Amavesi eBhayibheli adumile avela kokuthi YOHANES 1

Dlulisela

Mingka nia' todong tau antarimai na tappa' ri Ia, nisarei pangngellai a'jari ana'Na Allata'ala

Ri pakaramulana, ri tenanapa nipa'jari linoa, nia' memammi Kanaya. Nia'mi anjo Kanaya siagang Allata'ala na anjo Kanaya iatonji Allata'ala.

Accaya minjo Singaraka lalang ri sassanga, na takkullea sassanga ambunoi Singara'Na.

Ma'rupataumi anjo Kanaya, ammantangi ri tangnga-tangngata, na nicini'mo kala'biranNa. Natarimai anjo kala'biranga salaku Ana' sitau-tauNa Manggea. Tete ri KalenNami nanicini' Allata'ala, siagang pangngamaseanNa mae ri katte.

Tete ri Iami nanipa'jari sikontu apa niaka, na sikontu apa niaka, tenanniakka manna sirupa nipa'jari punna tamannetea ri Ia. Iaminjo Kanaya nakabattui katallassanga, na iaminjo katallassanga assingari rupataua.

Ammukona, nia'mi Isa nacini' Yohanes battu mae ri ia. Nakanamo Yohanes, “Cini'mi, Iaminjo Ana' Gimbala'Na Allata'ala, antangkasiai dosana bonena linoa.

Niaki Kanaya ri lino, tete ri Ia nipa'jari linoa, mingka taniassengai ri linoa. Battui ri pa'rasangang KalenNa mingka tanitarimayai ri bansaNa.

Singara' sitojennaya, assingariai sikontu rupataua, nia'mi battu ri lino.

Nitarimai HukkunNa Batara, tete ri Musa. Mingka pangngamaseang siagang pangngatutuiNa Allata'ala nipa'nyatami lalang ri Isa Almasi.