Amavesi eBhayibheli adumile avela kokuthi Juan 6

Dlulisela

Ënät ja Jesús y'ënëmaayëtë: Ëjts jëtu'un tsajpkääky mëti'ipë ja juukyajtën yäjkpyën. Pën xynyimiinpës, nijëna'a kyayuu'ookëtëty; ets pën xymyëpëjkpës, nijëna'a kyatëëtsëty.

Ja Tios ja Jya'awën yë'ë ja juukyajtën yäjkpy, ka'ap tyuny mëti'ipë jam yë nyi'kx kyopkën. Mëti'ipë yam të ntukmëmëtya'aktën yë'ë mëti'ipë ka'ap yaj'ixyën je'eyëp ko yäjkpy ja juukyajtën.

Ko tii xytyuntëty ka'ap yë'ëkyëjxmëty ko ja kääky uuky xytsyoktë mëti'ipë këjxp najxpën, yë'ë mnituntëp mëti'ipë mmo'ojëtëp ja juukyajtën xëmëkyëjxmëpë. Ya'atë ja kääky uuky yakäämpy ja naaxwiinyëtë ja'ay ja y'U'unk, jä'ä ko yë'ë Tios Teety yë kutujkën të myo'oyë.

Ja nTeetyës tsyojkpy ets tpaatëty ja juukyajtën mëti'ipë ja Tios ja y'u'unk y'ijxtëpën ets myëpëjktëpën, jëtu'un tmëët'atëty ja juukyajtën xëmëkyëjxmëpë; ets oy ënäty të y'ooktë nyajjuukpyëkëpës ma ënäty xëëw jëmëjt kyixyën.

Ënät ja Jesús y'ëtsoowëtë: Mëti'ipë Tios tsyojkpyën ets xytyuntëty, yë'ë ets miits xymyëpëktëty mëti'ipë të tkexyën.

Tu'kë'ëyë mëti'ipës ja nteety të xymye'eyën, ëjts xynyimiinp; ets pën xynyimiinpës, nijëna'ajës nka'ixkäxëty.

Ënät ja Simón Pedro y'ëtsooy: Wintsën, ¿Pën n'ëkninëjkxtëpës? mijts yë'ë mnimëtyäkpy ja juukyajtën xëmëkyëjxmëpë.

Ëjts ja tsajpkääky mëti'ipë juukyajtën yäjkpyën ets tsajpjotmëpë të tsyoonyën, ko pën ya'atë tsajpkääky tkay, xëmëkyëjxm jyuuky'ata'any. Ja tsajpkääky mëti'ipës nyakäämpyën, ni'kx nkopkës ntijpy, mëti'ipës nyakäämpyën ets ja naaxwiinyëtë ja'ay tmëët'atëty ja juukyajtën xëmëkyëjxmëpë.

Ja'akyukë ijxtëm nëëmëtën, ka'ap tjëkyepy pën xynyiminëtyës pën ka'ap ja Tios Teety wyoowminyë, mëti'ipës të xykexyën, etsës yë'ë nyajjuukpyëktëty ko ënäty ja xëëw jëmëjt kyä'pxy.

Ja tsajpkääky mëti'ipë Tios yäjkpyën, jä'ä tsajpjotm tso'omp ets ja naaxwiinyëtë ja'ay ja juukyajtën tpaaty.

Ëjts ja tsajpkääky mëti'ipë ja juukyajtën yäjkpyën.

Ets ja Jesús tkoonë'ky tu'uk ja tsajpkääky ets ja Tios tkukajpxëy. Tääts ojts tujkwä'kxy ets tmooy ja ja'ayëty mëti'ipë ënäty jam u'unyääytyëpën. Näyjyëtu'un ojts tyajwä'kxy ja ajkx ets ojts yajmo'otë ja ja'ay jënu'un ënäty tsoktën. Ko ja ja'ay kyuxënëtë ets ja Jesús t'ënëmaay ja y'ijxpëjkpëtëjk: Pëjkmuktë yë natëkë ets ka'ap tii wyintëkoyëty.

Ko ënäty tëë mëkoxk mil ëkë tëtujk mil metrën nyëjkxnëtë nëë'itkujky ënät t'ijxpatë ja Jesús ko ja kepy nëëwinye'epyë tmëwinkony ye'epy mejy wiinkëjxm ets ojts tsyë'ëkëtë. Tääts ja Jesús y'ënëmaayëtë: Ëjts yë'ë, këtii mtsë'ëkëtë.