Amavesi eBhayibheli adumile avela kokuthi Fingec fingec 17

Dlulisela

Anu Awram ye kifaya 99 ammanu KEBUNGO fingecmima yofi dema edeec, “Ni Anutu Kuctoa Mingina, ge neac kicfu kecengkecma hafoangoc ngic dindingac kecbesena.

Nga ni faiguai, imoc ge ngicngacareng homac yeneac kisicngina ambesannecac amma kpacga Awram imoc monggoc mi kpacgugecde. Yaguc ine kpacga Awraham ifi kpacgubesandae.”

Ni ge nga bangecfocga ngenigoc dzadzahac yofi ambade ni Anutungina amma kecengkecbesandua. Imoc ge nga bangecfocgaac fingecsahe nga yeneac fingecsahe yenigoc dadzahac imoc feengkecbesande.

“Negennec, ni gegoc dzadzahac mebade imoc yofi, ge ngicngacareng homac yeneac kisicngina ambesannec.

Ifi deu Anutungo yofi dema meremmiec, “Foracngoc, enengga Sara ye ine medacga mong meude ge yeac kpara Itsak kpacbesena. Nga neng yegoc dzadzahac meba imocngo bangecfora yenigoc fefeseri fekecbesande.

Anu Kenacan bangectoau yaguc kuric kecnec imoc hafoangoc ge nga bangecfocga ngemmeba mema mingina anggec ngeneac feengkecbesande nga ni Anutungina amma kecbesandua.”

Ifi deu Awraham ye kicmesuya bangecfu hetutuckema dzomoreec. Dzomorema ye yofi negengemeec, “Ngic mong ye kifaya 100 anu ye sabac mong naric mi kpeficgeude. Nga Sara ye kifaya 90 anu ye kogoc naric mi meude.”

Ifi dema torokpema Awraham yofi edeec, “Ge enengga kpara Sarai monggoc mi kpacbesena. Ni yaguc hanahema yeac kpara Sara deduae.

Sebinginaac tosea herecgegec imocngo ni nga ngeni botucninau dzadzahac fingerec fede imocac kpetea ambeso.

Anu dzadzahacna imoc ine Itsakaru meseribade. Sara ye kifa fanihau naso yofinenggac meude.”

Gearunac esamedacfocga nga bangecfocga erebesandaesoc yeni fingecgec uameme 8 imohai sebinginaac tosea herecgekecbisia. Nga wanacngic geac amau fingecgecde amma kuricngic yenearunac wanacngic silwadzongo bummeyununade nga geac esangabofocga me bangecfocga mi andae yeni ifingoc momoc sasawa kpete imoc medacbisia. Foracngoc, wanacngic geac amau fingecma kecgecde amma ngic silwadzonginango bummeyunugecde yeni sasawa sebinginaac tosea herecgebisia. Ifi anggec neac dzadzahacac kpete ngeneac sebiu fefeseri feengkecbeso.