Amavesi eBhayibheli adumile avela kokuthi Añanar 3

Dlulisela

Asoxari an wat ko mëne atëx aŋ anënga kë nënga eƴamb el ga yek ako owati ol. Ga ỹandi këŋo onangëran or kë yëlënd ol, xwëca ko do ƴamb ko. Yël këŋo icën indexëm ind xetëna baŋo iŋ; mëŋ ɓëte ƴamb ko.

Andën aŋ ebax emacar end siti bax nëmëc gër ɗek ow̃acar oɓapuỹ or ɓaƴ këɓi Axwën Kaxanu ol. Akey amat, ga sëka këŋo asoxari an, w̃ëka këŋo: «Kaxanu dëŋ nde rek: “Wën këren ƴambënd na ɗek ɓatëx ɓand gër andëɗa ɓaŋ?”»

Wëno kë ri angoỹëra and wëj do gë asoxari aŋ, angoỹëra and andëw̃ëra andeƴ aŋ, do gë andëw̃ëra andexëm aŋ. Ar andëw̃ëra andexëm an ki sëkan ɓëlëɓël gaf in, do wëj eƴo ŋat gër etak.»

Axwën Kaxanu re këŋo ɓëte asoxari an: «Aɓaŝ këme ɓaŝ toro ind ɓacël ɓandeƴ iŋ, gë aƴambën këƴëɓi ỹana eƴëɓi dëw̃ënd oɓaŝ ol. Oñandi odeƴ ok gër icën indeƴ kë hi, do mëŋ ki w̃ëña.»

Gë asëw̃ëtëw̃a ir dëxas ireƴ in këƴ ỹana eƴ cotënd eƴamb ƴamb in, xali eƴ ɓaka gër ebar ed gër ed nëcëtëgu këmi; gayikwa obar hi këƴ, do gër ebar këƴ ɓaka.»

Axwën Kaxanu re këŋo ɓëte asoŝan an: «Gayikako asoxari areƴ an ɓaxët këƴo, do ƴamb këƴ atëx and ŝëɓan bami eƴamb aŋ, ebar el aw̃e kë w̃e në endeƴ; gë aƴambën këƴ ỹana eƴ nëcëtënd eƴamb ƴamb ireƴ in ɗek ɓakey ɓand aniyan andeƴ ɓaŋ.

Axwën Kaxanu re ko: «Noỹo wa nangën ki mëne tëɓ gë eman eŋ hi këƴ? Ba ƴamb këƴ nde atëx and ŝëɓan bami eƴamb aŋ?»

And w̃aỹ këɓi ɓela aŋ, Axwën Kaxanu xwët këɓi gand apën-eñan and andëɗa and Eden Ocerubeŋ do gë duxuma ir gë okoɗux ir kë ŝenarand. Mondako ŝëng ko fëña ir gër atëx and kë yëlënd aniyan in.

Ga xucak eŋo, asoŝan an yël këŋo asoxari arexëm an ow̃ac or «Xawa», mëne ngëŋ «Aɓëngw», gayikwa mëŋ ex nëm ir ɗek ɓër kë liyand ɓën.