Amavesi eBhayibheli adumile avela kokuthi Methiu 7

Dlulisela

Maañgo to tumme dewa jaai, khojo to tumme mili, nok karo to tumhaar khaatir khola jaai.

Yahi khaatir jon koi maañge hei, uske mile hei, aur jon khoje hei u paawe hei, aur jon nok kare hei uske khaatir khola jaai.

Jon hamaar i baat sune hei aur uspe chale hei, u ek samajhdaar admi ke rakam hei jon aapan ghar chaṭṭaan pe banaais hei.

Jeise tum mañgta hei ki dusra log tumhaar sañghe kare, weisaiyeñ tum bhi uske sañghe karo. Yahi Maozas ke niyam aur nabi log ke ṭeeching ke matlab hei.

Lekin patra rasta kaṛa rasta hei aur wahi rasta jeewan ke paas le jaai, aur i khali thoṛa log ke mile hei.

Patra rasta se halo. Chauṛa rasta u rasta hei jon bahut sahaj hei, aur wahi rasta museebat ke bagal le jaay hei, aur bahut log yahi rasta pe chale hei.

Kharaab hoy pe bhi agar tum log aapan laṛkan ke achchha achchha cheej deta hei, to tumhaar swarag ke Pita maañge waala ke achchha achchha cheej kaahe nai dei?

Dusra pe dos nai lagaao, ki jisse Parmeshwar tum pe bhi dos nai lagaai. Jon rakam tum dusra pe dos lagaayga wahi rakam Parmeshwar bhi tum pe dos lagaai. Jeise tum dusra ke sañghe karega, weisaiyeñ tumhaar sañghe bhi hoi.

Jon koi hamaar i baat sune hei, lekin uspe nai chale hei, u ek muurakh ke rakam hei, jon baalu pe aapan ghar banaais.

Jab tumme aapan aañkhi ke dhabba ke pata nai, to tum aapan bhaiya ke aañkhi ke meila kaahe dekhta hei? Jab tumhaar aañkhi meñ dhabba hei tab tum aapan bhaiya se keise bolega, “Ham tumhaar aañkhi ke meila ke nikaar dei.”

Jhuṭṭa nabi log se husiaar rahna! Ulog bheṛa ke bhes meñ tumhaar lage aawe hei, lekin u bhittar se jañgli bheṛiya rahe hei. Ulog ke fal se tum ulog ke jaan lega. Kaa kabhi kaaṭa waala peṛ se añguur aur anjeer (fig) fare hei?

Yahi rakam sab achchha peṛ achchha fal dewe hei aur kharaab peṛ kharaab fal dewe hei.

Achchha peṛ kharaab fal nai de sake hei aur naa kharaab peṛ achchha fal.

Jon peṛ achchha fal nai dewe, uske kaaṭ ke aagi meñ feñk dewa jaay hei.