Amavesi eBhayibheli adumile avela kokuthi GENESISE 6

Dlulisela

Jehofa a ikwatlhaya ka a dirile motho mo lefatsheng, mme ga mo tlhokofatsa pelo.

Mme Jehofa a bona fa boikepo jwa motho bo le bogolo mo lefatsheng, le go akanya ga megopolo ya pelo ya gagwe gotlhe, go le bosula ka metlha yotlhe.

Mme Noa ene a bona bopelotlhomogi mo matlhong a ga Jehofa.

Tse, ke tsone ditshika tsa ga Noa. Noa e ne e le monna yo o siameng, a itekanetse mo ditshikeng tsa gagwe; Noa a sepela le Modimo.

Jehofa a re: “Ke tlaa senya motho yo ke mo dirileng ke mo tlosa mo lefatsheng, ene motho le phologolo le sebatana le se se gagabang le nonyane ya loapi; gonne ke a ikwatlhaya ka gobo ke di dirile.”

Ga dirala, e rile batho ba simolola go ntsifala mo lefatsheng, ba tshola bana ba basetsana. Bomorwa Modimo ba bona bomorwadia batho fa ba le bantle, jalo ba tsaya basadi mo go bone, botlhe ba ba ba ratang. Jehofa a re: “Mowa wa me ga o ketla o nna o ganela le motho ka bosenabokhutlo, ka gobo le ene e bile ke nama. Le fa go ntse jalo malatsi a gagwe a tlaa nna dinyaga di le 120.” Ga bo go le mekaloba mo lefatsheng mo malatsing ao. Le gone morago ga moo, fa bomorwa Modimo ba tsena mo go bomorwadia batho, ba tsala bana nabo, bao, e ne e le banna ba ba diganka tsa metlha ya bogologolo; banna ba ba itsegeng.

Noa a dira jalo; mo go tsotlhe tse Modimo o di mo laoletseng, a dira fela jalo.

Modimo wa raya Noa wa re: “Bokhutlo jwa batho botlhe bo fitlhile fa pele ga me; ka lefatshe le tletse thubakano ka ntlha ya bone. Bona, ke tlaa ba senya mmogo le lefatshe.

Itirele ntlo e e kokobalang ka dikgong tsa morukudu; dira matlwana mo ntlong, o e kane ka boka ka fa teng le ka fa ntle.

Modimo wa bona lefatshe, mme bona, le ne le senyegile; gonne batho botlhe ba sentse mekgwa ya bone mo lefatsheng.

Mo go tsotlhe tse di tshelang; tsa nama yotlhe, o tseye di le pedi tsa ditshika tsotlhe, o di ise mo ntlong eo go di tshedisa nao; di nne e tona le e namagadi.