Amavesi eBhayibheli adumile avela kokuthi YOHANES 13

Dlulisela

Uku melei priteak blau ngen udi, adeba supayo udi saling mengasiak, serai awei Uku kemasiak udi, awei'o kulo udi arus saling kemasiak. Amen udi saling mengasiak mako kute tun bakea namen bahwo ko adeba penotoa-penotoa-Ku.”

Amen Uku, Tuhan ngen Gu'aunu, mpuk kekeanu, mako udi wajib saling mpuk kekeanu. Sebab Uku bi melei teladan ngen udi, supayo udi kulo menea serai awei de sudo Uku menea ngen udi.

Jawab Yesus ngen si, “Jano de Uku menea, ko coa namen uyo, tapi be ko bakea ngertai.”

Sesungguakne Uku madeak ngen udi: Suang pelayan coa ba lebiak lekat kunei Tuan ne, suang utusan coa lebiak lai kunei pado de mutusne.

Amen udi namen kutene yo, mako riang ba udi, amen udi menea ne.

Lajau klongonba Yesus ngen temanggea jubah-Ne. Si mok delam bea kain lenan ngen meket-Ne moi pinggang-Ne. Sesudo'o Si me'eng bioa moi lem do reseng ngen muloi mpuk kekea penotoa-penotoa-Ne lajau melapne ngen kain de tepeket neak pinggang-Ne o.