Amavesi eBhayibheli adumile avela kokuthi JOHAN 10

Dlulisela

Gucha chuh, gu ding leh, that ding leh susie ding ngâllo chun a hung sek puoi. Kei vang, hin na neihna ding u leh, tamtak a na neih na ding u a hung ka hi zawi.

“Kei belam chingpa pha ka hi, belam chingpa pha’n belamte dingin a hinna a pie sek hi.

Ka belamte’n ka aw a ngaitha sek ui; ken le amau haw chuh ka he a, amau chun ei zui sek ui.

Amau haw chuh kumkhuo a hinna ka pie a, thi ngei ta puo’n au. Kuoma’n ka khut apat ei chuhthâk sak ta puo’n au.

Kei kawtkhak chuh ka hi. Kuole, keimah a lut ta chuh, humbit in um intin, lut in pawt intin, nek ding le kimuh ina.

Kei belam chingpa pha ka hi a, ka belamte ka he a, chun, ka belamte’n le ei heu hi.

Amau haw ei pie pa, ka Pa chuh, mi chengcheng sanga lopi zaw ahi; kuoma’n Pa khut apat chun chuhthâk sak thei puo’n au. Kei leh ka Pa chuh pumkhat ka hi ngâl u a,” ti’n a dâwng a.

Pa’n kei ei het leh, ken Pa ka het guol hin, keia te chuh ka he a, amau inle ei heu hi. Belamte dingin ka hin ka pie sek hi.

Kuoma’n ei lâksak thei puo’n a. Keimah thu thu a pie ding ka hi zawi. Pie thei ka hi a, la kit thei le ka hi. Ziehi, ka Pa’n thu ei piek chuh ahi,” a ti a.

Khutichun, Isu’n a kawm u ah a gen kit a, “Tihtakzet, tihtakzet in ka hilh na hiu hi: Kei hi belam kawtkhak chuh ka hii.

Kithalak, belam chingpa tak hilo a, belamte le amah a hilo te chun, ngêi hung a muh tieng leh, belamte a taihsan sek a; tichun, ngêi chun belam haw chuh a pet a, a sudalh sek hi.

Chun, Isu’n, “Tihtakzet, tihtakzet in ka hilh na hiu hi, kuole, belam huong a kawtkhaka lut lo a, mun chuom khata kal dawka lut chuh, zie chuh gucha leh suommang ahi.