 If you would like a copy of this version please contact info@davaraudiobibles.org

Text: Kusaal Bible ©, Ghana Institute Of Linguistics, Literacy and Bible Translation (GILLBT). Audio: Kusaal Old Testament Audio Bible ℗ 2023, Davar Partners International.

Kusaal Old Testament

<div class="version vid3752 iso6393kus" data-vid="3752" data-iso6393="kus">
 <div class="book bkGEN">
 <div class="chapter ch15" data-usfm="GEN.15">
 <div class="label">15</div><div class="s">Zugs&#596;b la zi'el n&#596;&#596;ri tis Abram</div><div class="p"> 1N&#603;'&#603;&#331;a nya'a&#331; ka Abram w&#651;m Zugs&#596;b pian'ad zaans&#651;&#331;in, ye, &#8220;Abram, da z&#596;t dabiem! Ka m na gurif ka y&#603;lt&#596;&#596;g k&#651; paae f&#596;, ka na tisif y&#651;'&#651;tita'ar.&#8221; 2Ka Abram y&#603;l ye, &#8220;Naa, m Zugs&#596;b Pa&#331;tita'ar S&#596;ba! B&#596; ka f&#651; ye f&#651; tisim, ka m ka' biig la? Ka an&#596;'&#596;n&#603; ye o dii m faar la, ka'an&#603; Eliezer on&#603; yi Damaskus la naa?&#8221; 3Ka Abram l&#603;n y&#603;l ye, &#8220;F&#651; p&#651; tisim biis&#603;, dinzug&#596; sankpan'as on&#603; b&#603; m yin la na dii m faar.&#8221; 4Ka Zugs&#596;b la l&#603;bis o ye, &#8220;Ayei, dau ka&#331;a k&#651; dii f&#651; faar&#603;, amaa f&#651; m&#603;&#331; biribi&#331; du'adi&#331;i na dii f&#651; faar.&#8221; 5Ka o k&#603; ka o yi paal&#651; ka y&#603;l o ye, &#8220;G&#596;sim sa&#331;gbana la ni ka kaal nwadbibis la! F&#651; sid na nya&#331;i kaali baa?&#8221; Ka l&#603;n y&#603;l o ye, &#8220;Ala ka f&#651; yaas m&#603; na zu'oe.&#8221; 6Ka Abram da ni&#331; Zugs&#596;b yadda, ka Zugs&#596;b g&#603;lig ka y&#603;l ye o an&#603; p&#651;pielim s&#596;b o tuon.</div><div class="p"> 7Ka Zugs&#596;b la y&#603;l o ye, &#8220;Man&#603; an Zugs&#596;b on&#603; m&#596;ri f&#651; yi Ur Kaldea te&#331;in k&#603;n te&#331; ka&#331;a na ye f&#651; s&#651;'oe li.&#8221; 8Amaa Abram y&#603;l ye, &#8220;Naa, m Zugs&#596;b Pa&#331;tita'ar S&#596;ba! M na ni&#331; wala ka ba&#331; ye mam na s&#651;'oe li?&#8221; 9Ka Zugs&#596;b y&#603;l o ye, &#8220;M&#596;r na'asa'a, n&#603; b&#651;nya'a&#331;, n&#603; p&#603;raban&#603; an y&#651;ma atan', tan' n&#603; sian'arin dawan n&#603; na'adawan na.&#8221; 10Ka Abram m&#596;ri li w&#651;sa na ka k&#596;digi ba buak p&#651;s&#651;k p&#651;s&#651;k&#651; digili ba ka ba ya'ad taaba, amaa o p&#651; buak dawana la. 11Ka z&#651;&#651;nd da sig na ye ba di ni'im la, ka Abram kadi ba. 12Ka winnigi da lut la, gb&#603;&#603;m da z&#603;&#603;g Abram ka o gbis ka zin'ig la lieb lik biridi ka dabiem kp&#603;n' o. 13Ka Zugs&#596;b la y&#603;l o ye, &#8220;Ba&#331;im ye f&#651; yaas na lieb saam te&#331; si'a lin&#603; ka' ya m&#603;&#331; te&#331;a, ka ba na namisi ba y&#651;ma k&#596;bisnaasi (400). 14Amaa m na namis s&#651;'&#651;lim kan&#603; za&#331;i ba liebi ba yammis la, ka li nya'a&#331; ba na ti za&#331; arezak pamm yi te&#331;in la. 15La'an n&#603; wala, f&#651; na k&#651;digi paae f&#651; b&#603;n ka kpi n&#603; sumb&#651;g&#651;s&#651;m ka ba mumif. 16Z&#651;maa&#331; kan&#603; paas anaasi la ni, f&#651; biis na ti l&#603;b kp&#603;la na, b&#596;zug&#596; Amor dim t&#651;&#651;mb&#603;'&#603;d la nam p&#651; paae li b&#603;nn&#603;.&#8221; 17Ka winnigi da li ka y&#651;'&#651;&#331; s&#596;b la, Abram ny&#603; ka bugum n&#603; ny&#596;'&#596;s d&#596;l b&#651;nk&#596;nbbu'ama la te&#331;s&#651;ki gaad. 18Daakan la ka Zugs&#596;b la maal n&#596;naar n&#603; Abram ye, &#8220;M na k&#603; ka f&#651; yaas s&#651;'oe te&#331;gbau&#331; nwa' w&#651;sa, lin yi Egipt te&#331; tit&#596;ndig la paae Efiritis k&#596;ldatita'ar la n&#603; 19Ken dim s&#651;'&#651;lim la, n&#603; Kenas dim n&#603; Kadmon dim 20n&#603; Hitti dim n&#603; Perizi dim n&#603; Refa dim 21n&#603; Amor dim n&#603; Keenan dim n&#603; Girgas dim n&#603; Jebus dim la w&#651;sa.&#8221;</div>
 </div>
 </div>
</div>

Nɛ'ɛŋa nya'aŋ ka Abram wʋm Zugsɔb pian'ad zaansʋŋin, ye, “Abram, da zɔt dabiem! Ka m na gurif ka yɛltɔɔg kʋ paae fɔ, ka na tisif yʋ'ʋtita'ar.” Ka Abram yɛl ye, “Naa, m Zugsɔb Paŋtita'ar Sɔba! Bɔ ka fʋ ye fʋ tisim, ka m ka' biig la? Ka anɔ'ɔnɛ ye o dii m faar la, ka'anɛ Eliezer onɛ yi Damaskus la naa?” Ka Abram lɛn yɛl ye, “Fʋ pʋ tisim biisɛ, dinzugɔ sankpan'as onɛ bɛ m yin la na dii m faar.” Ka Zugsɔb la lɛbis o ye, “Ayei, dau kaŋa kʋ dii fʋ faarɛ, amaa fʋ mɛŋ biribiŋ du'adiŋi na dii fʋ faar.” Ka o kɛ ka o yi paalʋ ka yɛl o ye, “Gɔsim saŋgbana la ni ka kaal nwadbibis la! Fʋ sid na nyaŋi kaali baa?” Ka lɛn yɛl o ye, “Ala ka fʋ yaas mɛ na zu'oe.” Ka Abram da niŋ Zugsɔb yadda, ka Zugsɔb gɛlig ka yɛl ye o anɛ pʋpielim sɔb o tuon.
Ka Zugsɔb la yɛl o ye, “Manɛ an Zugsɔb onɛ mɔri fʋ yi Ur Kaldea teŋin kɛn teŋ kaŋa na ye fʋ sʋ'oe li.” Amaa Abram yɛl ye, “Naa, m Zugsɔb Paŋtita'ar Sɔba! M na niŋ wala ka baŋ ye mam na sʋ'oe li?” Ka Zugsɔb yɛl o ye, “Mɔr na'asa'a, nɛ bʋnya'aŋ, nɛ pɛrabanɛ an yʋma atan', tan' nɛ sian'arin dawan nɛ na'adawan na.” Ka Abram mɔri li wʋsa na ka kɔdigi ba buak pʋsʋk pʋsʋkʋ digili ba ka ba ya'ad taaba, amaa o pʋ buak dawana la. Ka zʋʋnd da sig na ye ba di ni'im la, ka Abram kadi ba. Ka winnigi da lut la, gbɛɛm da zɛɛg Abram ka o gbis ka zin'ig la lieb lik biridi ka dabiem kpɛn' o. Ka Zugsɔb la yɛl o ye, “Baŋim ye fʋ yaas na lieb saam teŋ si'a linɛ ka' ya mɛŋ teŋa, ka ba na namisi ba yʋma kɔbisnaasi (400). Amaa m na namis sʋ'ʋlim kanɛ zaŋi ba liebi ba yammis la, ka li nya'aŋ ba na ti zaŋ arezak pamm yi teŋin la. La'an nɛ wala, fʋ na kʋdigi paae fʋ bɛn ka kpi nɛ sumbʋgʋsʋm ka ba mumif. Zʋmaaŋ kanɛ paas anaasi la ni, fʋ biis na ti lɛb kpɛla na, bɔzugɔ Amor dim tʋʋmbɛ'ɛd la nam pʋ paae li bɛnnɛ.” Ka winnigi da li ka yʋ'ʋŋ sɔb la, Abram nyɛ ka bugum nɛ nyɔ'ɔs dɔl bʋnkɔnbbu'ama la teŋsʋki gaad. Daakan la ka Zugsɔb la maal nɔnaar nɛ Abram ye, “M na kɛ ka fʋ yaas sʋ'oe teŋgbauŋ nwa' wʋsa, lin yi Egipt teŋ titɔndig la paae Efiritis kɔldatita'ar la nɛ Ken dim sʋ'ʋlim la, nɛ Kenas dim nɛ Kadmon dim nɛ Hitti dim nɛ Perizi dim nɛ Refa dim nɛ Amor dim nɛ Keenan dim nɛ Girgas dim nɛ Jebus dim la wʋsa.”

Lalela Pin'ilʋg 15