Amavesi eBhayibheli adumile avela kokuthi Yoh 14

Dlulisela

Nimbatsigira obusingye; obusingye bwangye naabubaha, ntarikububaha nk'oku ensi ebuha. Emitima yaanyu erekye kushoberwa nari kutiina.

Yesu amugarukamu ati: Niinye muhanda n'amazima n'amagara; tihariho oija ahari Taata, atarabire muriinye.

Emitima yaanyu erekye kushoberwa; mwikirize Ruhanga, kandi naanye muunyikirize.

kwonka Omuhwezi, Mutima Orikwera, ou Taata arituma omu iziina ryangye, niwe aribeegyesa byona ebi naabagambiire.

Weena oikiriza ebiragiro byangye akabikuratira niwe ankunda; kandi weena onkunda, aryakundwa Taata, naanye ndyamukunda, mmweyorekye.

naanye ndyashaba Taata, abahe Omuhwezi ondiijo, agume naimwe ebiro byona. Niwe Mutima ow'amazima, ou ensi etabaasa kwakiira, ahabw'okuba temureeba kandi temumanya; kwonka imwe nimumumanya, ahabw'okuba aguma naimwe kandi aryatuura omuriimwe.

Kyona eki murishaba omu iziina ryangye, ndyakikora, Taata abone kuhimbisizibwa omuri Mwana. Kyona eki murishaba omu iziina ryangye, ndyakikora.

Ku muraabe nimunkunda, mukwate ebiragiro byangye

Omwa Tata harimu emyanya mingi; kuri kitari kwo, nkaabagambiire nti: Ninza kubateguurira omwanya?

Ku ndiheza kuzayo n'okubateguurira omwanya, ndyagaruka, mbatware ei ndi, ngu ei ndi, naimwe mube niyo mwatuura.

Tomasi amubuuza ati: Mukama wangye, ka tutarikumanya ei orikuza; omuhanda nitugumanya tuta?