<div class="version vid2879 iso6393nij" data-vid="2879" data-iso6393="nij">
 <div class="book bkLUK">
 <div class="chapter ch23" data-usfm="LUK.23">
 <div class="label">23</div><div class="s">Yesus intu taharep Pilatus</div><div class="r">(Mat. 27:1-2, 11-14; Mrk. 15:1-5; Yoh. 18:28-38)</div><div class="p"> 1Kakare oloh hong sidang te uras mendeng, palus mimbit Yesus akan taharep Pilatus. 2Intu hete ewen manampara mandawa Ie. Ewen hamauh, &#8220;Ikei dinon oloh toh mampalayang rakyat. Ie manantiring oloh mangat ela mambayar pajak akan Kaisar, awi koae, ie toh Kristus, ije biti Raja.&#8221;</div><div class="p"> 3Palus Pilatus misek dengan Yesus, &#8220;En toto Ikau rajan oloh Yehudi?&#8221;</div><div class="p">Yesus tombah, &#8220;Kalote koam.&#8221;</div><div class="p"> 4Maka koan Pilatus dengan kare imam kapala tuntang kare oloh are te, &#8220;Aku jaton sondau kasalan huang oloh toh uka tau mahukum Ie.&#8221;</div><div class="p"> 5Tapi ewen sasar manjuju auhe tinai, &#8220;Dengan kare auh ajare, Ie manantiring oloh hapus tanah Yuda; nampara solake hong Galilea, tuntang toh jari sampai tinai akan hetoh.&#8221;</div><div class="s">Yesus intu taharep Herodes</div><div class="p"> 6Katika Pilatus mahining jete, ie misek, &#8220;En oloh toh oloh Galilea?&#8221; 7Limbah insanan je Yesus te asale bara daerah je aton hong penda kuasan Herodes, Pilatus mangirim Yesus manalih Herodes, je metoh te aton kea hong Yerusalem. 8Herodes hanjak toto katika mite Yesus, basa jari tahi ie mahining tahiu Ie tuntang mipen handak mite Ie. Ie maharap tau manyaksi Yesus mawi taloh heran. 9Awi te Herodes mawi are paisek akae, tapi Yesus dia tombah samasinde. 10Kare imam kapala tuntang kare guru agama manaharep kea intu hete tuntang mandawa Yesus paham toto. 11Herodes dengan kare tantara mureh tuntang mahina Yesus palus makaian Ie mahapan pakaian oloh hai, limbah te manyoho Ie haluli manalih Pilatus. 12Hong andau te kea Herodes dengan Pilatus, je katahin helo-helo te hamusoh, palus hasobat tinai.</div><div class="s">Yesus imutus buah hukum matei</div><div class="r">(Mat. 27:15-26; Mrk. 15:6-15; Yoh. 18:39&#8211;19:16)</div><div class="p"> 13Pilatus mamumpong kare imam kapala, kare pamimpin tuntang rakyat, 14palus hamauh dengan ewen, &#8220;Keton mimbit oloh toh manalih Aku tuntang mansanan je Ie toh mampalayang kare oloh. Toh intu taharep keton aku jari mariksa Ie, tapi ije mahin jaton samasinde kapapa je sondau-Ku sama kilau je indawa keton mawi Ie. 15Herodes mahin manirok kalote kea, basa ie jari mangirim Yesus te haluli akan ikei. Oloh toh ije mahin jaton taloh gawie sampai Ie patut ihukum matei. 16Tagal te aku handak mamukul Ie hapan cambuk limbah te malapas Ie.&#8221;</div><div class="p">[ 17Hong gagenep pesta Paska, Pilatus musti maliwus ije tahanan akan rakyat.] 18Kakare oloh je hapumpong intu hete mangkariak, &#8220;Patei Ie! Palapas Barabas akan ikei!&#8221; ( 19Barabas ihukum penjara tagal pambarontakan je manjadi hong lewu tuntang awie mampatei oloh.)</div><div class="p"> 20Pilatus handak maliwus Yesus, tagal te Ie hakotak sinde tinai dengan oloh are te. 21Tapi ewen mangkariak, &#8220;Nyampalaki Ie! Nyampalaki Ie!&#8221;</div><div class="p"> 22Palus hong tingkat je kateloe tinai Pilatus hamauh hai auhe dengan ewen, &#8220;Tapi en kasalae? Ije mahin jaton kasalan je inyondauku huang Ie sampai Ie patut buah hukuman matei! Aku handak mamukul Ie hapan cambuk, palus malapas Ie.&#8221;</div><div class="p"> 23Tapi ewen jua-juan mangkariak sakalepah belaie je Yesus te musti inyampalaki. Tuntang auh kariak ewen te puna bahasil. 24Maka Pilatus mawi hukuman matei buah Yesus sama kilau palakun kare oloh te, 25tuntang maliwus oloh je ilaku ewen, iete oloh je ihukum penjara tagal pambarontakan tuntang awie mampatei oloh. Limbah te ie manyarah Yesus akan ewen mangat ewen mawi Ie sakahandak atei ewen.</div><div class="s">Yesus inyampalaki</div><div class="r">(Mat. 27:32-44; Mrk. 15:21-32; Yoh. 19:17-27)</div><div class="p"> 26Maka ewen palus mimbit Yesus. Hong benteng jalan, ewen hasondau dengan ije biti oloh je bagare Simon, asale bara Kirene, katika te metohe tame lewu. Ewen manawan ie, palus mamaksa ie meton sampalaki te hila likut Yesus.</div><div class="p"> 27Are oloh omba mananjong hila likut Yesus &#8211; bara marak ewen te aton kea kare oloh bawi. Kare oloh bawi te manangis tuntang manatum Yesus. 28Tapi Yesus tampaliau akan hila ewen tuntang hamauh, &#8220;Kare bawin oloh Yerusalem! Ela manangis akangku. Keleh manangis akan arep keton kabuat tuntang akan kare anak keton. 29Basa kareh sampai katikae oloh akan hamauh, &#8216;Lalehan katuah kare oloh bawi je tamanang, je dia puji luas tuntang dia puji mampatuso anak awau!&#8217; 30#Hos. 10:8; Pang. 6:16 Hong katika te oloh kareh hamauh dengan kare bukit, &#8216;Sangkulep ikei!&#8217; Tuntang dengan kare lungkoh, &#8216;Nawon ikei!&#8217; 31Basa amon dengan kayu je magon belom, oloh jari mawi sama kilau toh, mahin hindai ewen mawie dengan kayu je jari matei keang!&#8221;</div><div class="p"> 32Aton tinai due biti oloh beken &#8211; kadadue ewen te oloh papa &#8211; je iimbit ewen mangat ihukum matei haya-hayak dengan Yesus. 33Katika sampai hong eka je bagare &#8220;Bangon Takolok&#8221;, ewen manyampalaki Yesus tuntang kadadue oloh papa te &#8211; ije hila gantau tuntang ije tinai hila sambil Yesus. 34#Mas. 22:19 Palus Yesus balakudoa, &#8220;Bapa, ampun ih ewen! Ewen jaton katawan taloh je iawi ewen.&#8221;</div><div class="p">Pakaian Yesus imbagi intu hete akan sama arep ewen mahapan tenong.#23:34: Huang pire-pire naskah ayat 34 jaton. 35#Mas. 22:8 Kare oloh mendeng intu hete sambil manampayah tuntang metoh te kare pamimpin Yehudi halalea Yesus sambil hamauh, &#8220;Ie jari manyalamat oloh beken; coba toh Ie manyalamat Arepe kabuat, amon Ie puna toto-toto Raja Panyalamat je iintih Hatalla!&#8221;</div><div class="p"> 36 # 
 Mas. 69:22
 Kare prajurit mahin mureh Ie. Ewen dumah tuntang manenga anggor masem Akae 37hayak hamauh, &#8220;Amon Ikau rajan oloh Yehudi, nyalamat Arepm!&#8221;</div><div class="p"> 38Intu hila hunjun sampalakin Yesus, inyurat kare auh kalotoh: &#8220;Jetoh Rajan Oloh Yehudi.&#8221;</div><div class="p"> 39Ije bara oloh papa je inyampalaki hete mahina Yesus. Ie hamauh, &#8220;Ikau Raja Panyalamat kan? Nah, nyalamat Arepm, tuntang ikei!&#8221;</div><div class="p"> 40Tapi oloh papa je beken tinai, maningak kawale te, koae, &#8220;En ikau dia mikeh dengan Hatalla? Ikau sama-sama ihukum matei sama kilau Ie. 41Baya hukuman kue toh patut ih dengan gawin itah. Tapi Ie te samasinde jaton kasalae!&#8221; 42Palus ie hamauh, &#8220;Yesus, ingat aku amon Ikau dumah kilau Raja!&#8221;</div><div class="p"> 43&#8220;Percaya ih,&#8221; koan Yesus dengae, &#8220;Andau toh ikau aton hinje Aku hong Pirdaus.&#8221;</div><div class="s">Yesus matei</div><div class="r">(Mat. 27:45-56; Mrk. 15:33-41; Yoh. 19:28-30)</div><div class="p"> 44Kurang labih pukul due walas bentok andau, matanandau jaton gitan kalawae, tuntang hapus daerah te manjadi kaput toto sampai pukul telo halemei. 45#Eks. 26:31-33 Benang horden je iniring intu Human Tuhan, barabit sila due. 46#Mas. 31:6 Palus Yesus mangkariak hapan kanyangit auh Ayue, &#8220;Bapa! Huang lengen Aim Aku manyarah arep-Ku!&#8221; Limbah hamauh kalote, Ie palus matei.</div><div class="p"> 47Katika komandan pasukan mite kare taloh je jari manjadi, ie manara Hatalla. Palus ie hamauh, &#8220;Toto, ie dia basala!&#8221;</div><div class="p"> 48Oloh are je dumah akan hete mangat mitee, ewen mite taloh je manjadi. Ewen uras buli hayak ateie paham manyasal. 49#Luk. 8:2-3 Tuntang kakare oloh je mangasene Yesus, tatamput kea kare oloh bawi je manuntut Ie bara Galilea, mendeng bara kejau tuntang mite taloh handiai te.</div><div class="s">Yesus ingubur</div><div class="r">(Mat. 27:57-61; Mrk. 15:42-47; Yoh. 19:38-42)</div><div class="p"> 50-51Aton oloh je bagare Yosep, je asale bara lewu Arimatea hong daerah Yuda. Ie te ije biti oloh bahalap je ihormat oloh, tuntang ie mentai wayahe Hatalla nampara marentah kilau Raja. Aloh ie te anggota Majelis Agama, ie dia omba pakat dengan kaputusan tuntang gawin majelis te. 52Yosep te haguet manalih Pilatus tuntang balaku mangat hantun Yesus inenga akae. 53Limbah te tinai ie mampamohon hantun Yesus bara kayu sampalaki, palus mambungkus Ie hapan benang baputi bara linen. Limbah te ie mingkes Ie intu huang kubur je inampa intu huang bukit batu &#8211; kubur te hindai puji ihapan. 54Andau te andau Jumahat; tuntang andau Sabat handak nampara.</div><div class="p"> 55Kare oloh bawi je dumah hayak dengan Yesus bara Galilea manuntut Yosep tuntang mite kubur te. Ewen mite kea kilen ampie hantun Yesus iingkes intu huang kubur. 56#Eks. 20:10; Deu. 5:14 Limbah te ewen buli palus manatap kare rarampah tuntang minyak harum hapan maminyak hantun Yesus.</div><div class="p">Hong andau Sabat ewen tende bagawi uka mamenda hukum agama.</div>
 </div>
 </div>
</div>

Kakare oloh hong sidang te uras mendeng, palus mimbit Yesus akan taharep Pilatus. Intu hete ewen manampara mandawa Ie. Ewen hamauh, “Ikei dinon oloh toh mampalayang rakyat. Ie manantiring oloh mangat ela mambayar pajak akan Kaisar, awi koae, ie toh Kristus, ije biti Raja.”
Palus Pilatus misek dengan Yesus, “En toto Ikau rajan oloh Yehudi?”
Yesus tombah, “Kalote koam.”
Maka koan Pilatus dengan kare imam kapala tuntang kare oloh are te, “Aku jaton sondau kasalan huang oloh toh uka tau mahukum Ie.”
Tapi ewen sasar manjuju auhe tinai, “Dengan kare auh ajare, Ie manantiring oloh hapus tanah Yuda; nampara solake hong Galilea, tuntang toh jari sampai tinai akan hetoh.”

Katika Pilatus mahining jete, ie misek, “En oloh toh oloh Galilea?” Limbah insanan je Yesus te asale bara daerah je aton hong penda kuasan Herodes, Pilatus mangirim Yesus manalih Herodes, je metoh te aton kea hong Yerusalem. Herodes hanjak toto katika mite Yesus, basa jari tahi ie mahining tahiu Ie tuntang mipen handak mite Ie. Ie maharap tau manyaksi Yesus mawi taloh heran. Awi te Herodes mawi are paisek akae, tapi Yesus dia tombah samasinde. Kare imam kapala tuntang kare guru agama manaharep kea intu hete tuntang mandawa Yesus paham toto. Herodes dengan kare tantara mureh tuntang mahina Yesus palus makaian Ie mahapan pakaian oloh hai, limbah te manyoho Ie haluli manalih Pilatus. Hong andau te kea Herodes dengan Pilatus, je katahin helo-helo te hamusoh, palus hasobat tinai.


Pilatus mamumpong kare imam kapala, kare pamimpin tuntang rakyat, palus hamauh dengan ewen, “Keton mimbit oloh toh manalih Aku tuntang mansanan je Ie toh mampalayang kare oloh. Toh intu taharep keton aku jari mariksa Ie, tapi ije mahin jaton samasinde kapapa je sondau-Ku sama kilau je indawa keton mawi Ie. Herodes mahin manirok kalote kea, basa ie jari mangirim Yesus te haluli akan ikei. Oloh toh ije mahin jaton taloh gawie sampai Ie patut ihukum matei. Tagal te aku handak mamukul Ie hapan cambuk limbah te malapas Ie.”
[ Hong gagenep pesta Paska, Pilatus musti maliwus ije tahanan akan rakyat.] Kakare oloh je hapumpong intu hete mangkariak, “Patei Ie! Palapas Barabas akan ikei!” ( Barabas ihukum penjara tagal pambarontakan je manjadi hong lewu tuntang awie mampatei oloh.)
Pilatus handak maliwus Yesus, tagal te Ie hakotak sinde tinai dengan oloh are te. Tapi ewen mangkariak, “Nyampalaki Ie! Nyampalaki Ie!”
Palus hong tingkat je kateloe tinai Pilatus hamauh hai auhe dengan ewen, “Tapi en kasalae? Ije mahin jaton kasalan je inyondauku huang Ie sampai Ie patut buah hukuman matei! Aku handak mamukul Ie hapan cambuk, palus malapas Ie.”
Tapi ewen jua-juan mangkariak sakalepah belaie je Yesus te musti inyampalaki. Tuntang auh kariak ewen te puna bahasil. Maka Pilatus mawi hukuman matei buah Yesus sama kilau palakun kare oloh te, tuntang maliwus oloh je ilaku ewen, iete oloh je ihukum penjara tagal pambarontakan tuntang awie mampatei oloh. Limbah te ie manyarah Yesus akan ewen mangat ewen mawi Ie sakahandak atei ewen.


Maka ewen palus mimbit Yesus. Hong benteng jalan, ewen hasondau dengan ije biti oloh je bagare Simon, asale bara Kirene, katika te metohe tame lewu. Ewen manawan ie, palus mamaksa ie meton sampalaki te hila likut Yesus.
Are oloh omba mananjong hila likut Yesus – bara marak ewen te aton kea kare oloh bawi. Kare oloh bawi te manangis tuntang manatum Yesus. Tapi Yesus tampaliau akan hila ewen tuntang hamauh, “Kare bawin oloh Yerusalem! Ela manangis akangku. Keleh manangis akan arep keton kabuat tuntang akan kare anak keton. Basa kareh sampai katikae oloh akan hamauh, ‘Lalehan katuah kare oloh bawi je tamanang, je dia puji luas tuntang dia puji mampatuso anak awau!’ Hong katika te oloh kareh hamauh dengan kare bukit, ‘Sangkulep ikei!’ Tuntang dengan kare lungkoh, ‘Nawon ikei!’ Basa amon dengan kayu je magon belom, oloh jari mawi sama kilau toh, mahin hindai ewen mawie dengan kayu je jari matei keang!”
Aton tinai due biti oloh beken – kadadue ewen te oloh papa – je iimbit ewen mangat ihukum matei haya-hayak dengan Yesus. Katika sampai hong eka je bagare “Bangon Takolok”, ewen manyampalaki Yesus tuntang kadadue oloh papa te – ije hila gantau tuntang ije tinai hila sambil Yesus. Palus Yesus balakudoa, “Bapa, ampun ih ewen! Ewen jaton katawan taloh je iawi ewen.”
Pakaian Yesus imbagi intu hete akan sama arep ewen mahapan tenong. Kare oloh mendeng intu hete sambil manampayah tuntang metoh te kare pamimpin Yehudi halalea Yesus sambil hamauh, “Ie jari manyalamat oloh beken; coba toh Ie manyalamat Arepe kabuat, amon Ie puna toto-toto Raja Panyalamat je iintih Hatalla!”
Kare prajurit mahin mureh Ie. Ewen dumah tuntang manenga anggor masem Akae hayak hamauh, “Amon Ikau rajan oloh Yehudi, nyalamat Arepm!”
Intu hila hunjun sampalakin Yesus, inyurat kare auh kalotoh: “Jetoh Rajan Oloh Yehudi.”
Ije bara oloh papa je inyampalaki hete mahina Yesus. Ie hamauh, “Ikau Raja Panyalamat kan? Nah, nyalamat Arepm, tuntang ikei!”
Tapi oloh papa je beken tinai, maningak kawale te, koae, “En ikau dia mikeh dengan Hatalla? Ikau sama-sama ihukum matei sama kilau Ie. Baya hukuman kue toh patut ih dengan gawin itah. Tapi Ie te samasinde jaton kasalae!” Palus ie hamauh, “Yesus, ingat aku amon Ikau dumah kilau Raja!”
“Percaya ih,” koan Yesus dengae, “Andau toh ikau aton hinje Aku hong Pirdaus.”


Kurang labih pukul due walas bentok andau, matanandau jaton gitan kalawae, tuntang hapus daerah te manjadi kaput toto sampai pukul telo halemei. Benang horden je iniring intu Human Tuhan, barabit sila due. Palus Yesus mangkariak hapan kanyangit auh Ayue, “Bapa! Huang lengen Aim Aku manyarah arep-Ku!” Limbah hamauh kalote, Ie palus matei.
Katika komandan pasukan mite kare taloh je jari manjadi, ie manara Hatalla. Palus ie hamauh, “Toto, ie dia basala!”
Oloh are je dumah akan hete mangat mitee, ewen mite taloh je manjadi. Ewen uras buli hayak ateie paham manyasal. Tuntang kakare oloh je mangasene Yesus, tatamput kea kare oloh bawi je manuntut Ie bara Galilea, mendeng bara kejau tuntang mite taloh handiai te.


Aton oloh je bagare Yosep, je asale bara lewu Arimatea hong daerah Yuda. Ie te ije biti oloh bahalap je ihormat oloh, tuntang ie mentai wayahe Hatalla nampara marentah kilau Raja. Aloh ie te anggota Majelis Agama, ie dia omba pakat dengan kaputusan tuntang gawin majelis te. Yosep te haguet manalih Pilatus tuntang balaku mangat hantun Yesus inenga akae. Limbah te tinai ie mampamohon hantun Yesus bara kayu sampalaki, palus mambungkus Ie hapan benang baputi bara linen. Limbah te ie mingkes Ie intu huang kubur je inampa intu huang bukit batu – kubur te hindai puji ihapan. Andau te andau Jumahat; tuntang andau Sabat handak nampara.
Kare oloh bawi je dumah hayak dengan Yesus bara Galilea manuntut Yosep tuntang mite kubur te. Ewen mite kea kilen ampie hantun Yesus iingkes intu huang kubur. Limbah te ewen buli palus manatap kare rarampah tuntang minyak harum hapan maminyak hantun Yesus.
Hong andau Sabat ewen tende bagawi uka mamenda hukum agama.

Lalela LUKAS 23