Amavesi eBhayibheli adumile avela kokuthi KwabaseRoma 12

Dlulisela

ningalingisi leli zwe, kodwa niguqulwe isimo ngokwenziwa ibe ntsha ingqondo yenu, ukuze nibe nokuhlolisisa okuyintando kaNkulunkulu, okuhle, nokuthandekayo, nokupheleleyo.

Ngakho ngiyanincenga, bazalwane, ngobubele bukaNkulunkulu ukuba ninikele imizimba yenu ibe ngumnikelo ophilileyo, ongcwele, othandeka kuNkulunkulu, kube ngukukhonza kwenu kokuqonda

ethembeni nithokoze; osizini nibekezele; ekukhulekeni niqinisele njalo

Unganqotshwa ngokubi, kodwa nqoba okubi ngokuhle.

thandanani ngenhliziyo ngothando lobuzalwane; ekwazisaneni nandulelane

Uthando malungabi nakuzenzisa; nenyanye okubi, nibambelele kokuhle

uma kungenzeka, ngokwenu hlalisanani ngokuthula nabantu bonke

ningaziphindiseli nina bathandwa, kodwa dedelani ulaka, ngokuba kulotshiwe ukuthi: “Ngokwami ukuphindisela, ngiyakubuyisela mina,” isho iNkosi.

ekukhuthaleni ningenqeni, nivuthe emoyeni, nikhonze iNkosi

Ngokuba ngomusa engiwuphiweyo ngisho kulowo nalowo phakathi kwenu ukuthi angacabangi athi mkhulu kunalokho afanele ukukucabanga, kodwa acabange kube ngokuqonda, njengalokho uNkulunkulu abele lowo nalowo isilinganiso sokukholwa.

Ningaphindiseli muntu okubi ngokubi; nakani okuhle phambi kwabantu bonke

Manibe nhliziyonye; ningazindli okuphakemeyo, kodwa yaneliswani ngokuphansi. Ningazishayi abahlakaniphileyo.

Kepha: “Uma isitha sakho silambile, siphe sidle; uma somile, siphuzise, ngokuba ngokwenza lokho uyakube ufumbela amalahle avuthayo ekhanda laso.”

Babusiseni abanizingelayo; busisani, ningaqalekisi. Thokozani nabathokozayo, nikhale nabakhalayo.

hlanganyelani nabangcwele ekusweleni kwabo, nikhuthalele ukungenisa izihambi.

Ngokuba njengalokhu sinezitho eziningi emzimbeni munye, kepha izitho zonke azinamsebenzi munye, kanjalo thina esibaningi simzimba munye kuKristu, kepha ngabanye siyizitho, omunye esomunye.