwe: “A katekile awu a no ya dya sakudya Mfumoni ka Txizimu!” Kambe Jesu a ti khene kwakwe: “M'thu wokari a mahile m'buso wa hombe, e ramba vathu vavangi. Se a to ruma txithumi txakwe ngu txikhati txa m'buso, kuya gela va va nga rambwa, a txi khene: ‘Ngonani, silo sotshe si longisilwe.’ Kambe va lambile votshe ngu diganda. Awu wo khata a ti khene kwakwe: ‘Ni xavile thembwe, se ni lava kuya yi wona; na ku kombela ti to u txi ya ni kombelela divalelo.’ Mmwanyani a txi khene: ‘Ni xavile digumi da tikavi, se ni lava kuya ti duketa, na ku kombela u txi ya ni kombelela divalelo.’ Mmwanyani a txi khene: ‘Ni tekile msikati, ngu toneto, kha ni na kuya.’ Txithumi txi to tshumela txi ya zivisa mkoma wa txona timhaketo. Se nyamne wa m'ti a to henya, a txi gela txithumi txakwe, a txi khene: ‘Kuluveta u txi ya mitendelani ni maphangoni ka didhoropa, u txi tisa kheno sikulungu ni silima ni mabhofu ni va vo khwita.’ Se txithumi txi txi kha txona: ‘Mkoma, ati u nga ruma ti mahilwe, kambe wukhalo wu ngadi ho.’ Se nyamne wa m'ti a txi khene ka txithumi: ‘Tsula tinzilani ni tibhiyoni, u txi kurumeta vathu kuwulela, nyumba yangu yi za yi tala. Nguko na mi gela ku khani: Ni mmweyo wa va va nga rambwa kha na mbi danza txilalelo txangu.’ ”


Mabutho a hombe ma ti londetela Jesu, se ene a to va rendekela a txi khene kwawe: “Ngako m'thu a txi ta kwangu, na asi vengeli tate wakwe, mame wakwe, msikati wakwe, vanana vakwe, vanawe va mazambi, tindiyakwe, hambi ni wutomi wakwe, kha sikoti kumaha mgondiswa wangu. Awu asi rwaliko txihambano txakwe, a txi ni londisa, kha sikoti kumaha mgondiswa wangu. Ngu toneto, i mani kwanu, awu a lavako kuaka txitezi txa kudingilila ka txona, asi thangiko ngu kukhalahatsha a txi bala mtengo wa si si lavekako, a txi wonisisa ti to mwendo si nga eneta mthumo, kani? Kasiku, ngako a di khatile kuaka, a txi tandeka kuheta, va si thuki va txi khata ku mu seka votshe va va no ti wona, va txi kha vona: ‘Mamoyo a khatile kuaka, aniko a tandekile kuheta!’ ”
“Niku mwendo ngu wuhi mfumeli, awu a xomako ku yalwa ni mmwani mfumeli, asi thangiko ngu kukhalahatsha e wonisisa tito, a di ni 10.000 wa masotxhwa, a nga sikota ku yalwa ni wule a tako a di ni 20.000 kani? Ku ti ngako a txi ti wona ti to kha ti dingani, wa tutumela kurumela mtumi, mmwani mfumeli a di ngadi kule, kasi kuya kombela tinzila ta kudikha. Ina-ko, ngu toneto, wuhi ni wuhi kwanu, asi tumeliko kuleka sotshe si a ku naso, kha na kumaha m'gondiswa wangu.”


“Mnyu njilo txi txi tshambako, kambe ngako m'nyu wu txi phwamwa, wu nga lungwa ngu txani wona kani? Kha wu nga ngadi wu vhuna txilo, hambi i di kuphinduka wu maha mafu, hambi kumaha sa kunonisa; aniko wa theketwa hahanze. Awu a ku ni tinzeve ta kuengisa a na engise.”

Lalela Luka 14