Amavesi eBhayibheli adumile avela kokuthi Uraata Kizin Ŋgoŋana 2

Dlulisela

Petrus ipekel kwon ma iso: “Kozo kamap kotooro leleyom, mi kakam yok pa Yesu Krisi zaana. Naso sanaana tiom ila ne, mi ni ipomoozo yom ma ikam Bubuŋana Potomŋana piom.

Mi zin tiurur kat lelen pa sua kizin ŋgoŋana ki Yesu, mi tiluplup zin pa suŋŋana mi kini kanŋana.

Tana Bubuŋana Potomŋana izeebe zin wal tana lup, mi iparaurau kwon ma tiso sua ila karkari kalŋan.

Mi molo som na, tileŋ koroŋ kembei ta miiri biibi i. Imbul ki saamba, mi isu ma izeebe ruumu leleene ta timbotmbot pa i. To tire koroŋ kembei ta you miaana ipet, mi imureege ma isala tomtom tataŋa uten ma ikot zin. Tana Bubuŋana Potomŋana izeebe zin wal tana lup, mi iparaurau kwon ma tiso sua ila karkari kalŋan.

Mi aigule ta boozomen tilala ma tiluplup zin su Urum Merere kwoono. Mi tiparluplup zin la ruumu kizin kizin pa suŋŋana mi kini kanŋana. Mi tikanan kini raama lelen ambai men, mi tiwidit Anutu zaana. Paso, tiur kat lelen pini. Tana tomtom timap ma lelen pizin. Mi zin wal ta Merere ikamam uraata pizin be ikamke zin na, ni ipaŋgutŋguutu zin ikot aigule ta boozomen, ma tilala tigabgaaba zin wal urlaŋana kan.

Anutu iso: Indeeŋe mazwaana kaimer kana ma uraata tio iso ipet kat mat, na nio kola aŋkam Bubuŋoŋ ma isalakaala tomtom ta munŋaana men. To lutuyom bizin ma lutuyom moori bizin ko tiwe nio kwoŋ mi tiso kalŋoŋ pizin tomtom. Mi zin naŋgaŋ kaibiim ko tikeenetondo. Mi Anutu ko iswe koroŋ pakan pizin kolman ila miuŋana.

Mi zin urlaŋana kan tiluplup zin, mi tiparkamam zin ma ambai. Tomtom sa irao kwoono imbol pa koroŋ kini sa be iwe itutamen lene i na som. Koroŋ kizin ta munŋaana men, ta tiparrai pizin men. Pa tikamam mburooŋo pa koroŋ kizin, mi tiparrai pizin pakan ta len som i. Tabe zin ta boozomen len koroŋ irao.

Mi wal boozomen ta so titaŋroro Merere be iuulu zin, na ni ko ikamke zin ma timbot ambai.

Pa zoŋ kola iyaara mini som, mi lele zugut. Mi puulu mataana ko isiŋsiŋ. Uraata tana kola ipet muŋgu, mana nol biibi ki Merere be iswe mburaana ma ipet kat mat.