Amavesi eBhayibheli adumile avela kokuthi MATIUS 6

Dlulisela

Ca nat, e Allah Pemerintah bi binip awut batakamceceremey. Caram ow tarowat batakamememporey. Aramat ipic masirin, e wunas takas car atatamceman.

Inimas ara, e to aemcokomas, bi binip jirow arapok. Wow arop bajurusemas ara. Toam arop bajurusemas ara. Wun bajurusemas bi binip jirow arapok.”

Inimas ara, caram jakaperey. E aancokom amos pok, car tetakay mememas ara. E nat, car e aancokomas, bi binip jirow arapok. Caram e cadam ajimomcokom pakaian, bi binip jirow arapok. Tetakay memem, bare penting awut ara. Amos pok nat, penting awut opok. Asmat damam penting awut ara. Pakaian nat, penting awut opok.

Ca nat, janim Allah aanimcokom, e cakamar aman mamjiwtotorey, wunam e jimasap mamkapimapomey. Car masirin, janim Allah mamanimey. Ow caricipic bi bapor opok aemames. E nat, aramat ipic, e carop aecokomas aporcema. Ar masirin, asan akat car atetamcema.

Janim Allah aanimcokom, inim janim mamanimey: ‘Daricipic onam op awapem. Ow, e ojuwas akatnakut baporcenes. E o Pemerintah baenawcow. E onam op ow e akat apormemas jipu aemames. Awames capinmi owam e akat apormemas jipu baemces.

Wow e dajak banapitapas amos tetamcarowey.

Dar ow e aomforowos pwicakas, bi binip emcajiwosomfom. Inimas ara, owam e aemorom pwicakas, bi binip biwosomey.

Or Iblis dar dosa bwem bacajijimtaw batetam arapok. Oram e Jokmen Ipic da bajurusumas, ajortewcarowey.’ Inim janim Allah mamanimey.

Car kawey ow e car aomfan pwicakas, bi binip ajiwosomcokom, e onam op caricipic e aemfokom pwicakas, bi binip ajiwosomcema.

E op sok manmok tiwporey. Ar pok akan batewapom opok. Aram amos bajow opok. Aram pok cem aman batawanimapom opok. E nat, e onam op caricipic amos pok e sok atatamama. Bare, car penting awutut ara. E sok nat, penting awut opok.

“Caram pok awames capinmi batawanim arapok. Arasan ara, osot, pok, jof asesewma. Pokam as aapjitotorma. Osom owam e cem daniwis aamames, wunam pok osom aemes. Ca nat, pok e onam op capinmi mamtawanimey. Erasan ara, osot pok jof basesew opok. Pokam as bapji opok. Osom owam pok osom bwe, cem daniwis bam opok. Bare, car e capok asan bemap, jak aseremapmokom.”

“Kerja bwemtam ipic, kerja aramat ipic jamnuk, inim kerja bwememtam asan opok. Ar wun ipic bifan afayomcema, wunam e wun ipic damos ajiomcema. Ar e wun ipic ajamkawicema, wunam e wun ipic pwicak aporcema. Car, Allah kerja bwemtamam, awames capinmi pok batewet bi binip awut baceceremam, a jamnuk takas cowkon bwemem asan opok.

Bare, e wasan pok, wow awamces. Asep jofay masirin, ow e pok jis afamtiwcemes. Allah nat, e pok akatipic aemapomef. Bare, aramat ipicam pakaian car atetamceman araman— e ca basicimkurum opok owam ara.

Ca nat, pok e pok opok ow atetamcokom, umuton arapok. E cajowow anakatam e aemcokomas baporasin. Inimas e atetamcokomas, bare curuwas ara. E onam op caricipic masirin, e curuw aemcokomas aporcema. Inimas ar asan akat car aomcema.”

“Caram pimicima. Car e akat aemamokomas, kawey ow bipu bwem arapok. E ow car e akat aemamokomas bwem manmok batiwasin. Car e carakatas kawey ow bipu aemcokomnew, e onam op caricipic asan akat car momom opok aemcema.

“Car amos pok amaseemcokom, car e pir bwe ow inim cimin bi ciri memem arapok. E ow, wun bi ajaworemcemes. Eras, ar amos pok amaseemames baporomas ara. Atakamnak ara, asmat owin, e ow asicimcemes. Allah nat, e ow basicim opok aemcema. Car amos pok amaseemcokom, e cakus fin mamceceremey. E cabiam bwi mamcicikimey. Kawey ow, car amos pok bamaseem baporasin. E caricipic nat, aporcema. Ow, aramat ipic bi bapor opok aemames. E nat, aramat ipic, e carop aemamokomas aporcema. Aram asan akat car aomceman.”