Amavesi eBhayibheli adumile avela kokuthi Matiye 13

Dlulisela

A giimi daare soopa saabayye aleŋ kiɗa ta samaane maa gu busini suubiɗe. Giimi kotti pa geewaa beneyti Mellayi, guu ibinniyya dagganti. Guta ay aleŋ busini ma weero miici, daare ƴa orooruwee orro, daare pa orooruwee bizgiƴi, o daare pa orooruwee subba.»

A giimi daare payya saabayye aleŋ were ma lekka tetteesigee ma lekka ejjemmi maa gu busini suubiɗe. Guta kotti pa geewaa beneyti Mellayi, guu moyoowi ku lawwi ku dunuune teete o daɓaali ka ayaawuwwi siiƴiyyooga beneyyi kaaka. Gaa beneyyi kaaka pa alɗo waa ɗa ya maatiki.

Guu giimi geewa beneyyi ka mulunniti Mellayi guu alɗiya ebenna ɗa dagganti, gu saabayye aleŋ biiti botol kaaka maa gu busini suubiɗe. Gaa Seetanne, gata ma ay miltí miɗɗati, asiɗe ga asiyya cimma maaƴi beneyyi ma luwenta galbanti.

A giimi daare pa ma geewaa beneyti Mellayi o gu oyaa saa koɗok ma parhane saabayye aleŋ were ma lekka dambee dambee maa gu busini suubiɗe. Innasoopa ga beneyti Mellayi esekkayo ɗa carri. Guta bakamma beneyti Mellayi wikinne paalta ka. Meene maa guu gasse pa gaari ku diiganti o gu giimi laayo miɗɗa asan gu amanne oko beneyti Mellayi gu otokkati oko amannico daana ka.

Gaa Iisa gaayiɗe payya gaa: «Mulunniti Mellayi saabayye aleŋ ayaawi ma saayenta gaani. Gaa gimu kaƴi gassiyya wikirti ayaawi kaaka. Gaa saayiyya payya wikirti kaaka aɗe. Gaa min parhanti ga yookiɗe ga asikko giɗa lawtee paracco, gaa deeɗiya giɗa gaan kaaka.

Daare payya pa suube kiɗa ta samaane. Guu maaɗiɗe, guu cimmiɗe ganaadalgee. Ganaadalgee daare ƴa weero miici orooruwee orro, daare pa orooruwee bizgiƴi, daare pa orooruwee subba.»

Duwaaniyo gu maaɗiɗo sawa namma ya seɗɗiti. Gaa oko wikinne ka seɗɗiti pa na beneyyiyoo oko seɗeekeyyo naa: Caɗɗoŋca ƴa omma bazarre, kuu onnicca kayyee kuu iggicca. A korƴo soopa, ku timmoŋgu urditu.”»