Amavesi eBhayibheli adumile avela kokuthi Zan 6

Dlulisela

Zezi ti dir zot, “Mwan menm dipen lavi. Sa enn ki vin kot mwan pa pou zanmen lafen, e sa enn ki krwar dan mwan, pa pou zanmen swaf.

Se Lespri Bondye ki donn lavi; pouvwar zonm napa valer. Bann parol ki mon'n dir zot i Lespri e i lavi.

Pa travay pour nouritir ki gate, me travay pour nouritir ki dire pour lavi eternel. Sa nouritir, Fis-de-Lonm ki pou donn zot, akoz Bondye, mon Papa, in met mark son lotorite lo li.”

Sa ki mon Papa i oule, se ki sa enn ki war son Garson e ki krwar li, ava ganny lavi eternel; e mwan, mon pou resisit li dan dernyen zour.”

Zezi ti reponn zot, “Travay Bondye se ki zot krwar dan sa enn ki in anvoye.”

Tou dimoun ki mon Papa in donn mwan pou vin kot mwan, e mon pa pou zanmen pous personn ki vin kot mwan.

Simon Pyer ti reponn li, “Senyer, kote nou pou ale? Ou annan parol ki donn lavi eternel.

Mwan menm mwan sa dipen vivan ki sorti dan lesyel. Sa enn ki manz sa dipen ava viv pour touzour. Dipen ki mon pou donn li, se mon laser ki mon donnen pour ki lemonn i viv.”

Personn pa kapab vin kot mwan, si mon Papa ki'n anvoy mwan, pa atir li kot mwan, e mwan mon pou resisit li dan dernyen zour.

Annefe, dipen ki Bondye i donnen, se sa enn ki'n desann sorti dan lesyel e ki donn lemonn lavi.”

Mwan menm dipen ki donn lavi.

Zezi ti pran dipen, remersye Bondye e distribye avek tou bann dimoun ki ti la. I ti fer parey avek pwason, e tou dimoun ti manz otan ki zot ti oule. Kan zot ti'n rasazye, Zezi ti dir avek son bann disip, “Ranmas bann morso ki'n reste, pour pa fer okenn gaspiyaz.”

Bann disip ti'n naz zaviron pour senk oubyen sis kilomet, kan zot ti apersevwar Zezi pe marse lo delo. I ti pe apros zot kannot. Zot ti per. Me Zezi ti dir zot, “Mwan sa, pa bezwen per.”