Amavesi eBhayibheli adumile avela kokuthi Génesis 2

Dlulisela

Inaja a jaba cuaama yalo, täbä doayou däjä, täbä shelelou nodiablalou showawä. Bä fö̦ö nijamö, bä nöö nijamö, bä jaba ma cublamou wei ma cui, bei suwäbö bä nia fa ajedemabojenö, bä sheleleblou majöo, moli bä cublobä.

Ö̦jö däjä, Jeobaa a lä bufiblamou wei a lä cui, a wa̦ fama. —Ei a wa̦lo shinoco cuo däjä, tä doblaami. A bayeliobä, ya e mashi nia tablaö —a cuma.

Ö̦jö lä däjä, Jeobaa a lä bufiblamou wei a lä cuinö, mashita a fa jumöblalönö, yanowamö bei a tablalema. Ö̦jö däjä, a demi cuobä, bei fi̦yocacö fa jolashimanö, cama a fö̦shöacönö a demi cublaliyoma.

Suwä a ca̦i fa waloicunö, wa̦lo a shi dolayoma. —¡Ei camiyä ya mashi dodijiwä! Camiyä ya u ja, a tablamolayoma a dodijiwä malä cui. Camiyä ya ya̦jicö ca̦i malä showai. Camiyä wa̦lo ya nija a jocämolayoma yalo, suwä a wa̦fa cuobä—a wa̦lo cuma.

Inaja tä fa cuonö, 7 tä jalu lä cui, tä nofi jalu tabobeje, tä tablamalema. 7 tä mö jalu cublou däjä, täbä bluca lä bädamaleno wei täbä ja, cama a jaba ojodamou fa yanöcöblalunö, 7 tä a̦fa jalu shomi wäa showaquema, tä mö jalu yaiobä.

¿Ö̦jö tawä? Adana, bei suwäbö e sho, cäcöbö jaba shinoco cuoma ma cui, cäcöbö quilinomi.