Amavesi eBhayibheli adumile avela kokuthi Apostolo 2

Dlulisela

Pita ga balu diet hoken: “Muat bakut tikatikai muat na lilik pukus ma muat na kap baptais tano hinsane Jisas Krais bia God naga lik luban se ira numuat magingin sakena. Ma muat na hatur kawase leh no hartabar na Halhaliana Tanuo kanong God ga gil no kunubus wara gaie muat ma ira nati muat ma wara gaie diet mah ing diet tapaka. Iakan ra kunubus i gawane diet bakut ing God na tau hawaat diet wara uno.”

Diet ga balaan bia diet na taram ira hauhausur ta ira apostolo ma bia diet na kis hulungai wara tar harharahut hargilaas, diet gaam balaan mah utano magingin na pidik beret ma wara sinasaring.

Diet bakut diet ga hung ma no Halhaliana Tanuo ma diet ga haburen nianga ma ra mes na nianga hoing at no Tanuo ga tar ra dadas ta diet bia diet na ianga me.

Kaik at mon tiga kinakel hoing tiga dadas na punpuh na baiangin ga wawaang suur meram ra mawe ma gaam burung no tingena hala bakut ing diet ga kis taar kaia. Io, diet ga nas ra linge hoing ira kalkalamena iaah, ma kaike ra linge ga haan harbasia taar ta diet gaam kis ta diet ira tunotuno tikatikai. Diet bakut diet ga hung ma no Halhaliana Tanuo ma diet ga haburen nianga ma ra mes na nianga hoing at no Tanuo ga tar ra dadas ta diet bia diet na ianga me.

Ta ira kaba bungbung diet ga harsasokane wara hinanuat hurlungen tano tamat na hala na lotu, ma diet ga tiga lilik mon. Ma diet ga tibik beret tika narako ta ira ngasia diet ma diet ga iaiaan tika ma ra gungunuama ma ra matien na bala. Ma diet ga pirpirlat God ma diet ga langlagirane ira sinisip ta ira mes na matanaiabar bakut ukaia ho diet. Ma ira kaba bungbung diet ing no Watong ga halhalon diet, ga lamlamus halaka tar diet ta ira kaba ut na nurnuruan.

‘Tano hauhawatine ta ira pakana bung iau ni gil hoken. Iau ni burange bus ira kaba matanaiabar bakut ma no Tanuagu. Ma ira numuat bulu na tunaan ma ira nat na hahi muat diet na ianga na tangesot, ira numuat kaba marawaan diet na nas ra ninaas na tanuo, ma ira numuat kaba patuana diet na bariane ra barbarien.

Diet bakut ing diet gate nurnur, diet ga kiskis tika, ma diet ga tartar hargilasane ira udiet minsik. Ma diet ga suhsuhurane ira udiet inton ma ira udiet minsik ma diet ga tartar ira kinewa ta diet ing diet ga mon sunupi.

Ma diet bakut ing diet na tau iau no Watong bia ni halon diet, iau ni gil haruatne.’

No kasakes na kankado ma no teka na daraan hoira de nalua bia no tamat na bung sakit gar tano Watong na hanuat ma ra but na minarine.