Amavesi eBhayibheli adumile avela kokuthi Mbụlembu 3

Dlulisela

Nwanyị ono bya elee ẹnya l'akpụru oshi ono; bya ahụma l'ọ dụ ree k'eriri; bya amakwaphọ mma ele ẹnya; tẹme ọ nọdu agụkwa iya phọ ẹgu g'o ria akpụru oshi ono maru iphe. Ọ wọta iya ria bya anụkwapho ji iya, ẹphe l'iya tụko nọdu l'ẹka ono; o rikwaphọ.

Agwọ bụ anụ, shi kakọta ẹregede l'anụ-ẹgbudu, Chipfu, bụ Chileke meshiru l'ophu. Noo ya; ọ sụ nwanyị ono: “Chileke ?ọ sụkpooru g'ọ tọ dụshi akpụru oshi, nọ lẹ mgbabu-a, unu e-rije tọo?”

Mu e-me g'unu lẹ nwanyị-a bụru ọhogu; awa nkengu yẹe kẹ nwanyị-a a-bụkwarupho ọhogu. Ọo-zọpya ngu ishi; gụbedua emeka iya iphe l'ichirupfu ọkpa.”

Nwanyị ono bẹ ọ sụru: “Mu e-me g'iphe-ẹhuka, dụru ngu l'apa ẹpho-ime ka shii. Ii-jeje iphe-ẹhuka tẹme l'ị nwụa nwa. Ji ngu a-nọduje agụ ngu ẹgu; ọ bụru iya bẹ ịi-nọdu l'ẹka.”

Ịi-kụta ẹphuru phee tẹme l'i ria nri; gbiriri jasụ ị laphu azụ l'alị; eshi ọphu ọ bụ ẹja shi l'alị bẹ i shi. Ọo ẹja shi l'alị bẹ ị bụ; ọ bụkwarupho l'ẹja shi l'alị ono bẹ ịi-laphu azụ.”

Ọ sụ nwoke ono: “Eshi ọphu i kwetarụ ngabẹru nyee ngu nchị je eria akpụru oshi ono, mu sụru g'i ti rikwa ono bẹ I meakwaru; alị bụwaru iphe, mu tụru ọnu. Ii-jeje ozi mkpọnwu ẹhu tẹme l'i seta nri, ii-ri. Ọ bụru g'ii-je iya bụ ono gbiriri jasụ g'ịi-nọ-beru.

Ọ sụ iya: “?Bụ onye sụru ngu l'ị gba ọto? ?Ti riakwaru nụ akpụru oshi-a, mu sụru g'i ti rishi-a?”

Ọ chịfuchaepho nemadzụ lẹ mgbabu ono; ọ bya eje l'ụzo ẹnyanwu-awawa kẹ mgbabu Édẹnu ono; bya eworu ojozi-imigwe, bụ Chierobu dobe iya; bya edobe iya ogu-echi, charụ gbarara; tẹme ọ nọdu egbu swịiswiiswii iphu l'azụ g'o chee ụzo, e shi eje l'oshi ndzụ phọ nche.

Tọbudu iya bụ; nwoke ono gụa nyee ya ono Ivu; noo kẹle ọo-bụru ne ọha l'ophu.