Amavesi eBhayibheli adumile avela kokuthi MATEO 5

Dlulisela

Adhaawa emjannaajä wöwa o’nä ännö’da weiñä nai. Dha’täi ye’wääne tödöödö, tameedä yää maa tacancomo yeijodööcomo wetä. Mädääje mmaja soto yeijojai maato änwanno, aashichaato tödöödö äwwäiñe eneiyeto, aashicha a’deuwöiyeto yaawä Oomotoncomo caju ñano jäcä.

“Änwanno maato adhaawa nönge, edä nono de’woncomo yeijonnamooje. Jata jöö de’wono ootone’tojoojai’cha na.

“Ta’cwaiñe eijai ñaato ñanno masuuduijemjöncomo tö’tajäätödö; tönwanno Wanaadi neneeaato’de.

“Ta’cwaiñe eijai ñaato ñanno chäänönge töwei’sha’como, töwoocödö enö’se weiñä naichöje, ämiije weiñä naichöje mmaja; chäänönge yeicho’como chäwwäiñe nä’tua’de.

Öwö mmaane yääje wä’döa äwwäiñe: Ätu’de’tännamo jadä’jödöödä ijummatääcä. Adheunenaamo wwäiñe aashicha adha’deutäcä. Aashicha tödöötäcä aquiiñeme’nnamo. Wanaadi wwä adha’deutäcä adheetana’tännamo jäcäiñe, amaaminchannamo jäcäiñe mmaja.

—Ta’cwaiñe eijai ñaato ñanno a’ca’como tö’tadö, Wanaadi töcaajichaanaichomooje yeijäcä.

“Ta’cwaiñe eijai ñaato ñanno äätu’dedööje’da weiñä jäcä soto yäätuujannamo; tönwanno Wanaadi nnacoomoje nätä’täjaato’de.

“Ta’cwaiñe eijai ñaato ñanno töwaamo’como; tönwanno nä’wa’däjaato’de.

“Ta’cwaiñe eijai ñaato ñanno chäänönge töweichöcoomo jo’tadööja’como wäntunamjödö, Wanaadi töcaajichaanaichomooje yeijäcä.

“Ta’cwaiñe eijai ñaato ñanno wentumje änennamo; tönwanno daja wentumje näänejaato’de.

“Ta’cwaiñe eijai maato änwanno soto wwäiñe adheetana’ta’comjäcä, amaamincha’comjäcä mmaja, jönaawä adheementa’comjäcä mmaja, sootoije aweichöcoomo jo’tädööje. Adha’cwainchatääcä’de yaawä; ä’wa’dätääcä’dede, adheejemaato’como jooje yeijäcä caju ña. Mädääje dea tömmaminchaiñe töweiye cönä’ja’to odhoowajoodo’como Wanaadi wa’deuwödö ecammannamo.

“Ta’cwaiñe eijai ñaato ñanno o’jodhe chö’tajä’jöncomo; Wanaadi necaama’jödö nono chäwäiñe nä’tua’de.

“Änwanno maato saayu nönge edä nono de’woncomo wwäiñe. Yaawääne’, saayu a’cwötöödö wataamea’jäcä, ¿aaquene ma’cwötöömaiyede yaawä? ¿Ane’cotoojoje eichöde’ yaawä? Tämamje mma na yaawä, sotoocomo neta’jätöödöcoomoje.

Aashichaane eichäcä, Oomotoncomo caju ñano aashicha naadöje mmaja.

Sa’donnaane adha’deutäcä. “Ee;” quee caichäcä’de; “Ng’jn;” quee jeiñe mma. Yää de’wono wa’deunä mmaane odo’sha dö’senno ne’a.

“Änwanno metaatäne yääje yä’dö’jocoomo jenaadä: “Änu cone’ma’jödö, änu que mmaja ejeemadö. Dhedö cone’ma’jödö, dhedö que mmaja ejeemadö;” quee yä’dö’jocoomo naadö. Öwö mmaane yääje wä’döa äwwäiñe: Conemjönö äjääcä tödöönei’jödö töweiye yeiya’jäcä, chääjäcä moojo’täi’che. Anejja wwä ajoojeta’ma’jäcä, ijaato daja eneejocääde chäwwä.

“Yääje yeijäcä adheenudu ämu’demjönö nene’madö woije asaadijanga’jäcä, u’cacä, memaiye yaawä. Aashicha mmaja tooni äjääcono wäämadö, yä’jödöödä aweichaame mma wa’to nwaca mätäämajo’no. Adhaamädö ämu’demjönö nödöödö woije asaadijanga’jäcä, acä’cä, memaiye yaawä. Aashicha mmaja tooni äjääcono wäämadö, yä’jödöödä aweichaame mma wa’to nwaca mätäämajo’no.