Amavesi eBhayibheli adumile avela kokuthi Miamun 17

Dlulisela

Gubuʼ Abram udzufan waʼa 99 sib, da Yawe iwaʼ da araŋan da ini da araŋan ini binaʼ, “Dzi Anutu Garam Nampaŋ Wain. Wataŋʼ waraŋʼ i dzi nidzun aŋu da wayuŋ sanab rururuŋan namiŋʼ dzi maraŋgaŋʼ.

Da u biŋangam wasaŋʼ i ruŋʼ fariŋʼa bida Abram u (ibi ‘raman da biŋan tsiraʼ’), imaʼ. Da buŋʼ afariŋʼ nabi Abraham (ibi ‘ampibiŋan ramaŋgan’), i dzi rim agu isu garam wain wain ampibiŋan tafaŋgan.

Dzi buŋʼ ataŋin nangaŋʼ utusa i ruan miŋʼa ntiŋan namunti wasaʼ i dzi da agu da gam yaŋin rusam taptap. Da dzi buŋʼ asu agu da gam yaŋin rusam Anutu gan.

“Dzi Anutu nangaŋʼ udzudan mpruʼan da agu ibiani, u buŋʼ asu garam wain wain ampibiŋan tafaŋgan.

Da bitsintaʼ Anutu ini binaʼ, “Imaʼ. U finiŋgam Sara buŋʼ arim agu naruŋgam marub, da u buŋʼ afariŋʼ araŋan biŋaŋgan Isak (waiŋgan ‘irubuŋʼ’). Dzi buŋʼ autus i nangaŋʼ utusa i ruan gin nampruʼ da araŋan da gan yaŋiŋgan taptap da buŋʼ amiŋʼ ratar nantiŋ aŋu.

Intap Kanan santan aru agu mpada gin suda marawampua ani da dzi buŋʼ ataŋin nasu agu da tafam rusam gan nantiŋ, da dzi buŋʼ asu ribaraŋan Anutu gan.”

Abraham itauf maran iruʼ intap da irubuŋʼ da ini i uŋgan aŋu, “Mai! Isaŋʼ garam fufi udzufan waʼa 100 sib rima narun? Da isaŋʼ Sara rima mamaʼ narun da gan udzufan saŋʼa 90?”

Da Anutu itip ini da Abraham ibiani, “Anuŋʼ ruŋʼ fariŋʼa finiŋgam biŋaŋgan Sarai u. Imaʼ. Aruani da wafariŋʼ araŋan biŋaŋgan Sara.

Da nan utusa i ruan gin igi sanaban ibiani: Agu da garam sib aŋu ruta agu mpadan nasaf riniubit, da nasu bir i santiŋʼa nan utusa i ruan gin namiŋʼ wasaʼ i dzi da agu.

Da bitsintaʼ dzi buŋʼ autus i nangaŋʼ utusa i ruan gin da Isak, mamaʼ narun Sara buŋʼ arim da gubuʼ bida aruani da udzuf maŋan aga.”

Aruani da fada saŋʼa u yaŋiŋgam taptap, mamaʼ marub sib aŋu gubuʼ gan suda 8 sib, da nasaf i riniubit. Agu da narum rusam da sagat gum narun rusan da garam gum u uda miŋʼa rib fain da rima nam ntsuman gin sib aŋu nasaf riniubit nasu bir namiŋʼ nantiŋ.