Hadiyya - 1992 BSE Non-Drama (NT)

Hadiyya - 1992 BSE Drama (NT)

<div class="version vid3498 iso6393hdy" data-vid="3498" data-iso6393="hdy">
 <div class="book bkJHN">
 <div class="chapter ch12" data-usfm="JHN.12">
 <div class="label">12</div><div class="s">Yesuusanne Maaraame Shitto'o Labbo'isa</div><div class="r">(Mat 26:6-13; Mar 14:3-9)</div><div class="p"> 1Shaashshiqqi Ugudina loh balli gataakkoohaannonne Yesuus Biitaana yakkam gatte ixxi lehiinsi ki'isu Ali'aazar hee'oo beyyo marukko. 2Ixxuwwi ee beyyonne Yesuusina hurbaata gudisso'aare Maarta'a ixxuwwina hincaa'llo'o. Ixxenne maqire hurbaata ittam hee'llo'i keeniinsi mat Ali'aazaratte hee'ukko. 3#Luq 7:37 Naardoosa yakkam bito xee'aalli shitto'ika mat xaarmuus kollo ihooqaxa Maaraame eebba'a Yesuus lokkonne labba'a isaanninne horoo'l saraatinne shiinshitam hee'llo'o. Ee minennem shitto'ik enji wo'mmaa qibibukko. 4Ihukkaarem Yesuus losaaniinsi mat hee'u Asqorotokkichchi Yihud ixxim Yesuusa higisaa uwwookkok 5&#171;Ku shitto'i sas xibbi diinaarina biteesamaa mahina buxina uwwamooyyo?&#187; yukko.#12:5Ee ammane mat diinaar mat balli malaayyina miqakkam diinat hee'ukko. 6Ixxi eehid yukkok buxina qishixxaatette ihoo'n gamaanchi hee'u bikkinatte. Mashka'oomim diinaxxi karaxiita amadookkok ixxotte ihu bikkina karaxiitanne dissakko'i diinaxxeka ixxi gagina a'llam hee'ukko. 7Yesuus ixxuwwina &#171;An waammamoommi ammanina gudissamulli ihu bikkina ise hawwissakkotte; ullehe. 8#Se'l 15:11 Bux hundi ammanem ki'nnuwwinne maqire hee'ookko. Ihukkaarem an ki'nnuwwinne maqire hundi ammane hee'oommoyyo&#187; yukko.</div><div class="s">Ali'aazaranne Manni Ki'ukkisa</div><div class="p"> 9Ayihuxxi mannik dut keen Yesuus Biitaan gattenne yoo'isa laqqo'i ammanenne waatto'o. Waatto'okim xale'i Yesuusa moo'lleenatte ihoo'n Yesuus lehiinsi ki'isu Ali'aazaram moo'lleenatte hee'ukko. 10-11Ali'aazar mashka'inne ki'ukkok dut Ayihuxxi manni qeessa awwonsaano sabba'a matta'a Yesuusanne amma'nnitam hee'llo'i bikkina qeessa awwonsaan Ali'aazaram shiteena a'llanto'o.</div><div class="s">Lobakat Lombinne Yerusaaleema Yesuus Aagukkisa</div><div class="r">(Mat 21:1-11; Mar 11:1-11; Luq 19:28-40)</div><div class="p"> 12La'm balla ugudina waatta'a hee'llo'i dut minaadab Yesuus Yerusaaleema waaroo'isa macceesso'o. 13#Maz 118:25 Ee bikkina dimbaaphphi buyya amadda'a &#171;Waa'ina lombi ihona! Waa'i summinne waaroo Isra'ee'l adil maasse'amaakkoohane!&#187; yita'a shuuttu'uuyyi fitto'o. 14-15Keesammi Kitaabanne</div><div class="q">&#171;Yerusaalee'm beero'o, baddititte!</div><div class="q">Oono'o! Ki adil hallichchi wotaranne</div><div class="q2">saa'llaa waaroolla&#187; yamamaa kitaabamukkisam</div><div class="m">Yesuus mat hallichchi wotara siidaa saa'llukko. #12:14-15 Isra'ee'l losa'nnisanne hallichchonne saa'llimmi maashaalloomaa xummaa moo'isoohane. 16Ixxek losaan luxxeka eekka qoossito'oyyi hee'llo'o. Ihukkaarem Yesuus lomba siixxaa lasage Keesammi Kitaabanne kitaabamukkok ixxi bikkinatte ihukkisaa eekka ixxena issito'isaa sawwito'o. 17Yesuus Ali'aazara &#171;Waammi woriinsi fire!&#187; yaa lehiinsi ki'isu ammane ixxenne maqire hee'llo'i manni Yesuus bikkina kutto'o. 18Manni ixxenne edanteena matto'i mashka'im ixxi ee mare'e issukkisa macceesso'i bikkinatte hee'ukko. 19Farisaawe'uwwi ixxuwwina'i ixxuwwim &#171;Neese maham issineena xannummoyyo. Moo'llehe; manni hundim ixxo awwonoolla&#187; yaqqanto'o.</div><div class="p"> 20Ee ugudanne Waa'ina otossiteena matto'i keeniinsi mat qax manni Giriik manni hee'llo'o. 21Ixxuwwim Galiilanne yoo Beetasaayda yakkam beero'onne hee'oo Filiphphoos beyyo waatta'a &#171;Moollanna, Yesuusa moo'nneena hansoommo&#187; yito'o. 22Filiphphoos Indiraas beyyo maraa Indiraasina kurukkaare lamim maqirem matta'a Yesuusina ee woshsha kutto'o. 23Yesuus ixxuwwina dabaraa &#171;Manchi Beet lobakat lomba siixxoo amman afaakko. 24Hanqinam an ki'nnuwwina kuroommo; mat arasichchi uullanne ubaa shamubeelas mexxokkichchim hee'ookko. Ihukkaarem shamulas lobakat misha mishookko. 25#Mat 10:39; 16:25; Mar 8:35; Luq 9:24; 17:33 Ixxi foorina qishixxookkok bi'ixxookko. Ihukkaarem ka uullanne ixxi foore sabukkok heer heerina hee'oo heechchina gudixxookko. 26Ayyim iina awwaadookkok eese awwonimmi hasisookko. Iina awwaadookkok an yoommi beyyonne iinninne maqire hee'ookko. Iina awwaadookkoka ayyem Iyyanni lonsookko&#187; yukko.</div><div class="s">Hawwii Lehii Ixxonne Afoo'isa Yesuus Wocukkisa</div><div class="p"> 27Odim Yesuus &#171;Kaba an i woronne lobakata kichche'aammo. An kaba mayyoommo? &#8249;Iyyanna! At eese kanniinsi gatise&#8250; yihonnihe? Eehid yoommoyyo. Mashka'oomim an waarummok ka hawwo aa'eenatte. 28Iyyanna! At ki summa lonse&#187; yukko. Ee ammanenne &#171;An i summa lonsaammo; odim lonsoommo&#187; yoo sagar iimaniinsi waarukko. 29Ee beyyonne uullita'a hee'llo'i manni eekka macceesso'i ammanenne &#171;Kuk banqa&#187; yito'o. Mulli keen odim &#171;Ixxena wocukkok Waa'i asse'amaancho&#187; yito'o. 30Yesuus ixxuwwina dabaraa &#171;Ku sagar waarukkok ki'nnuwwi bikkinatte bagaan i bikkinayyo. 31Kaba ka uullanne Waa'i oogatoo amman afaakko. Ka uulli gassaanchim biiranne uunjamoo amman afaakko. 32Eese uulliinsi iim ki'isakka'a saqalakkam ammane manni hundam i kollonne woroommo&#187; yukko. 33Ixxi eekka wocukkok hinkido'i leho lehooda'e moo'iseenatte hee'ukko. 34#Maz 110:4; Isa 9:7; Hiz 37:24 Minaadab ixxena dabatta'a &#171;Waa'i doo'llaakkoo Kiristoos heer heerinam hee'oo'isa Seeranne kitaabamukkoka macceensaammo. Eehaare at hinkid &#8249;Manchi Beet iim ki'immi hasisookko&#8250; yitoolla? Ku at Manchi Beeto yitoottok ayyette?&#187; yito'o.</div><div class="p"> 35Yesuus ixxuwwina dabaraa &#171;Caakki ki'nnuwwinne maqire hoffi ammaninam yookko. Tuunsi ki'nnuwwa amadoo'n gaassitakka'a caakki hee'ukkuuyyi taakke'llehe; tuunsonne taakke'ookkok hanno marooda'e la'ooyyo. 36Ki'nnuwwi caakki oos ikkakkeena caakki hee'ukkuuyyi caakkanne amma'nnehe&#187; yukko.</div><div class="s">Ayihuxxi Minaadab Yesuusanne Amma'nnitobee'isa</div><div class="p">Yesuus eekka wocaa lasage annanni ihaa maraa ixxuwwiinsi maaxamukko. 37Yesuus ixxuwwi illagenne lobakat mare'e issukkaarem ixxonne amma'nnito'oyyo. 38#Isa 53:1 Oohim hiraagaanchi Issaayyaas</div><div class="q">&#171;Moollanna! Neese kullummoka ayyi amma'nnukko;</div><div class="q2">Moollannik malaaydu ayyena moo'amukko?&#187; yukkok wo'mmoo'isinatte.</div><div class="m"> 39Ee bikkina ixxuwwi ixxonne amma'nniteena xanto'oyyo. 40#Isa 6:10 Odim Issaayyaas</div><div class="q">&#171;Ixxuwwa fayyiisoo'isina ixxi kollonne daba'llitambee'isa</div><div class="q2">Waa'i ixxuwwika ille moo'oobee'isa qooqisaakko.</div><div class="q">Odim qoossitambee'isam</div><div class="q2">ixxuwwika wodanooma duudisaakko&#187; yaakko.</div><div class="m"> 41Issaayyaas eehid yaa ixxi bikkina wocukkok ixxeka lomba moo'u bikkinatte. 42Ee'isa ihukkaarem Ayihuxxi manni gassaaniinsim dut keen Yesuusanne amma'nnito'o. Ihukkaarem wixxixxi miniinsi Farisaawe'uwwi yaayyitam bikkina baddita'a ixxi bikkina fissita'a wocco'oyyo. 43Mashka'oomim Waa'iinsi siixxitam lombiinsi manniinsi siixxitam lomba iittito'i bikkinatte.</div><div class="p"> 44Yesuus sagara iimaa'aa odim &#171;Eesenne amma'nnukkok eese asse'ukkaannonnem amma'nnaakko bagaan xale'i eesenne amma'nnukkoyyo. 45Eese moo'ookkok eese asse'ukkokam moo'ookko. 46Eesenne amma'nnookkok ayyim tuunsonne hee'oobee'isina an ka uullina caakki ihaa waaraammo. 47Ayyim an yummoka macceesaa issubeelas ixxonne oogatoommok aneyyo. An waarummok ka uulla gatiseenatte bagaan ka uullanne oogateenayyo. 48Eese sabaa an yummoka aa'oobee'aannonne oogatookkok yookko. An wocoommi sagar lasaanchonne ixxonne oogatookko. 49Mashka'oomim an wocoommok eese asse'u Iyyanni ixxi gagim mayyaa wocoomda'e ijaajukkisa bagaan i malaayyinneyyo. 50Ixxek ijaaj heer heerina hee'oo heechcha uwwoohan ihukkisa la'oommi bikkina an wocoommok Iyyanni &#8249;Woce&#8250; yukkane&#187; yukko.</div>
 </div>
 </div>
</div>

Shaashshiqqi Ugudina loh balli gataakkoohaannonne Yesuus Biitaana yakkam gatte ixxi lehiinsi ki'isu Ali'aazar hee'oo beyyo marukko. Ixxuwwi ee beyyonne Yesuusina hurbaata gudisso'aare Maarta'a ixxuwwina hincaa'llo'o. Ixxenne maqire hurbaata ittam hee'llo'i keeniinsi mat Ali'aazaratte hee'ukko. Naardoosa yakkam bito xee'aalli shitto'ika mat xaarmuus kollo ihooqaxa Maaraame eebba'a Yesuus lokkonne labba'a isaanninne horoo'l saraatinne shiinshitam hee'llo'o. Ee minennem shitto'ik enji wo'mmaa qibibukko. Ihukkaarem Yesuus losaaniinsi mat hee'u Asqorotokkichchi Yihud ixxim Yesuusa higisaa uwwookkok «Ku shitto'i sas xibbi diinaarina biteesamaa mahina buxina uwwamooyyo?» yukko. Ixxi eehid yukkok buxina qishixxaatette ihoo'n gamaanchi hee'u bikkinatte. Mashka'oomim diinaxxi karaxiita amadookkok ixxotte ihu bikkina karaxiitanne dissakko'i diinaxxeka ixxi gagina a'llam hee'ukko. Yesuus ixxuwwina «An waammamoommi ammanina gudissamulli ihu bikkina ise hawwissakkotte; ullehe. Bux hundi ammanem ki'nnuwwinne maqire hee'ookko. Ihukkaarem an ki'nnuwwinne maqire hundi ammane hee'oommoyyo» yukko.

Ayihuxxi mannik dut keen Yesuus Biitaan gattenne yoo'isa laqqo'i ammanenne waatto'o. Waatto'okim xale'i Yesuusa moo'lleenatte ihoo'n Yesuus lehiinsi ki'isu Ali'aazaram moo'lleenatte hee'ukko. Ali'aazar mashka'inne ki'ukkok dut Ayihuxxi manni qeessa awwonsaano sabba'a matta'a Yesuusanne amma'nnitam hee'llo'i bikkina qeessa awwonsaan Ali'aazaram shiteena a'llanto'o.


La'm balla ugudina waatta'a hee'llo'i dut minaadab Yesuus Yerusaaleema waaroo'isa macceesso'o. Ee bikkina dimbaaphphi buyya amadda'a «Waa'ina lombi ihona! Waa'i summinne waaroo Isra'ee'l adil maasse'amaakkoohane!» yita'a shuuttu'uuyyi fitto'o. Keesammi Kitaabanne
«Yerusaalee'm beero'o, baddititte!
Oono'o! Ki adil hallichchi wotaranne
saa'llaa waaroolla» yamamaa kitaabamukkisam
Yesuus mat hallichchi wotara siidaa saa'llukko. Ixxek losaan luxxeka eekka qoossito'oyyi hee'llo'o. Ihukkaarem Yesuus lomba siixxaa lasage Keesammi Kitaabanne kitaabamukkok ixxi bikkinatte ihukkisaa eekka ixxena issito'isaa sawwito'o. Yesuus Ali'aazara «Waammi woriinsi fire!» yaa lehiinsi ki'isu ammane ixxenne maqire hee'llo'i manni Yesuus bikkina kutto'o. Manni ixxenne edanteena matto'i mashka'im ixxi ee mare'e issukkisa macceesso'i bikkinatte hee'ukko. Farisaawe'uwwi ixxuwwina'i ixxuwwim «Neese maham issineena xannummoyyo. Moo'llehe; manni hundim ixxo awwonoolla» yaqqanto'o.
Ee ugudanne Waa'ina otossiteena matto'i keeniinsi mat qax manni Giriik manni hee'llo'o. Ixxuwwim Galiilanne yoo Beetasaayda yakkam beero'onne hee'oo Filiphphoos beyyo waatta'a «Moollanna, Yesuusa moo'nneena hansoommo» yito'o. Filiphphoos Indiraas beyyo maraa Indiraasina kurukkaare lamim maqirem matta'a Yesuusina ee woshsha kutto'o. Yesuus ixxuwwina dabaraa «Manchi Beet lobakat lomba siixxoo amman afaakko. Hanqinam an ki'nnuwwina kuroommo; mat arasichchi uullanne ubaa shamubeelas mexxokkichchim hee'ookko. Ihukkaarem shamulas lobakat misha mishookko. Ixxi foorina qishixxookkok bi'ixxookko. Ihukkaarem ka uullanne ixxi foore sabukkok heer heerina hee'oo heechchina gudixxookko. Ayyim iina awwaadookkok eese awwonimmi hasisookko. Iina awwaadookkok an yoommi beyyonne iinninne maqire hee'ookko. Iina awwaadookkoka ayyem Iyyanni lonsookko» yukko.

Odim Yesuus «Kaba an i woronne lobakata kichche'aammo. An kaba mayyoommo? ‹Iyyanna! At eese kanniinsi gatise› yihonnihe? Eehid yoommoyyo. Mashka'oomim an waarummok ka hawwo aa'eenatte. Iyyanna! At ki summa lonse» yukko. Ee ammanenne «An i summa lonsaammo; odim lonsoommo» yoo sagar iimaniinsi waarukko. Ee beyyonne uullita'a hee'llo'i manni eekka macceesso'i ammanenne «Kuk banqa» yito'o. Mulli keen odim «Ixxena wocukkok Waa'i asse'amaancho» yito'o. Yesuus ixxuwwina dabaraa «Ku sagar waarukkok ki'nnuwwi bikkinatte bagaan i bikkinayyo. Kaba ka uullanne Waa'i oogatoo amman afaakko. Ka uulli gassaanchim biiranne uunjamoo amman afaakko. Eese uulliinsi iim ki'isakka'a saqalakkam ammane manni hundam i kollonne woroommo» yukko. Ixxi eekka wocukkok hinkido'i leho lehooda'e moo'iseenatte hee'ukko. Minaadab ixxena dabatta'a «Waa'i doo'llaakkoo Kiristoos heer heerinam hee'oo'isa Seeranne kitaabamukkoka macceensaammo. Eehaare at hinkid ‹Manchi Beet iim ki'immi hasisookko› yitoolla? Ku at Manchi Beeto yitoottok ayyette?» yito'o.
Yesuus ixxuwwina dabaraa «Caakki ki'nnuwwinne maqire hoffi ammaninam yookko. Tuunsi ki'nnuwwa amadoo'n gaassitakka'a caakki hee'ukkuuyyi taakke'llehe; tuunsonne taakke'ookkok hanno marooda'e la'ooyyo. Ki'nnuwwi caakki oos ikkakkeena caakki hee'ukkuuyyi caakkanne amma'nnehe» yukko.

Yesuus eekka wocaa lasage annanni ihaa maraa ixxuwwiinsi maaxamukko. Yesuus ixxuwwi illagenne lobakat mare'e issukkaarem ixxonne amma'nnito'oyyo. Oohim hiraagaanchi Issaayyaas
«Moollanna! Neese kullummoka ayyi amma'nnukko;
Moollannik malaaydu ayyena moo'amukko?» yukkok wo'mmoo'isinatte.
Ee bikkina ixxuwwi ixxonne amma'nniteena xanto'oyyo. Odim Issaayyaas
«Ixxuwwa fayyiisoo'isina ixxi kollonne daba'llitambee'isa
Waa'i ixxuwwika ille moo'oobee'isa qooqisaakko.
Odim qoossitambee'isam
ixxuwwika wodanooma duudisaakko» yaakko.
Issaayyaas eehid yaa ixxi bikkina wocukkok ixxeka lomba moo'u bikkinatte. Ee'isa ihukkaarem Ayihuxxi manni gassaaniinsim dut keen Yesuusanne amma'nnito'o. Ihukkaarem wixxixxi miniinsi Farisaawe'uwwi yaayyitam bikkina baddita'a ixxi bikkina fissita'a wocco'oyyo. Mashka'oomim Waa'iinsi siixxitam lombiinsi manniinsi siixxitam lomba iittito'i bikkinatte.
Yesuus sagara iimaa'aa odim «Eesenne amma'nnukkok eese asse'ukkaannonnem amma'nnaakko bagaan xale'i eesenne amma'nnukkoyyo. Eese moo'ookkok eese asse'ukkokam moo'ookko. Eesenne amma'nnookkok ayyim tuunsonne hee'oobee'isina an ka uullina caakki ihaa waaraammo. Ayyim an yummoka macceesaa issubeelas ixxonne oogatoommok aneyyo. An waarummok ka uulla gatiseenatte bagaan ka uullanne oogateenayyo. Eese sabaa an yummoka aa'oobee'aannonne oogatookkok yookko. An wocoommi sagar lasaanchonne ixxonne oogatookko. Mashka'oomim an wocoommok eese asse'u Iyyanni ixxi gagim mayyaa wocoomda'e ijaajukkisa bagaan i malaayyinneyyo. Ixxek ijaaj heer heerina hee'oo heechcha uwwoohan ihukkisa la'oommi bikkina an wocoommok Iyyanni ‹Woce› yukkane» yukko.

Lalela Yohaannis Mishiraachcha 12