Amavesi eBhayibheli adumile avela kokuthi KEUJADIAN 6

Dlulisela

Gobnyan pih ka teulah sabab ka geukeubah awaknyan ateueh rhueng bumoe. Gobnyan that-that keucewa

TUHAN geukalon padub na jeuhet-jeuhet jih ureuëng-ureuëng nyang na ateueh rhueng bumoe nyoe; nyang jipike lé pikeran awaknyan mandum na kheueh nyang jeuhet-jeuhet.

Teuma Nabi Nuh galak that bak até TUHAN.

Nyoe kheueh riwayat Nabi Nuh. Gobnyan na aneuëk lhée droe dan ban lhée nyan aneuëk agam, geuboh nan jih maséng-maséng Sem, Yafet dan Ham. Nabi Nuh hana geupeubuet salah, dan gobnyan kheueh sidroe ureuëng nyang jroh nibak jamén nyan. Gobnyan udeb saleh dan krab that ngon Po teu Allah.

sampoe geupeugah lagée nyoe, “Teuma Ulôn peupalo manusia nyang ka Ulôn cebta nyan, dan mandum cicém-cicém meunan cit beulatang nyang laén, sabab Ulôn teulah that ka Ulôn cebta awaknyan.”

Watée manusia ka meutamah le dan ka meutabu bansigom donya, dan aneuëk-aneuëk inong ka na teupeulahé, makhluk-makhluk ilahi geukalon bahwa aneuëk-aneuëk dara nyan lagak-lagak. Laju jimeukawen ngon dara-dara nyang awaknyan galak. Teuma meufeureuman kheueh TUHAN, “Ulôn hana Lôn bri manusia udeb siumu masa; awaknyan makhluk fana, nyang harôh maté. Phon saát nyoe umu awaknyan hana leubeh nibak 120 thon.” Bak jamén nyan, dan meunan cit óh ka lheueh nyan, na ureuëng-ureuëng rayeuk badan lagée gogasi ateueh rhueng bumoe. Awaknyan keuturonan aneuëk-aneuëk dara manusia nyang meukawen ngon makhluk-makhluk ilahi. Ureuëng-ureuëng rayeuk badan lagée gogasi nyan na kheueh pahlawan-pahlawan rayeuk dan ureuëng-ureuëng nyang paleng meusyeuhu bak watée jameuen purbakala.

Nabi Nuh laju geupeubuet peue-peue nyang ka geupeurintah lé Allah ubak gobnyan.

Dan meufeureuman kheueh Po teu Allah ubak Nabi Nuh, “Ulôn ka lheueh Lôn cok keuputosan banmandum makhluk Lôn peubinasa. Ulôn teuma Lôn peuranab awaknyan meusajan ngon bumoe, sabab bumoe ka peunoh ngon buet nyang keujam nyang jipeubuet lé awaknyan.

Peugét kheueh saboh kapai kayée keu gata nyang kong ngon teuga; lam kapai nyan gata peugét meukama-kama, gata lapek laju ngon ter bah kheueh nyang na didalam meunan cit dibagian luwa.

Allah geukalon donya nyan dan nyang geukalon na kheueh buet nyang jeuhet mantong, sabab mandum manusia jeuhet udeb jih.

Peutamong kheueh lam kapai nyan saboh agam dan saboh inong nibak tieb-tieb jeunéh cicém dan beulatang nyang laén, mangat awaknyan hana rhot ubak binasa.