Amavesi eBhayibheli adumile avela kokuthi IzAga 13

Dlulisela

Ohamba nabahlakaniphileyo uyakuhlakanipha, kepha umngane weziwula uyakushoshozelwa yizo.

Olinda umlomo wakhe ugcina ukuphila kwakhe; okhamisa izindebe zakhe uyakuba nencithakalo.

Oyeka uswazi uyazonda indodana yakhe, kepha oyithandayo uyayilaya ngesineke.

Ithemba elilitshazisiweyo ligulisa inhliziyo; isifiso esigcwalisiweyo singumuthi wokuphila.

Ukulunga kuyamlondoloza ondlela yakhe iphelele, kepha ububi buyachitha isoni.

Imfuyo etholakala kalula iyancipha, kepha obutha kancane kancane uyandiselwa.

Ngokuziqhenya kuvela ukuxabana kuphela, kepha kwabalulekwayo kukhona ukuhlakanipha.

Olungileyo ushiyela abantwana babantwana bakhe ifa, kepha ingcebo yesoni ibekelelwa olungileyo.

Indodana ehlakaniphileyo iyalaywa nguyise, kepha isideleli asilaleli ukukhuzwa.

Ubumpofu nehlazo kukuye onqaba ukulaywa, kepha onaka ukusolwa uyadunyiswa.