Amavesi eBhayibheli adumile avela kokuthi YOANƐ 6

Dlulisela

Nɛ Yezu tɔ̃ hã wa na: “Mi a nyɔngɔmɔ kɛ ma hã kpasi hã wele ni. Wi kɛ a tɛ 'da mi, nɛ a ɔ́ sɛ wɔ gɔ, nɛ wele kɛ a kɔ̃ zu li mi ni, wɔ lì bá sɛ 'bɔ a gɔ.

Wi a Hi Wi 'da Gale a hã kpasi hã winɔ. Wele wè tɛ dɛ mɔ do ngawi 'da a zu a kpo gɔ. Kɔ wenɔ mi tɔ̃ ma gɛ, ma yula kɔ Hi Wi 'da Gale, nɛ ma hã kpasi hã wele.

Kɔ nɛ lá fala dɛ to we fa nyɔngɔmɛnɔ kɛ ma 'da 'danga ni, nɛ nɛ fá nyɔngɔmɛ kɛ ma ɔ fai, nɛ ma hã kpasi kɛ ma é sɛ gɔɛ ni. Nɛ nde wi a mi Be 'da Wele hã mi hã sɛ nyɔngɔmɛ ni hã nɛ, we kɛ Gale, Baa mi bia na, mi do ngawi 'da a kɔ mi boe.”

We duzu kɛ Baa mi kɔ̃a na, winɔ vɛ̃ kɛ wa zɔa mi Be 'da a, nɛ wa kɔ̃a zu li mi ni, wa kpa kpasi kɛ ma é sɛ gɔ ni. Nɛ do ndɔti nùi, nɛ mi tunu sɛ wa kɔ fio, takɔ wa ɔ do kpasi.”

Nɛ Yezu gese hã wa na: “Mɛnɔ kɛ zã Gale kɔ̃a na nɛ dɛ́ ni, mɛ a kɔ̃ zu li mi kɛ a tumba mi ni.”

Winɔ vɛ̃ kɛ Baa mi hã wa hã mi ni, wa tɛ sɛ dɛ 'da mi, nɛ mi ndáká sɛ wele kpo sanga wa ni gɔ.

Nɛ Simɔ Petro gese hã a na: “Nwa, lɛ nɛ la dɛ 'da wio nde? Wenɔ mɔ tɔ̃ ni, mɛ a we kɛ ma hã kpasi kɛ ma é sɛ gɔ ni.

Mi a nyɔngɔmɛ kɛ ma yula ngɔ i, nɛ ma hã kpasi ni. Fala kɛ wele nyɔngɔ ma, nɛ a sɛ do kpasi fai. Nyɔngɔmɛ mi hã sɛ ma hã nɛ ni, mɛ a kili tɛ mi. Mi hã sɛ ma, takɔ winɔ ngɔ nù gɛ, wa kpasa.”

We kɛ wele wè tɛ tɛ dɛ 'da mi do ngawi 'da a iko gɔ. Baa mi kɛ a tumba mi ni, a tombo wele dɛ 'da mi, sɛ nɛ wi ni tɛ de. Nɛ do ndɔti nùi, nɛ mi tunu sɛ wi ni kɔ fio, takɔ a ɔ do kpasi.

Mba gɔ, nyɔngɔmɛ kɛ Baa mi hã ma ni, mɛ a kɛ ma yula li nza i, nɛ ma hã kpasi hã winɔ ngɔ nù gɛ.”

Mi a nyɔngɔmɔ kɛ ma hã kpasi kɛ ma é sɛ gɔ ni.

Nɛ Yezu kala mapa mɔlɛ ni, nɛ a hã iɔ̃nae hã Gale, nɛ a gbini sanga nɛ, nɛ a hã ma hã Owi yambala mɛnɔ na, wa kṹ hã winɔ ni. Nɛ a kala 'bɔ kɔyɔnɔ ni, nɛ a dɛ 'bɔ ɔ nɛ kɛ a dɛa do mapa ni, nɛ a hã ma hã wa na, wa kɛ. Nɛ wele do wele kpa ɔ nɛ kɛ ma wia do a ni. Nɛ wa nyɔnga ní gbaa, nɛ zã wa hɛ̃. 'Do nɛ, nɛ Yezu tɔ̃ hã owi yambala mɛnɔ na: “Nɛ ngɛ́mɛ́ tala kɛnɔ ma 'bana ni na, dɔ ma 'dángá iko gɔ.”

Nɛ wa la ni gbaa, kɔ 'do wa nɛa we nyɛlɛ ɔ nɛ kilomɛtrɛ mɔlɔ tabi gazɛlɛ ni, nɛ wa zɔ Yezu, nɛ nde a kɔla do wa, kɔ a tɛ tɛ dɛ 'da wa nga do ngɔ lì do nyanga a. Nɛ kili ba wa wena. Kɔ Yezu nɛa we zɔ na, wa dɛ kili wena ni, nɛ a tɔ̃ hã wa na: “Nɛ tɛ dɛ̀ kili gɔ, wi a mi.”