Amavesi eBhayibheli adumile avela kokuthi Litanga 1

Dlulisela

Kandi Nyasaye ya vola, Ku lombe mundu ku lifwanana lyetu, na kuli liva lyetu: kandi va ve nelyameha ku tsisudzi tsyomu inyanza, noku manyonyi gombwereru, noku mitugu, noku lirova lyosi, noku vi molanga ku lirova vyosi. Kunangwa Nyasaye ya lomba mundu ku lifwanana lilye, mu lifwanana lilye ya mu lomba; musatsa nomukali ya va lomba.

Na Nyasaye ya va gasidza: na Nyasaye ya va volera, Mwivulane, mu medeke, na mwizule lirova, noku lyameha; kandi mwamehe ku tsisudzi, tsyomu inyanza, noku manyonyi gombwerefu, noku vyosi vyelivamwoyo vi gendanga ku lirova.

Mu litanga Nyasaye ya lomba migulu nelirova.

Na lirova lya gwa bugira bulolero na bugira kindu mulyo; na kisundi kya kunika ku lirova na Roho wa Nyasaye ya gonera ku amadzi.

Kandi Nyasaye ya vola, Bu ve ubulavu: na bwa li ho ubulavu.

Na Nyasaye ya lola vindu vyosi vya ya li hulomba, na henza, vya li vilahi ligali. Na gwa li mgolova na gwa li muvamba, lidiku lya gatano nelilala.

Na Nyasaye ya lola ubulavu, bwa li bulahi: na Nyasaye yavukanya ubulavu nekisundi.

Na Nyasaye ya vola, Henza, mmali kumuha tsingutsa tsyosi tsi letanga ubugutsa, tsi veye ku lirova lyosi, na musala ku gyosi, mugwo gu veye nelikuyu lyomusala gu letanga tsinzoli; ku mwinye vi la va vyokulia

Na Nyasaye ya ki gulika ubulavu Mbasu, na kisundi ya gulika Ubudiku. Na gwa li mgolova na gwa li mugamba, lidiku lilala.

Kandi Nyasaye ya vola, Bu ve ho ubwerefu hagati ha amadzi, bwavukanye amadzi ku amadzi.

noku tsinyama tsyosi tsyelirova, noku manyonyi gosi gombwerefu, noku vyosi vimolanga ku lirova, vi veye nelivamwoyo, mbaani kuvyo tsingutsa tsyosi tsya amatu mavisi tsi ve vyokulia: na ga li ndiyo.

Kandi Nyasaye ya vola, Bu ve ho ubulavu mbwerefu bweligulu kwavukanya mbasu ku budiku, kandi bu ve vilolekidzu, netsinyinga, namadiku, nemihiga

Na Nyasaye ya vola, Lirova li mere ubulimu, netsingutsa tsi letanga ubugutsa, nemisala gyamanga makuyu kuli lugano lwagyo, gyi veye netsinzoli tsyagyo ku lirova: na ga li ndiyo.

Na Nyasaye ya lomba ubwerefu, nokwavukanya amadzi ga li isi wobwerefu ku amadzi ga li igulu ku bwerefu na ga li ndiyo.

Kandi lirova lya mera ubulimu, netsingutsa tsi letanga ubugutsa kuli lugano lwatsyo, nemisala gyamanga makuyu, ga veye netsinzoli tsyagyo mu gyene, kuli lugano lwagyo: na Nyasaye ya lola nobulahi.

Na Nyasaye ya lomba vimulikiru venene viviri; kinene kwameha mbasu, na kikekeke kwameha ubudiku: kandi ya lomba tsing'ereng'ani.

Kandi Nyasaye ya vola, Amadzi ga li isi weligulu ga vunge halala li loleke lirova Iyumu: na ga li ndiyo. Na Nyasaye ya gulika ahumu Lirova na livungwa lyamadzi ya gulika Tsinyanza: na Nyasaye ya lola nobulahi.

Kandi Nyasaye ya vi gasidza, na a vola, Mwivulane, mu medeke, mwizule a nadzi getsinyanza, kandi manyonyi ga medeke ku lirova.

Na Nyasaye ya vola, Lirova lyaale vilombe vyelivamwoyo kuli lugano lwavyo, mitugu, nevimolanga netsinyama tsyelirova kuli lugano lwatsyo: na ga li ndiyo.

Kandi Nyasaye ya vola, Amadzi gaale vilombe vinyingi vyelivamwoyo na manyonyi ga buluke igulu ku lirova mu bwiyangu bwobwerefu bweligulu.

Na Nyasaye ya lomba tsinyama tsyelirova kuli lugano lwatsyo, nemitugu kuli lugano lwagyo, na vyosi vi molanga ku lirova kuli lugano lwavyo: na Nyasaye ya lola nobulani.