Amavesi eBhayibheli adumile avela kokuthi Matie 6

Dlulisela

Kanda ale ĩ kpã bɛ ĩ uzu na ndo lo Lɛngɔ Gbia tɛ Nzapa, ĩ́ li nga ye na seni, nga ma se mɛ lo ye, wadila Nzapa ahɛ̃ nga ĩ atanga aye mɛ ndɛ̃ zu.

Ta bɛ ĩ asɔ na lo ti lá ti ndã ma, na lo mɛ ya, lá ti ndã na gangɔ nga na pɛnɔ tɛ lo nvɛni. Bi kɔi kɔi na pɛnɔ tɛ lo.”

Yezo apa ya: “Na lo ni la mbi pa hɛ̃ ĩ ya, na lo ti du tɛ ĩ ko, ta bɛ ĩ asɔ na lo ti tɛ, nga na lo ti ye ti nyɔngɔ mɛ ĩ na gwɛ̃ ni ma. Na lo ti tɛrɛ ĩ ko, ta bɛ ĩ asɔ na lo ti bɔngɔ mɛ ĩ na gwɛ̃ ti yungɔ ma. Ta sanga ma, du tɛ zo adu ngbondoni aɔ tɛ, tɛrɛ zo adu nga ngbondoni aɔ bɔngɔ. Ta seni la ma?

Kanda na ngoi ko la mɔ ye tɛ mɔ sambelangɔ ko, ale bo mɔ kɔi mɔ li ka ya da tɛ mɔ ti langɔ, mɔ vĩ nyɔ ngise pɛ mɔ. Ko mɔ vɔrɔ To mɔ me so ndo ko, na ndo mɛ ta zo da ma. Wa gbanda To mɔ mɛ ndohũ ye mɛ mɔ ndoli na gbɛ mbingo, ahɛ̃ mɔ mbana gɛrɛ mɔ.

Wa ĩ ba se mɛ ale ĩ ndosambela na ni lo mɛ: ‘To e mɛ ka yayu, Azi atɔndɔ bɛ ili mɔ mɛ santo ma ke! Mɔ ga bɛ mɔ lɛ gbia na ndo azi zu ma ke! Azi ali bɛ ye ge tise na se bɛ mɔ, Nga ma se mɛ andoli na ni ka yayu ma ke!

Hɛ̃ e lá olo mɛ tɛ mɛ alengbi ti sĩngɔ ya e.

Ka lɛ mɔ ndo siɔ ye tɛ e, Nga ma se mɛ e ndoka na lɛ e ndo siɔ ye Mɛ azi ndoli tɛrɛ e.

Ta mɔ ye ya Satana atara bɛ e ma, Wa hã e ka gbɛ ti lo mɔ zi. [Ta sanga ma, lɛngɔ gbia, na nguru, nga na ndima adu na lo tɛ mɔ buru na buru! Seni la.]’

“Biani, se ĩ ka lɛ ĩ ndo siɔ ye mɛ afɔ̃ ĩ ali tɛrɛ ĩ ko, To ĩ mɛ ka yayu aka nga lɛ lo ndo siɔ ye tɛ ĩ.

Ĩ ba ahũ ti lɛ ndozu hĩ. Ta ala ndolu tɛ ma, ta ala ndokɔ tɛ ma, ta ala ndobombi nga tɛ ka ya gɔ ma, ko To ĩ mɛ ka yayu ndokã la na tɛ! Singa na ahũ o singa na ĩ mɛ ĩ ɔ la ma!

Yezo apa ya: “Ta ĩ bo nwa ge tise na lo tɛ ĩ nvɛni ma. Ta sanga ma, ge tise ko, kangi na sɔ alengbi ti tɛngɔ ni, awa nzĩ alengbi nga ti kongɔ nyɔ da, nzĩngɔ ni. Kanda ale ĩ ndobo nwa tɛ ĩ ka yayu. Kai ko, ta kangi bere sɔ alengbi ti tɛngɔ ni ma, ta awa nzĩ alengbi nga ti kongɔ nyɔ da, nzĩngɔ ni ma. Ta sanga ma, ndo ko la ĩ ndokpã na nwa tɛ ĩ ko, ndo mɛ nga ĩ ndokpã bɛ ĩ da la.”

Yezo apa ya: “Ta zo kɔi alengbi ti Iingɔ kwa hɛ̃ agbia se ma. Se lo li so ko, bɛ lo akɛ̃ kɔi, ko bɛ lo aye omɛ ndɛ̃, lo ma nyɔ kɔi, ko lo samana na omɛ ndɛ̃. Ta ĩ lengbi ti Iingɔ kwa hɛ̃ Nzapa, ko ĩ li nga kwa na lo ti luangɔ nwa ma.”

Singa na asã mɛ da na lá olo, ko na ndã asa ni ya wá azɔ ko, Nzapa ndoli ya, ala du na nzere mɛ nzɔ̃ni, o singa na ĩ ma! Lo na yungɔ ĩ na bɔngɔ. Ĩ du azi mɛ ta ĩ ye lo tɛ lo kpa ma!

Kanda na ngoi ko la mɔ hɛ̃ tɛ mɔ faranga hɛ̃ awa yɛlɛ ko, li na se kɔdɛ mɛ ya, abɛ nga fɔ̃ mɔ mɛ so tɔ̃nda mɔ ko, ta lo hĩnga ma. Li so ya, ye ko la mɔ hɛ̃ ko, angbã na gbɛ mbingo, ko gbanda To mɔ mɛ ndohũ ye mɛ mɔ ndoli na gbɛ mbingo, ahɛ̃ mɔ mbana gɛrɛ mɔ.”

Yezo apa ya: “Ĩ bata li ĩ na lingɔ anzɔ̃ yɛ mɛ ĩ ndoli na lo tɛ Nzapa. Ta ĩ li ni bo na se kɔdɛ mɛ ya, azi ahũ ĩ ma. Se ĩ li so ko, ta ĩ lua mbana gɛrɛ ĩ ka tɛ To ĩ mɛ ka yayu ma.

Yezo apa ya: “Ngoi mɛ se ĩ kɛ̃ tɛngɔ ye so vɔrɔngɔ Nzapa ko, ta ĩ du na vundu nga ma awa poroso ma. Ala ndogbe lɛ la, so fangɔ na azi zu ya, ani kɛ̃ tɛngɔ ye so vɔrɔngɔ Nzapa. Mbi pa hɛ̃ ĩ ti bɛta tɛnɛ ya, ala pia alua mbana gɛrɛ la wɛ. Kanda na ngoi ko la mɔ kɛ̃ tɛ mɔ tɛngɔ ye so vɔrɔngɔ Nzapa ko, kpo lɛ mɔ, mɔ sua nga kwa li mɔ, ya ta azi ahĩnga ya, mɔ kɛ̃ tɛngɔ ye ma. Ko bo To mɔ kɔi mɛ so ndo ko, lo mɛ ta andohũ lo ma ko, lo hĩnga ya, mɔ kɛ̃ tɛngɔ ye. Ko gbanda To mɔ mɛ ndohũ ye mɛ mɔ ndoli na gbɛ mbingo, ahɛ̃ mɔ mbana gɛrɛ mɔ.”