Amavesi eBhayibheli adumile avela kokuthi YAHYA 6

Dlulisela

“Sengko' reya Roti se aberri' kaodhi'an,” dhabuna Isa ka reng-oreng jareya. “Oreng se nyander ka Sengko' ta' kera lapar salanjangnga. Ban oreng se parcaja ka Sengko' ta' kera pelka' salanjangnga.”

Se maodhi' manossa iya areya Errohna Allah. Kakowadanna manossa dibi' tadha' gunana. Pa-apa se ekoca'agi Sengko' reya dhabuna Errohna Allah se aberri' kaodhi'an.

Ba'na ja' alako polana terro olleya kakanan se bisa tadha' ban bucco'. Ba'na kodu alako sopaja ba'na olleya kakanan se ta' bisa bucco' ban se madhateng odhi' se saongguna ban se langgeng. Ba'na bakal narema'a kakanan jareya dhari Pottrana Manossa, sabab Pottrana Manossa jareya la elanti' bi' Allah Rama.”

Sabab se daddi kasokanna Tang Rama iya areya: Sopaja sakabbiyanna oreng se la nangale'e Pottrana Allah ban parcaja ka Salerana andhi' odhi' se saongguna ban langgeng. Ban bi' Sengko' epaodhi'a pole e Are Keyamat.”

Dhabuna Isa, “Se daddi kasokanna Allah iya areya sopaja ba'na parcaja'a ka Salerana se eotos Allah.”

Sengko' ta' nolaga sapa'a bai se nyander ka Sengko'.

“Guste,” ca'na atorra Petrus, “Nyengga'a ka pasera abdidalem? Dhabuepon Junandalem apareng kaodhi'an se saongguna sareng se langgeng.

Sengko' reya roti se toron dhari sowarga – roti se aberri' kaodhi'an. Oreng se ngakan roti reya bakal odhi'a salanjangnga. Roti se bi' Sengko' ebagiya kaangguy odhi'na manossa e dunnya reya iya areya Tang daging.”

Tadha' oreng se bisa nyander ka Sengko', kajabana ebakta ka Sengko' bi' Rama se ngotos Sengko'; ban sapa se nyander ka Sengko' jareya bi' Sengko' epaodhi'a pole e Are Keyamat.

Sabab roti paparengnga Allah iya areya Salerana se toron dhari sowarga ban apareng odhi' ka manossa e dunnya reya.”

Sengko' reya roti se aberri' kaodhi'an.

Isa mondhut roti gella', laju asokkor ka Allah. Saellana jareya rotina egi-bagi ka oreng se sabannya'na jareya. Bariya keya juko'na egi-bagi. Reng-oreng se badha e jadhiya padha ngakan sanyang-kennyangnga. Saellana kabbi padha kennyang se ngakan, Isa adhabu ka red-moredda, “Kassa' pakompol lebbina kakanan jareya; ja' sampe' badha se tabuwang.”

Saellana se alajar olle ra-kera lema' otaba nem kilometer, red-moredda Isa jareya nangale'e Isa alomampa e attas aeng nyander ka paraona. Red-mored jareya ce' tako'na. Tape Isa adhabu, “Ella, ta' osa tako', areya Sengko'!”