Amavesi eBhayibheli adumile avela kokuthi Yohane 14

Dlulisela

“Nkomushila umutende. Nkomupela umutende wanji. Nebo nshikomupelapo ukubati nimulya ichalo chipelela. Mwilenga musakamikwe nokutina.

Yesu alimwasukile ati, “Nine inshila, nokwebesha nobumi. Takupo uuya kuli Bata, sembi apitila muli ne.

“Imitima yenu yisakamikwa. Chetekeleni muli Lesa nakambi chetekeleni muli ne.

Kafwa, ewo Umupashi Wabuta, uwo Bata bakumutumina mwishina lyanji, akwisa kumusambisha ifintu fyonse, elo akwisa kumwibukisha ifintu ifyo namwebele.

“Uyo onse uupokelela amafunde anji nokualama, ewantemwa. Bata bakumutemwa umuntu onse uwantemwa, nandibo nakumutemwa nakambi nokuyifisulula nemwine kuli ye.”

Elo nakuya kufumba Bata, epo bakoya kumupa kafwa umbi, uwakwikalilila namwe lonse. Ngu Mupashi uusambisha ifyakwebesha. Ichalo tachayise kumupokelela, pantu tabamubonapo nangu ukumwishiba. Nomba mwe mulimwishibile pantu ekala namwe nakambi ali muli mwe.

Elo nakwisa kuchita fyonse ifyo mwakwisa kulomba mwishina lyanji ukuti Bata bachinshikilwe mu Mwana wabo. Nga mwalomba akantu akali konse mwishina lyanji, nakuchita.

“Nga mwalintemwa mwakulama amafunde anji.

Munanda yaku Bata muli ififulo fyakwikalamo ifinji. Nga tachali mfi nga nalimwebele. Nkoya mukumuwamishisha ififulo.

Panuma yakumuwamishisha ififulo, nakubwela nakambi ukuti njise mutwale uko ndi ukwebati uko njikala namwe eko mukekale.

Elo Tomasi asosele kuli Yesu ati, “Bashikulu, fwebo tatwishibilepo uko mukoya. Mba twakwishiba shani inshila?”