Amavesi eBhayibheli adumile avela kokuthi JUAN 10

Dlulisela

“Niźaśa ni thañiki khiśxapaqaś thonćha, niźaśa konśxapa niźaśa źoñinaka aqśxapa thonćha; ans werhki thonchinćha anćhuk źetchiśpan khexo, niźaśa ana miransñi źelinchiś khexo.

Niźaśa werhtćha śuma awatiritki. Ni śuma awatiriki ni üśanakź layku perśun źeti thäćha.

Niźaśa weth üśanakaki weth xora ćhhaxśñićha, niźaśa werhki ninaka paxućha niźaśa ninakaki werh apźa.

Niźaśa werhki wiñay źetil thäwućha, niźaśa anaź jëkhmi qatakićha niźaśa ana jëkhmi wethkiśtan qhañasaćha.

Werhtćha ni śanaki: Niźaśa werh nuź luśhñiki liwrïtaź khekićha. Niźaśa ulanñi luśhñi niźaśa paśtunaka wathźñi üśaźtaqaś khekićha.

“Niźaśa werhtćha śuma awatiritki niźaśa weth üśanaka paxućha, niźaśa ni wethtanakaki werh paxćha

Niźaśa ni weth Epiź thätaki, thapatiźkiśtan paqhićha, niźaśa anaź jëkhmi qhañi atasaćha. Niźaśa Ephźtan wethtan tshiqaśśa.

niźaśa xaqhnuź weth Eph werh paxćhaxa, xalla nuźuśaqaś werhki weth Eph paxućha; niźaśa werhki weth źeti ni üśanakźkiś thäwućha.

Niźaśa anaź weth źeti jëkhmi qhañasaćha, ans weth perśun quśtanl thäwućha. Niźaśa werhki źeti thäśtanpanćha niźaśa thanśtanśaqaśśa wilta źethśxapa. Xalla tïćha weth Ephźkiśtan tanźta lïki.”

Neqhśtan Jesusaki wilta chïchićha: “Anćhukakiś cheqpachal chiyućha: Werhtćha ni üśanaka watś śanaki.

Ans ni pakśunalta lanqśñinakaki ni qitź sika thonan śhoxźa, xalla nïki anaćha śuma awatiri niźaśa ni üśanakaki anaćha niźta. Neqhśtan ni qitź sikaki ni üśanakźkiś makhatźkićha niźaśa ni üśanakaki thapa qhutñi thirqattaćha.

Neqhśtan Jesusaki khichićha: “Cheqpachal chiyućha, xalla ni üśi uykiś ana śankiśtan luśhñiki anawal thañićha.