Amavesi eBhayibheli adumile avela kokuthi Yohane 10

Dlulisela

Umung’o ena eshila ukwiba, ukwipaya nokonaula. Nomba nebo nalisa ukuti mwise mube nobumi, ubumi ubwinenene.

“Nine chembela uuweme. Chembela uuweme apela ubumi bwakwe pamulandu wambelele.

Mbelele shanji shilomfwa ishiwi lyanji, nandibo nalishishiba, nasho shilankonka.

Elo ndashipela ubumi butashila. Tashakafwepo nakambi takupo uwingashipokolola kuli ne.

Nine mulyango. Umuntu onse uwinjilila pali nebo akwisa kupuluka. Akwisa kwinjila mukati nakambi nokufuma nokusanga ichakulya.

Nomba nebo nine chembela uwawama. Nalishiba imbelele shanji, nasho shalinjishiba.

Pantu Bata abampela bakulu ukuchila pali bonse, epo takuli umuntu nangu umo uwingashifumpula muminwe yaku Bata. Bata nandibo twaba umo bwaka.”

Ukubati nimfilya Bata banjishiba, nandibo nalibeshiba Bata. Pamulandu ngu nalipela ubumi bwanji pamulandu wambelele.

Takupo umuntu uwingafumya ubumi bwanji kuli nebo, kuntu ndabutula nemwine. Ndikwete ifiso fyakubutula, nakambi nokubutola nemwine. Nchi echo Bata bansambisha ukuti nchite.”

Nakambi Yesu asosele kuli bo ati, “Nachine nkomweba ati, nine mulyango wambelele.

Umuntu uwamilimo, uutali chembela uuweme nakambi tashilipo nimbelele shakwe, ulo abona umumbulu akoyisa, alashisha imbelele nokubutuka. Echo umumbulu ulashisumaula nokushipalanganya.

Yesu asosele ati, “Nachine nkomweba ati, umuntu uutenjilila pamulyango wechinka lyambelele, kuntu akoyinjilila pambi, emung’o nowakufumpula.