Amavesi eBhayibheli adumile avela kokuthi Yowana 6

Dlulisela

N Yesu a ke chi mi̱n a yi ko, “Mi̱n nang chabtu ti̱tu ki̱ni ti̱kuritu. Wa be a bwan di̱mi̱ne a ne nwetu chunu we ki̱ki̱da. Wu a ke bi̱yili̱m a di̱mi̱ne, a ne ka nweeng dimwenu we.

Fi̱ki̱mu nang ti̱kuritu. Nam a nibu ti̱kuri. Chi mang fwa chimi̱ne Fi̱ki̱m n ti ti̱kuri.

Ti̱madu nangang baku chabtu ti̱tu ka kaiyadu kaiyanetuwe. Ti̱ma nangang baku chabtu ti̱tu a ne kaiyadu kaiyadi, ti̱tu ki̱ni ti̱kuri ki̱diya kwadi. Ti̱tu nang chabti̱tu Bwe Nii ka ni chi̱nitu. N Kwama a tu a ma di̱mwar di̱du ka swani̱n Bweko wu n ki̱n a ke ki̱ne.

Chi n Temi ki̱ badditu nang ti̱tu: Ni ki̱da̱ng Bwe, ki̱keti̱ bi̱yili̱m we di̱ki̱ne ki̱ni ti̱kuri ki̱diya kwaditu mang kukku ki̱nu we a di swan kute.”

N Yesu a ke ko, “Chitu n Kwama ki̱baddu ta maditu nang ti̱tu. Kanang chikiye, ti̱ke bi̱yili̱m we wu n ki̱n a tumme.”

Ni̱bu bi̱bu n Kwama a niiyimu kwang ka be bwa a di mi̱ne, wa be bwa a di̱mi̱ne nemang koonduwe.

Simun Biti̱r a ke ki̱mi̱n ko, “Tewuduwe, nang ya bwa a di̱wure? Mun nang nii ki̱ni ya̱m bi̱bu ki̱ni ti̱kuri ki̱diya kwadi̱me.

M mi̱n nang chabtu ti̱kuri ti̱tu a suwe a bwaditu. Ka wuwule nii wu ka chau chabtu ti̱te, a ne bwadu ki̱diya kwadu. Chabtu ti̱tu nam bwimiye wu mang nidu ke ti̱ti̱nitu a ya ti̱kuri ki̱diya kwadite.”

A ne nii ka be fi a di̱mi̱ne we, ka n ke wu Te a tume a di̱mi̱ne, mang kukku ki̱nu we di swang kute.

Ki̱danni Kwama nang ki̱n wa suwe a dii ki̱ni ni̱bu ti̱ti̱nimu ti̱kuriye.”

“Mi̱n nang ki̱danne wu ki̱ni ti̱kuriye.

N Yesu a da̱u ki̱danniyu a twa̱ba̱ bunitu we di̱Kwama, yinu a wulan a kera ni̱bu mi̱n, n kawure a yiu yinangu ka lwe ki̱nangu, a mati̱ chingiyi yiko. N kawure a ya yinang kangu n ka ki̱badangu. Yo n chi a chab a lwenge, a yi miyari̱m ki̱mu ko, “Ti̱mur ti̱buken ti̱tu a kulenitu ke chitu a kaiyaduwe kwang.”

N chi a si kwa̱mbi̱re mwe yinang siriyi Yuunu ka yurukune yinu n chi a ki̱la ku Yesu ki̱yadu a mwe, ki̱be bwa kwa̱mbi̱re mwe, miyari̱m ki̱mu a nwe taiyi. Aya n Yesu a yi chi ko, “M mi̱n! Ti̱nwedu taiyu we.”