<div class="version vid3917 iso6393ssy" data-vid="3917" data-iso6393="ssy">
   <div class="book bkJHN">
      <div class="chapter chINTRO1" data-usfm="JHN.INTRO1">
         <div class="imt"><span class="content">Injiil Yohannis Orbeena</span></div><div class="ip"><span class="content">Ta Injiil, Yohannis akah yarhxeekah, Yeesus Masiix aniina caddoyisha affara Kitaab Cusub Cahdedde geytimayaako kinni. Ten-ten migac lel &#8220;Injiil&#8221; kinni. Injiil yarhxiinim lel: &#8220;Mece ware&#8221;, hido &#8220;Bissiraata&#8221; yarhxiinim kinni. Yeesus rabek sarrah ta Kitob tuktubem lel Maatiyos, Markos, Luukas kee Yohannis kinon.</span></div><div class="ip"><span class="content">Yohannis akah yarhxeekah, ta Injiil, fartotta kin Yohannis yuktubem Masiix yoobokemko sarrah 90 iggidiyah wakalille akkekkah miraaca. Kattaab Yohannis kinam ta kitaab walaa arhxe wayo kibah, amaa kataabat xijxijo Yohannis 1ti Jawaab, 2it Jawaab kee 3it Jawaab xibare leya. Kalxit kattaabeen ta waqhtedde Yohannis Efesusti daafolle marak yinem warishan, amaymih ta kitaab Efesosulle yunkuttubem shakke male. Ta kitaab lel Yahuud kee Yahuud akkinnixe mari yaqhrawna yunkuttube.</span></div><div class="ip"><span class="content">Masiix miyatto kinni? Yohannis ta essero ta Injiilko afti curfadde yedebbeh yane. Usuk Yeesusuk Yalli ummannim akah yukhluqheh umman tiyah aniina akah yoxoye: &#8220;Waanitta&#8221; akko yarhxe (Curfa 1:3, 4). Yaythimmiqhe Yohannis Yeesus mumut aaginah warroyshem yaybulluwe: &#8220;Ubula, caalamti zambe kala, Yallih Leema!&#8221; (Curfa 1:29). Filibboos Yeesus geye gedda, Yeesus Moosa kee Nobowa kaa zacabah akko yuktubin tiya kinam yeerhege (Curfa 1:45). Natnaa-eel waanih lel Yeesus: &#8220;Yallih Barha kee Israa-eel Nugus&#8221; kinni (Curfa 1:49). Ta kitaabhi macal xiyaw Yeesus Masiix kinam kee yane Yallih Barha kinamah yaamanoona ten xato ciloh kinam Yohannis meceetih caddoysheh yane (Curfa 20:31). Tayimih neemeneh kaa migacalle aniina naalle. Tayim aaginah takko dhicta? Yeesus ta essero ishi waanih Niqhodiimosuh yedebbeh yane: &#8220;Yalli caalam mangum yikxinemhi sabbatah, kayyah aamininnanti yalayemko, umman geedit aniina geyo ciloh, inkettak le ishi Barha yoxoye.&#8221; (Curfa 3:16)</span></div><div class="iot"><span class="content">Urhurh kuluuxa ta kitaabadde</span></div><div class="io"><span class="content">Yeesus umman geedit Aniinah Waanitta kinni 1:1-18</span></div><div class="io"><span class="content">Yaythimmiqhe Yohannis farto 1:19-34</span></div><div class="io"><span class="content">Yeesus afti katattaynit doora 1:35-51</span></div><div class="io"><span class="content">Yeesus malxina cibra kin ishaara 2:1 &#8212; 12:50</span></div><div class="io"><span class="content">Yeesus sarroorimat baxuuro: kaa firde kee raba 13:1 &#8212; 19:42</span></div><div class="io"><span class="content">Yeesus rabaakohi ugut 20:1-10</span></div><div class="io"><span class="content">Yeesus ishi katattaynitih yambulluwe 20:11 &#8212; 21:25</span></div>
      </div>
   </div>
</div>

Injiil Yohannis Orbeena
Ta Injiil, Yohannis akah yarhxeekah, Yeesus Masiix aniina caddoyisha affara Kitaab Cusub Cahdedde geytimayaako kinni. Ten-ten migac lel “Injiil” kinni. Injiil yarhxiinim lel: “Mece ware”, hido “Bissiraata” yarhxiinim kinni. Yeesus rabek sarrah ta Kitob tuktubem lel Maatiyos, Markos, Luukas kee Yohannis kinon.
Yohannis akah yarhxeekah, ta Injiil, fartotta kin Yohannis yuktubem Masiix yoobokemko sarrah 90 iggidiyah wakalille akkekkah miraaca. Kattaab Yohannis kinam ta kitaab walaa arhxe wayo kibah, amaa kataabat xijxijo Yohannis 1ti Jawaab, 2it Jawaab kee 3it Jawaab xibare leya. Kalxit kattaabeen ta waqhtedde Yohannis Efesusti daafolle marak yinem warishan, amaymih ta kitaab Efesosulle yunkuttubem shakke male. Ta kitaab lel Yahuud kee Yahuud akkinnixe mari yaqhrawna yunkuttube.
Masiix miyatto kinni? Yohannis ta essero ta Injiilko afti curfadde yedebbeh yane. Usuk Yeesusuk Yalli ummannim akah yukhluqheh umman tiyah aniina akah yoxoye: “Waanitta” akko yarhxe (Curfa 1:3, 4). Yaythimmiqhe Yohannis Yeesus mumut aaginah warroyshem yaybulluwe: “Ubula, caalamti zambe kala, Yallih Leema!” (Curfa 1:29). Filibboos Yeesus geye gedda, Yeesus Moosa kee Nobowa kaa zacabah akko yuktubin tiya kinam yeerhege (Curfa 1:45). Natnaa-eel waanih lel Yeesus: “Yallih Barha kee Israa-eel Nugus” kinni (Curfa 1:49). Ta kitaabhi macal xiyaw Yeesus Masiix kinam kee yane Yallih Barha kinamah yaamanoona ten xato ciloh kinam Yohannis meceetih caddoysheh yane (Curfa 20:31). Tayimih neemeneh kaa migacalle aniina naalle. Tayim aaginah takko dhicta? Yeesus ta essero ishi waanih Niqhodiimosuh yedebbeh yane: “Yalli caalam mangum yikxinemhi sabbatah, kayyah aamininnanti yalayemko, umman geedit aniina geyo ciloh, inkettak le ishi Barha yoxoye.” (Curfa 3:16)
Urhurh kuluuxa ta kitaabadde
Yeesus umman geedit Aniinah Waanitta kinni 1:1-18
Yaythimmiqhe Yohannis farto 1:19-34
Yeesus afti katattaynit doora 1:35-51
Yeesus malxina cibra kin ishaara 2:1 — 12:50
Yeesus sarroorimat baxuuro: kaa firde kee raba 13:1 — 19:42
Yeesus rabaakohi ugut 20:1-10
Yeesus ishi katattaynitih yambulluwe 20:11 — 21:25

Lalela Yohannis Injiil Yohannis Orbeena