Amavesi eBhayibheli adumile avela kokuthi Yoane 15

Dlulisela

“Nani ayyani fino, buo itai atanata. Lia, ollo odulo 'to enoso jihoŋ buo fe ni adulo enoso jihonyi, oŋijak adi inyi eŋija arriai. Ittallihoto itai ihan obo ariŋ, alla abeŋ ni.

Oduloro inoso ikoŋ, adulo adi buo fe ni enoso ikatai. Ittallik atanai iŋijana inyi hama, alla abeŋ inyi inoso iyyani fino. Ihuo nyia buo fe, ittallihoto adi itai iŋijana eŋija elle ibiaŋata itai inosoti jihoŋ.

Elle irasati itai jihoŋ buo fe igottiette ekenita hoŋ, tania omojoti erre 'daŋ hunne iwahata itai, buo isiarani adi jihatai.

Ibiaŋata nyia itai inyimuna nani. Nani nyia anyimu itai buo fe egelu itai jio, oŋida itai ifuatta iŋijana eŋija arriai; eŋija hunno osioi 'to 'tulaŋ. Tania, isiarak adi Monyoŋ jihatai erre 'daŋ hunne imojoti itai jihonyi ta afure hoŋ.

Alla aye obo atulo te eram orriahat honyi, abuaran taji ania anna agalik 'to 'daŋ.

Igiguanya inyi addi atanata huttonoŋ 'daŋ hunno obeŋi 'to oŋiji; buo ihum isisou atanata 'daŋ hunno oŋijani 'to eŋija jio, oŋida tibuo isi ihumi iŋijana.

Esiarak ni itai Efahi ana: Ijiara abuaran taji hatawana ihiji hatai ihuo onno obuarari ataji hoŋ itai.

Itahutana akuatan ono Monyoŋ ta aŋijana hatai eŋija arriai. Tania, irata adi itai ahejifak hoŋ.

“Nani ayyani fino ahode hode, buo Monyoŋ ara a hedulani honyi.

Lia, ollo obeŋ 'to odulo enoso jihoŋ, iruoŋori adi inyi addi ihuo atanai, ette iyohojoro. Aharanyuni adi atanata hunia, ette iruoŋonia ihima, ette eema ituk isi.

“Eramak ni itai erre huna jio, oŋida bati amuno hoŋ owon jihatai, buo fe oŋida bati namuno hatai ottuba.

Elle iniŋiete itai efahita hoŋ, odulo adi ataji hoŋ abuaran itai, ihuo anna aniŋiere ni efahita Monyoŋ buo fe ataji honyi odulo abuaran nani.

Ehum ni iramana itai ariŋ ana: ijiara abuaran taji hatawana ihiji hatai.

Elle irata duo itai a hulo afau ana, obuori duo atajia waati afau ana itai. Ati anyimuni ni itai jio aati afau ana. Tania, ibiaŋata itai inyiahata irahan a hulosi, inyi onno oliwarik isi itai.